Gold Price Today: தங்கம் என்பது உலகளவில் மதிப்புமிக்க முதலீட்டு வளமாகவே பார்க்கப்படுகிறது. இந்தியர்களுக்கு இது ஒரு மங்கள சின்னமாகவும் இருப்பதால், பல்வேறு சந்தர்ப்பங்களில் தங்கம் வாங்குவது வழக்கம். அதனால், நாட்டில் தங்க விலை தினமும் கண்காணிக்கப்படும் முக்கிய பொருளாக உள்ளது.
Gold Rate Increase: சர்வதேச சூழலைப் பொருத்து தங்கத்தின் விலை நாள்தோறும் மாறிக்கொண்டிருக்கிறது. இவ்வாண்டு தங்கம் விலை தொடர்ந்து உயரும் போக்கில் இருந்து, பொதுமக்களுக்கு அதிர்ச்சியை ஏற்படுத்தி வருகிறது. நேற்று புதிய உச்சத்தை எட்டிய தங்க விலை, இன்று (22.04.2025) எவ்வாறு உள்ளது என்பதை இங்கே தெரிந்துகொள்ளலாம்.
ஏப்ரல் 9ஆம் தேதி தங்க விலை – ஒரு கிராம் ரூ.8,410, பவுன் ரூ.67,280 ஆக இருந்தது. இதிலிருந்து தங்கத்தின் ஏறுமுக பயணம் தொடங்கியது.
ஏப்ரல் 10ஆம் தேதி, ஒரு கிராம் ரூ.8,560, பவுன் ரூ.68,480 ஆக உயர்ந்தது. விலை மீண்டும் கணிசமாக உயரும் கட்டத்தை எட்டியது.
ஏப்ரல் 11ஆம் தேதி, ஒரு கிராம் ரூ.8,745, பவுன் ரூ.69,960 ஆகிய விலைகளில் விற்பனை செய்யப்பட்டது. தினசரி உயர்வு தொடர்ந்தது.
ஏப்ரல் 12ஆம் தேதி, தங்க விலை ஒரு பவுனுக்கு ரூ.70,160 என புதிய உச்சத்தை எட்டியது; ஒரு கிராம் ரூ.8,770 என உயர்ந்தது.
ஏப்ரல் 15ஆம் தேதி, விலை சிறிது குறைந்து ஒரு பவுன் ரூ.69,760, ஒரு கிராம் ரூ.8,720 என விற்பனை செய்யப்பட்டது.
நேற்று (ஏப்ரல் 21), தங்கம் ஒரு பவுனுக்கு ரூ.71,360 என வரலாற்று உச்சத்தை எட்டியது; ஒரு கிராம் ரூ.8,920 ஆக உயர்ந்தது.
தங்கம் இன்றும் புதிய வரலாற்று உச்சத்தைத் தொட்டுள்ளது. கிராமுக்கு ரூ.9,000ஐ கடந்துள்ள தங்க விலை, சவரனுக்கு ரூ.72,000ஐ தாண்டியுள்ளது. சென்னையில் ஆபரண தங்கம் சவரனுக்கு ரூ.72,120 ஆக விற்பனையாகிறது.
கிராமுக்கு ரூ.70 உயர்ந்ததன் பிறகு, தற்போதைய விலை ரூ.9,015 ஆக உள்ளது. தங்கத்தின் விலை தொடர்ந்து அதிகரிப்பதால், இல்லத்தரசிகள் மற்றும் நகை விரும்பிகள் அதிர்ச்சியில் உள்ளனர்.
