Irfhan Pathan: ஐபிஎல் 2025ன் வர்ணனையாளர் பொறுப்பிலிருந்து முன்னாள் இந்திய அணியின் வீரர் இர்ஃபான் பதான் நீக்கப்பட்டுள்ளார் என்று தகவல் வெளியாகி உள்ளது.
ஐபிஎல் 2025ன் 18வது சீசன் தற்போது தொடங்கி உள்ளது. உலக அளவில் அனைவராலும் பார்க்கப்படும் இந்த தொடர் பல்வேறு இந்திய மொழிகளில் ஒளிபரப்பாகிறது.
ஒவ்வொரு இந்திய மொழியிலும், இந்திய அணியின் முன்னாள் வீரர்கள் தொடங்கி, சினிமா நட்சத்திரங்கள் மற்றும் பல்வேறு பிரபலங்கள் வர்ணனையாளர் குழுவில் இடம் பெற்றுள்ளனர்.
இந்திய அணியின் முன்னாள் ஆல்ரவுண்டர் இர்பான் பதான், ஓய்வு பெற்றது முதல் பல ஆண்டுகளாக வர்ணனையாளர் பொறுப்பில் இருந்து வருகிறார். ஹிந்தி மொழியில் வர்ணனையாளராகப் பணியாற்றி வருகிறார்.
இந்நிலையில் இந்த ஐபிஎல் தொடரின் வர்ணனையாளர் பொறுப்பில் இருந்து இர்பான் பதான் நீக்கப்பட்டுள்ளார் என்று தகவல் வெளியாகி அதிர்ச்சியை ஏற்படுத்தி உள்ளது.
சில வீரர்கள் மீது உள்ள தனிப்பட்ட பகையை இர்ஃபான் தனது வர்ணனையின் போது காட்டுகிறார் என்று குற்றசாட்டு அவர் மீது எழுந்துள்ளது. கிரிக்கெட் வீரர்கள் மீது வெறுப்பை காட்டுவதால் அவர் நீக்கப்பட்டுள்ளார் என்று கூறப்படுகிறது.
இதற்கு முன்பு சஞ்சய் மஞ்ச்ரேக்கர் இதே காரணத்திற்காக வர்ணனையாளர் குழுவிலிருந்து சில ஆண்டுகள் நீக்கப்பட்டார். ஹர்ஷா போக்லேவும் சில காரணங்களுக்காக வர்ணனையாளர் குழுவிலிருந்து இதற்கு முன்பு நீக்கப்பட்டுள்ளார்.
