சாம்பியன்ஸ் டிராபி 2025 தொடர் பிப்.19 ஆம் தேதி தொடங்கி நடைபெற்று வருகிறது.
சாம்பியன்ஸ் டிராபி அரை இறுதி போட்டிக்கு தென்னாப்பிரிக்கா, ஆஸ்திரேலியா, இந்தியா மற்றும் நியூசிலாந்து அணிகள் தகுதி பெற்றுள்ளன.
சாம்பியன்ஸ் டிராபி 2025 தொடரில் இந்தியா - நியூசிலாந்து அணிகள் மோதவுள்ள குரூப் ஏ பிரிவு போட்டி இன்று (மார்ச் 02) நடைபெற உள்ளது.
இப்போட்டியில் கிடைக்கும் வெற்றி தோல்வியை பொறுத்தே அரை இறுதிக்கு தகுதியான அணிகள் எந்தெந்த அணியுடன் அரை இறுதி போட்டியில் மோதப்போன்றன என்பது தெரியவரும்.
குரூப் பி பிரிவில் தென் ஆப்பிரிக்கா மற்றும் ஆஸ்திரேலியா அரை இறுதி போட்டிக்கு முன்னேறி உள்ளன. இந்த நிலையில், இந்தியா - நியூசிலாந்து மோதும் போட்டி முக்கியத்துவம் பெறுகிறது.
இப்போட்டி துபாய் மைதானத்தில் நடைபெற உள்ளது. இந்திய நேரப்படி மதியம் 2 மணிக்கு டாஸ் போடப்பட்டு, 2.30 மணிக்கு போட்டி தொடங்கும்.
இப்போட்டியை ஸ்டார் ஸ்போர்ட்ஸ் தொலைக்காட்சி மற்றும் ஸ்போர்ட்ஸ் 18 தொலைக்காட்சியில் காணலாம். மொபைல் மற்றும் இணையதளத்தில் ஸ்ட்ரீமிங் மூலம் ஜியோ ஹாட்ஸ்டார் செயலி அல்லது ஜியோ ஹாட்ஸ்டார் இணையதளத்தில் பார்க்கலாம்
இந்தியா - நியூசிலாந்து அணிகள் மோதும் போட்டி குரூப் சுற்றின் கடைசி போட்டி ஆகும். அடுத்ததாக மார்ச் 04 ஆம் தேதி முதல் அரை இறுதிப்போட்டி துபாய் மைதானத்தில் நடைபெற இருக்கிறது.
கணிக்கப்பட்ட இந்திய அணியின் பிளேயிங் 11: கே.எல்.ராகுல், சுப்மன் கில், விராட் கோலி, ஸ்ரேயாஸ் ஐயர், ரிஷப் பண்ட், ஹர்திக் பாண்டியா, ரவீந்திர ஜடேஜா, அக்சர் பட்டேல், குல்தீப் யாதவ், அர்ஷ்தீப் சிங், ஹர்ஷித் ராணா.
