Bigg Boss 8 Tamil Eviction Week : விஜய் சேதுபதி தொகுத்து வழங்கி வரும் பிக்பாஸ் 8 நிகழ்ச்சியில் இந்த வாரம், டபுள் எவிக்ஷன் நடக்க இருப்பதாக கூறப்படுகிறது.
Bigg Boss 8 Tamil Eviction Week : மக்களின் வரவேற்பை பெற்ற பிக்பாஸ் நிகழ்ச்சியின் 8வது சீசன் சில வாரங்களுக்கு முன்பு துவங்கியது. முதலில், வீட்டிற்கு நடுவில் கோடு போடப்பட்டு, ஆண்கள் vs பெண்கள் என போட்டிகள் நடைப்பெற்றது. அதன் பிறகு, இப்போது கோடு அளிக்கப்பட்டு ஒவ்வொருவரும் இனி தனித்தனியே விளையாட வேண்டும் என்று அறிவுருத்தப்பட்டது. 8 வாரங்களுக்கும் மேல் கடந்துள்ள நிலையில், இன்னும் இந்த நிகழ்ச்சியில் 18 பேர் போட்டியாளர்களாக இருக்கின்றனர். இதனால், இந்த வாரம் டபுள் எவிக்ஷன் இருக்கும் என கூறப்படுகிறது.
பிக்பாஸ் நிகழ்ச்சியின் 8வது சீசன், 50வது நாளை கடந்து இருக்கிறது. ஆரம்பத்தில் கொஞ்சம் போர் அடித்த இந்த நிகழ்ச்சி, இப்போது கொஞ்சம் சூடு பிடித்து வருகிறது.
18 பேர் போட்டியாளர்களாக இருந்தாலும் ராயன் மற்றும் முத்துக்குமரன் ஆகியோருக்கு ரசிகர்கள் மத்தியில் ஆதரவு பெருகியிருக்கிறது. பெண்களில், சௌந்தர்யா மற்றும் ஜாக்குலினிற்கு சப்போர்ட் அதிகரித்திருக்கிறது.
பெண்களில், ஜாக்குலின் மற்றும் தர்ஷிகா ஒழுங்காக விளையாட்டை விளையாடுவதாக கூறப்படுகிறது.
அடிக்கடி சண்டை வெடித்து வரும் நிலையில், சமீபத்தில் நடந்த பொம்மை டாஸ்க் பலரை திரும்பி பார்க்க வைத்தது. இதில் காரசாரமான வார்த்தைகளும் பரிமாறிக்கொள்ளப்பட்டன.
தீபக், தற்போது தனது குரலை உயர்த்தி வருகிறார். இவரும் இந்த நிகழ்ச்சியில் வலுவான போட்டியாளராக இருப்பதாக ரசிகர்கள் கருதுகின்றனர்.
போட்டி பரபரப்பாக நடந்தாலும், இடையிடையே தர்ஷிகா-வி.ஜே.விஷாலுக்கு இடையிலான க்ரஷ்-காதல் டிராக்கும் ஓடி வருகிறது.
பிக்பாஸ் 8 இல்லத்தில் பல பிரச்சனைகளுக்கு காரணமாக இருந்த ஆர்.ஜே.ஆனந்தி, சாச்சனா மற்றும் சிவகுமார் ஆகியோர் குறைவான வாக்குகளை பெற்றிருப்பதாக கூறப்படுகிறது. இதனால், இந்த வாரம் நடக்கும் டபுள் எவிக்ஷனில் இவர்களில் யாரேனும் இருவர் வெளியேறலாம் என தகவல் வெளியாகி இருக்கிறது.
