இன்றைய காலத்தில், பலர் கழிப்பறையில் கூட மொபைல் போனை பயன்படுத்தும் பழக்கத்தை உருவாக்கியுள்ளனர். சிலர் ஓய்வெடுக்கச் செல்கிறார்கள், ஆனால் பெரும்பாலானோர் சமூக ஊடகங்கள், வீடியோக்கள் மற்றும் செய்திகளை பார்ப்பதற்காக செல்போனை எடுத்துச் செல்கின்றனர்.
இத்தகைய பழக்கவழக்கம் உடல்நலத்திற்குத் தீங்கு விளைவிக்கும் என்று மருத்துவர்கள் எச்சரிக்கின்றனர். கழிப்பறையில் இருக்கும் நுண்ணுயிரிகள் (bacteria) மற்றும் வைரஸ்கள் செல்போனின் மேற்பரப்பில் ஒட்டிச் செல்லும் வாய்ப்பு உள்ளது, இதனால் அது நோய்களை ஏற்படுத்தலாம். மேலும், நீண்ட நேரம் கழிப்பறையில் செல்போன் பயன்படுத்துவதால் என்ன ஆபத்துகள் ஏற்படும் என்று பார்ப்போம்.
கழிப்பறையில் செல்போன் பயன்படுத்துவதால் ஏற்படும் ஆபத்துகள்: மின் கதிர்வீச்சு பாதிப்பு(Electrical radiation damage): நீண்ட நேரம் செல்போன் பயன்படுத்தும்போது அதிக மின் கதிர்வீச்சு (Radiation) உடலில் உறிஞ்சப்படும், இதனால் தலைவலி, மன அழுத்தம் மற்றும் கண் உளைச்சல் ஏற்படும்.
மூளை செயல்பாட்டின் பாதிப்பு(Damage to brain function): செல்போனில் உள்ள ரேடியோ அதிர்வெண் (Radio Frequency) கதிர்வீச்சு மூளையின் செயல்பாட்டை பாதிக்கலாம், கவனச்சிதறல் மற்றும் நினைவாற்றல் குறைவு ஏற்படலாம்.
தொற்றுநோய்கள் பரவல்(Spread of infectious diseases): கழிப்பறையில் உள்ள நுண்ணுயிரிகள் (Bacteria) மற்றும் வைரஸ்கள் செல்போனின் மேற்பரப்பில் ஒட்டிச் செல்லலாம், இதனால் நோய்கள் மற்றும் சரும பாதிப்புகள் உருவாகலாம்.
மின்னியல் கோளாறுகள்(Electrical disorders): ஈரப்பதமான சூழலில் செல்போனைப் பயன்படுத்துவதால், அதன் உள் பகுதி நனைந்து (Short Circuit) ஏற்படும் அபாயம் உள்ளது.
உடல் நலக்குறைவு(Poor health): கழிப்பறையில் நீண்ட நேரம் செல்போனை பார்ப்பதால் உடல்நிலை பாதிக்கப்படலாம்; மலச்சிக்கல், மூட்டுவலி மற்றும் இரத்த ஓட்டக் குறைவு ஏற்படலாம்.
அடிமைச் சூழ்நிலை(Slavery): கழிப்பறையில் கூட செல்போனைப் பயன்படுத்தும் பழக்கம், அது மீதான அடிமை உணர்வை அதிகரித்து, மன அழுத்தத்திற்கும் தூக்கமின்மைக்கும் வழிவகுக்கும்.
விழும் அபாயம்(Risk of falling): கழிப்பறையில் செல்போன் பயன்படுத்தும் போது, அது தவறி விழும் அபாயம் உள்ளது. செல்போன் சேதமடையலாம் அல்லது கழிவுநீரில் விழும் வாய்ப்பும் இருக்கிறது.
ஆகவே, உடல் ஆரோக்கியத்திற்காகவும், பாதுகாப்பிற்காகவும் கழிப்பறையில் செல்போன் பயன்படுத்தும் பழக்கத்தைக் குறைக்க வேண்டும்!
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
