சனி பகவான்: கர்ம வினைகளுக்கு ஏற்ப பலனை கொடுக்கும் சனி பகவான், ஜோதிடத்தில் நீதி கடவுள் என்று அழைக்கப்படுகிறார். மிகவும் மெதுவாக நகரும் கிரகமான சனி பகவான், 12 ராசிகளையும் சுற்றிவர 30 ஆண்டு காலம் எடுத்துக் கொள்கிறார்.
சனி பெயர்ச்சி 2025: ஒரு ராசியிலிருந்து மற்றொரு ராசிக்கு செல்ல இரண்டரை ஆண்டுகள் எடுத்துக் கொள்ளும் சனி பகவானின் பெயர்ச்சி மட்டுமல்ல, அதன் வக்கிரப் பெயர்ச்சி, வக்ர நிவர்த்தி என அனைத்தும் முக்கியத்துவம் பெறுகின்றன.
சனி வக்கிர நிவர்த்தி: சனீஸ்வரன், வரும் ஜூலை மாதம் 13ம் தேதி மீன ராசியில் வக்ர நிவர்த்தி அடைகிறார். நவம்பர் 28ஆம் தேதி வரை இதே நிலையில் நீடிக்கிறார். இதனால் சில ராசிகள் மிகுந்த பலனை அடைவார்கள் என்று ஜோதிட வல்லுனர்கள் கணித்துள்ளனர்.
ரிஷப ராசி: சனியின் வக்ர நிவர்த்தி காரணமாக வேலையில் தொழில் முன்னேற்றம் ஏற்படும். உத்தியோகஸ்தர்களுக்கு பதவி உயர்வு கிட்டும். ஆடம்பர பொருட்கள் வாங்க செலவு செய்வீர்கள். உங்கள் மீதான மதிப்பும் மரியாதையும் உயரும். வாழ்க்கையில் முன்னேறுவதற்கான புதிய வாய்ப்புகள் கிடைக்கும்.
கடக ராசி: வாழ்க்கையில் மகிழ்ச்சியும் இன்பமும் நிறைந்திருக்கும். திருமண வாய்ப்புகள் கைகூடும் வாய்ப்பு உண்டு. முதலீடுகள் மூலம் நல்ல லாபம் பெறலாம். முக்கியமான முடிவுகள் எடுப்பீர்கள். இது வாழ்க்கையின் அடுத்த கட்டத்திற்கு செல்ல உதவும்.
மகர ராசி: மீனத்தில் சனி பகவானின் வக்ர நிவர்த்தி, காரிய தடைகள் அனைத்தையும் நீக்கி வெற்றிகளை அள்ளிக் கொடுக்கும். மன தைரியமும் தன்னம்பிக்கையும் அதிகரிக்கும். குடும்ப உறவுகள் வலுவடையும். நினைத்த காரியம் கைகூடும்.
சனி பெயர்ச்சி 2025: சனிபகவான் கடந்த மார்ச் மாதம் 29ஆம் தேதி, கும்ப ராசியிலிருந்து மீன ராசிக்கு பெயர்ச்சியானார். சனி பெயர்ச்சியின் அடிப்படையில் தான், ஏழரை நாட்டு சனி காலம், அஷ்டம சனி ஆகியவை தீர்மானிக்கப்படுகிறது என்பது குறிப்பிடத்தக்கது.
ஏழரை நாட்டு சனி காலம்: சனி பகவானின் மார்ச் மாத பெயர்ச்சியால், மீன ராசிக்கு ஜென்ம சனியும், கும்ப ராசிக்கு பாத சனியும், ரிஷப ராசிக்கு விரய சனி காலமும் தொடங்குகிறது. அந்த வகையில் சிம்ம ராசிக்கு அஷ்டம சனி காலம் தொடங்குகிறது.
சனி பரிகாரங்கள்: சனியின் கோபப்பார்வையாலும், ஏழரை நாட்டு சனி காலத்திலும் சந்திக்கும் பிரச்சனைகள் அனைத்தும் தீர, அனுமான் சாலிசா, கோளறு பதிகம் ஆகியவற்றை தவறாமல் பாராயணம் செய்வது பலன் தரும். ஏழைகளுக்கு அன்னதானம் செய்வதும், பிரச்சனையில் இருப்பவர்களுக்கு உதவுவதும் சனிபகவானின் மனதை குளிர்விக்கும்.
பொறுப்புத் துறப்பு: இந்தக் கட்டுரையில் உள்ள தகவல்கள் பல்வேறு ஊடகங்கள், ஜோதிடர்கள், பஞ்சாங்கம், உபதேசங்கள், நம்பிக்கைகள், ஆன்மீக நூல்கள் ஆகியவற்றிலிருந்து சேகரிக்கப்பட்டு உங்களுக்கு வழங்கப்பட்டுள்ளது. எங்கள் நோக்கம் தகவலை வழங்குவது மட்டுமே. ZEE NEWS இதற்கு பொறுப்பேற்காது.
