இந்தியாவுக்கு எதிரான போட்டியில் நியூசிலாந்து அணிக்கான கணிக்கப்பட்ட பிளேயிங் 11 குறித்து பார்க்கலாம்.
சாம்பியன்ஸ் டிராபியின் அரை இறுதி போட்டிக்கு குரூப் ஏ-வில் இருக்கும் இந்தியா மற்றும் நியூசிலாந்து அணிகள் தகுதி பெற்றுள்ளது. இந்த நிலையில், இந்த இரு அணிகளுக்கான கடைசி லீக் போட்டி நாளை (மார்ச் 02) நடைபெறும் நிலையில், இத்தொகுப்பில் நியூசிலாந்து அணிக்கான பிளேயிங் 11 குறித்து பார்க்கலாம்.
டேவான் கான்வே நியூசிலாந்து அணிக்காக தொடக்க வீரராக களம் இறங்குவார். இவர் அந்த அணிக்காக சிறப்பாக செயல்பட்டு வருகிறார்.
வில் யங் நியூசிலாந்து அணிக்காக தொடக்க வீரராக டேவான் கான்வே உடன் களம் இறங்குவார். இவர் நல்ல ஃபார்மில் இருக்கிறார்.
நியூசிலாந்து அணியின் நட்சத்திர வீரர் கேன் வில்லியம்சன் அந்த அணிக்காக 3வது இடத்தில் களம் இறங்குவார். மேலும், அந்த அணியின் நம்பிக்கை வீரராக இருக்கும் இவர், முக்கியமான சூழ்நிலைகளில் ரன்களை சேர்ப்பார்.
இடது கை பேட்ஸ்மேனான ரச்சின், கடந்த போட்டியில் சதம் விளாசினார். இந்தியாவுக்கு எதிரான போட்டியிலும் சிறப்பான ஆட்டத்தை வெளிப்படுத்த காத்துக்கொண்டிருக்கிறார்.
நியூசிலாந்து அணிக்கான விக்கெட் கீப்பரான டாம் லதாம், சாம்பியன்ஸ் டிராபியில் சிறப்பான ஆட்டத்தை வெளிப்படுத்தி வருகிறார். இவர் ஸ்பின்னர்ஸுக்கு எதிராக சிறப்பாக விளையாடுவார்.
அதிரடி பேட்டரான க்ளேன் பிலிப்ஸ் சிறந்த ஸ்பின்னரும் கூட. இவர் முக்கிய கட்டங்களில் விக்கெட்களை வீழ்த்தி அணிக்கு கைகொடுப்பார்.
மிட்செல் பிரேஸ்வெல் பேட்டிங் மற்றும் பவுலிங் என இரண்டிலும் சிறப்பான பங்களிப்பை கொடுப்பவர். இவர் வங்கதேசத்திற்கு எதிரான போட்டியில் முக்கிய பங்களித்தார்.
நியூசிலாந்து அணியின் கேப்டனான மிட்செல் சண்ட்னர், சிறந்த ஸ்பின்னர் ஆவார். இவரது கேப்டன்ஸியில் நியூசிலாந்து அணி சிறப்பாக செயல்பட்டு வருகிறது.
மெட் ஹென்ரி நியூசிலாந்து அணியின் முக்கிய வேகப்பந்து வீச்சாளர் ஆவார். இவர் இந்திய அணிக்கு எதிரான போட்டியில் விளையாட உள்ளார்.
நியூசிலாந்து அணியின் முக்கியமான மற்றொரு பந்து வீச்சாளர் கைல் ஜேமிசன். இவர் இந்திய அணிக்கு நிறைய அச்சுறுத்தலை கொடுத்துள்ளார்.
வில் ஓ ரூர்க் பந்து வீச்சில் நியூசிலாந்து அணிக்கு கூடுதல் பலமாக காணப்படுகிறார். இவர் இந்திய அணிக்கு எதிராக சிறப்பான பங்களிப்பை கொடுப்பார் என எதிர்பார்க்கப்படுகிறது.
