கலைஞர் மகளிர் உரிமைத் தொகை : விண்ணப்பிக்கும் போது இந்த தவறுகளை செய்துவிடாதீர்கள்

1 /10

தமிழ்நாட்டில் வெகு சிறப்பாக செயல்படுத்தப்படும் கலைஞர் மகளிர் உரிமைத் தொகை (Kalaingar Magalir Urimai Thogai) திட்டத்துக்கு புதியதாக ஆயிரக்கணக்கானோர் விண்ணப்பித்து வருகின்றனர். புதிதாக ரேஷன் கார்டு வாங்கியவர்கள் உடனே கலைஞர் மகளிர் உரிமைத் தொகைக்கு தான் விண்ணப்பிக்கின்றனர்.

2 /10

ஆனால் விண்ணப்பிக்கும் எல்லோருக்கும் கலைஞர் மகளிர் உரிமைத் தொகை கிடைக்குமா? என்றால் இல்லை. உங்களின் விண்ணப்பம் பரிசீலனை செய்யப்பட்டு, ஏற்றுக் கொள்ளப்பட்டால் மட்டுமே மாதம் ஆயிரம் ரூபாய் கிடைக்கும். எனவே பலருக்கும் விண்ணப்ப பரிசீலனையின்போது தான் அவர்களின் விண்ணப்பங்கள் நிராகரிக்கப்படுகிறது.

3 /10

அதற்கு காரணம் என்னவென்றால் கலைஞர் மகளிர் உரிமைத்தொகைக்கு விண்ணப்பிக்கும்போது உங்களையும் மறந்து செய்யக்கூடிய சில தவறுகள் தான். அதனால், கலைஞர் மகளிர் உரிமைத் தொகைக்கு புதிதாக விண்ணப்பிப்பவர்கள் சில விஷயங்களை கட்டாயம் மனதில் வைத்துக் கொள்ள வேண்டும்.

4 /10

ஒரே வீட்டில் இரண்டு பேருக்கு கலைஞர் மகளிர் உரிமைத் தொகை கிடைக்காது. அதாவது ஒரே ரேஷன் கார்டில் இரண்டு பெண்கள் இருப்பின் அவர்கள் தனித்தனியாக கலைஞர் மகளிர் உரிமைத் தொகை கோரி விண்ணப்பித்தால் அதில் ஒருவரின் விண்ணப்பம் மட்டுமே ஏற்றுக் கொள்ளப்படும்.

5 /10

அதேபோல் ஒரே வீட்டில் இரண்டு குடும்பங்கள் வசித்துக் கொண்டு தனித்தனி ரேஷன் கார்டு வைத்திருந்தாலும் சிக்கல் தான். அதிகாரிகளின் கள ஆய்வில் ஒரே வீட்டு முகவரியை வைத்து இரண்டு ரேஷன் கார்டு வாங்கியிருந்தால் ரேஷன் கார்டே ரத்து செய்யப்பட வாய்ப்பு இருக்கிறது.

6 /10

ஆயிரம் ரூபாய் மாதாந்திர உதவித் தொகைக்கு ஆசைப்பட்டு கஷ்டப்பட்டு வாங்கிய ரேஷன் கார்டை இழந்துவிடாதீர்கள். ஏனென்றால் ஒரே வீட்டு முகவரியில் இரண்டு ரேஷன் கார்டுகள் இருக்கவே கூடாது. 

7 /10

வீட்டில் முதியவர்கள் பெயர் ரேஷன் கார்டில் இருந்து அவர்கள் அரசின் வேறு ஏதேனும் ஓய்வூதிய திட்டத்தின் மாதாந்திர உதவித் தொகை பெற்றுக் கொண்டிருந்தால் அவர்களுக்கும் கலைஞர் மகளிர் உரிமைத் தொகை கிடைக்காது. 

8 /10

கார் உள்ளிட்ட சொந்த பயன்பாடுகளுக்காக கனரக வானங்கள் வைத்திருப்பவர்களுக்கு கலைஞர் மகளிர் உரிமைத் தொகை கிடைக்காது. இதனை கள ஆய்வின்போது அதிகாரிகள் உறுதிப்படுத்துவார்கள். விண்ணப்பிக்கும்போது வாகனங்கள் இல்லை என நீங்கள் கூறினாலும், ஆய்வில் கண்டுபிடிக்கப்பட்டால் விண்ணப்பம் நிராகரிக்கப்படும்.

9 /10

நிலங்கள் பொறுத்தவரை 10 ஏக்கருக்கும் மிகாமல் புன்செய் நிலங்களும், 5 ஏக்கருக்கும் மிகாமல் நன்செய் நிலங்களும் இருக்க வேண்டும். இந்த தகவலை நீங்கள் மறைத்து விண்ணப்பித்தால் கிராம நிர்வாக அலுவலர் மூலம் விண்ணப்பதாரரின் நிலை கண்டறியப்பட்டு, உங்களின் விண்ணப்பம் நிராகரிக்க அதிக வாய்ப்புள்ளது.

10 /10

எனவே கலைஞர் மகளிர் உரிமைத் தொகைக்கு விண்ணப்பிக்கும்போது நீங்கள் உண்மையிலேயே தகுதி வாய்ந்த பயனாளி என்றால் மட்டுமே விண்ணப்பிக்கவும். இல்லை என்றால் உங்களின் விண்ணப்பம் நிராகரிக்கப்படுவதை தவிர்க்க முடியாது.