8th Pay Commission: மத்திய அரசு ஊழியர்களுக்கு மகிழ்ச்சியான செய்தி. மே மாதம் மிகப்பெரிய அப்டேட்கள் காத்திருக்கின்றன. ஊதிய உயர்வு எவ்வளவு தெரியுமா?
8th Pay Commission: 8வது ஊதியக்குழுவின் உறுப்பினர்கள் அனைவரும் இந்த மாதத்திற்குள் நியமிக்கப்படுவார்கள் என எதிர்பார்க்கப்படுகிறது. அறிக்கையைத் தயாரிக்க குழுவிற்கு 15-18 மாதங்கள் ஆகும். ஆகையால் அறிக்கை 2026 இன் பிற்பகுதியில் அல்லது 2027 இன் தொடக்கத்தில் வரக்கூடும். ஃபிட்மென்ட் ஃபாக்டர், அகவிலைப்படி இணைப்பு மற்றும் கொடுப்பனவுகளில் எதிர்பார்க்கப்படும் மாற்றங்கள் அரசு ஊழியர்கள் மற்றும் ஓய்வூதியதாரர்களின் வாழ்க்கையில் நிச்சயமாக ஒரு பெரிய மற்றும் நல்ல மாற்றத்தைக் கொண்டுவரும்.
8வது ஊதியக்குழு அமைக்கப்பட்ட பிறகு, குழு உறுப்பினர்கள் முதலில் ஊழியர் சங்கங்கள், பல்வேறு அமைச்சகங்கள் மற்றும் நிபுணர்களுடன் பேச்சுவார்த்தை நடத்துவார்கள். தற்போதுள்ள பணவீக்கம், அரசாங்கத்தின் நிதி நிலை, ஊழியர்களின் தேவை ஆகியவை ஆய்வு செய்யப்படும். அதன் பிறகு குழு தனது அறிக்கையை வழங்கும். இதில் பின்வரும் விஷயங்களுக்கு முக்கியத்துவம் அளிக்கப்படும்.
ஃபிட்மெண்ட் ஃபாக்டர் பற்றி பல வித ஊகங்கள் உள்ளன. ஃபிட்மெண்ட் ஃபாக்டர் தற்போதுள்ள அடிப்படை சம்பளத்துடன் பெருக்கப்பட்டு புதிய அடிப்படை ஊதியம் தீர்மானிக்கப்படுகின்றது. 7வது சம்பளக் குழுவில் இது 2.57 ஆக நிர்ணயிக்கப்பட்டது. 8வது ஊதியக்குழுவில் இதை 3.68 ஆக மாற்ற வேண்டும் என ஊழியர் சங்கங்கள் கோரியுள்ளன. ஆனால் நிபுணர்கள் இது 2.80 முதல் 3.0 -க்குள் இருக்கலாம் என்று நம்புகிறார்கள்.
8வது சம்பளக் குழு அமல்படுத்தப்படும்போது (ஜனவரி 1, 2026 முதல் எதிர்பார்க்கப்படுகிறது), மத்திய அரசு ஊழியர்கள் பெற்றிருந்த DA (60% க்கும் அதிகமாக இருக்கும் என மதிப்பிடப்பட்டுள்ளது) எதுவாக இருந்தாலும், அது அடிப்படை சம்பளத்தில் இணைக்கப்படும் என்பது உறுதி. 7வது கமிஷனின் போது 125% அகவிலைப்படியிலும் இதேபோன்ற ஒன்று நடந்தது. அகவிலைப்படி சேர்க்கப்பட்ட பிறகு, புதிய அடிப்படை சம்பளத்திற்கான அகவிலைப்படி மீண்டும் பூஜ்ஜியம் முதல் தொடங்கும்.
தற்போது நடைமுறையில் உள்ள ஊதிய மேட்ரிக்ஸ் மேம்படுத்தப்படலாம். சம்பளத்தில் உள்ள பிழைகளை சரிசெய்ய சில நிலைகளை நீக்கவோ அல்லது இணைக்கவோ வாய்ப்புள்ளது.
வீட்டு வாடகை கொடுப்பனவு (HRA), பயணக் கொடுப்பனவு (TA), குழந்தைகள் கல்வி கொடுப்பனவு (CEA) போன்ற கொடுப்பனவுகளின் விதிகள் மற்றும் அளவுகளும் மாறக்கூடும். நகரத்தைப் பொறுத்து HRA மாறுபடலாம், மேலும் தற்போதைய சூழ்நிலைக்கு ஏற்ப பிற கொடுப்பனவுகளும் புதுப்பிக்கப்படலாம்.
8வது ஊதியக்குழுவின் பரிந்துரைகள் மத்திய அரசு ஊழியர்களுக்கு மட்டுமல்ல, 65 லட்சத்திற்கும் அதிகமான ஓய்வூதியதாரர்களுக்கும் பொருந்தும். அவர்களின் ஓய்வூதியம் எவ்வாறு முடிவு செய்யப்படும் என்பது குறித்தும் விவாதம் நடைபெறும்.
சம்பள உயர்வு இரண்டு விஷயங்களைப் பொறுத்தது: 1) அடிப்படை சம்பளத்தில் அகவிலைப்படி இணைக்கப்படுவது மற்றும் 2) புதிய ஃபிட்மெண்ட் ஃபாக்டர்
தற்போதுள்ள அடிப்படை சம்பளத்தில் 60% அகவிலைப்படி (தோராயமாக) இணைக்கப்பட்டால், சம்பளம் தானாகவே கணிசமாக அதிகரிக்கும். இது பல வகையான அதிகரிப்புகளுக்கு வழிவகுக்கும்.
டிஏ இணைப்புக்கு பிறகு ஃபிட்மெண்ட் ஃபாக்டர் சேர்க்கப்படும். ஃபிட்மெண்ட் ஃபாக்டர் 3.0 ஆக நிர்ணயிக்கப்பட்டால், 7வது ஊதியக்குழுவின் அடிப்படை சம்பளம் கிட்டத்தட்ட மூன்று மடங்கு அதிகரிக்கும் (இதில் இணைக்கப்பட்ட அகவிலைப்படியும் அடங்கும்).
ஒட்டுமொத்தமாக, பல்வேறு நிலைகளில் உள்ள ஊழியர்களின் மொத்த சம்பளம் 25% முதல் 40% வரை அல்லது அதற்கும் அதிகமாக உயரக்கூடும். இது உங்கள் பதவி (நிலை), இன்றைய அடிப்படை சம்பளம் மற்றும் ஃபிட்மெண்ட் ஃபாக்டரைப் பொறுத்தது. உதாரணமாக, ஒருவரின் அடிப்படை ஊதியம் ரூ.18,000 ஆகவும், ஃபிட்மென்ட் ஃபாக்டர் 3.0 ஆகவும் இருந்தால், புதிய அடிப்படை ஊதியம் சுமார் ரூ.54,000 ஆக உயரலாம் (இது ஒரு மதிப்பீடு மட்டுமே).
பொறுப்பு துறப்பு: இந்த பதிவு தகவல் நோக்கங்களுக்காக மட்டுமே எழுதப்பட்டுள்ளது. இதன் மூலம் 8வது ஊதியக்குழுவின் கீழ் கிடைக்கக்கூடிய ஊதிய உயர்வு அல்லது ஓய்வூதிய உயர்வுக்கு எந்தவித உத்தரவாதமும் அளிக்கப்படவில்லை. சமீபத்திய மற்றும் துல்லியமான தகவல்களுக்கு அதிகாரப்பூர்வ அரசாங்க தளங்களை அணுக பரிந்துரைக்கப்படுகிறது.
