நடிகர் தனுஷுக்கு மலையாளர் நடிகர் வில்லனாக நடிக்க உள்ள நிலையில், அவர் யார் என்பதை பார்க்கலாம்.
நடிகர் தனுஷின் 55வது படத்தை 'அமரன்' படத்தை இயக்கிய இயக்குநர் ராஜ்குமார் பெரியசாமி இயக்க உள்ளார்.
தமிழ் சினிமாவின் முன்னணி நடிகர்களில் ஒருவர் தனுஷ். இவர் படத்தில் நடிப்பது மட்டுமல்லாமல் அவ்வபோது படங்களையும் இயக்கி வருகிறார்.
அப்படி இவரது இயக்கத்தில் பவர்பாண்டி, ராயன், நிலவுக்கு என் மேள் என்னடி கோபம் ஆகிய படங்கள் வெளியானது. தற்போது அவர் இட்லி கடை படத்தை இயக்கி உள்ளார். அப்படத்தில் அவரே நடித்தும் இருக்கிறார்.
இப்படம் வரும் ஏப்ரல் 10ஆம் தேதி திரையரங்குகளில் வெளியாகும் என தெரிவிக்கப்பட்ட நிலையில், பின்னர் அதில் இருந்து பின் வாங்கினர். தற்போது அந்த படம் எப்போது வெளியாகிறது என்ற தேதி இன்னும் தெரிவிக்கப்படவில்லை.
இந்த நிலையில், நடிகர் தனுஷ் இயக்குநர் விக்னேஷ் ராஜா இயக்கத்தில் புதிய படத்தில் நடிக்க உள்ளார். இப்படத்தின் படப்பிடிப்பு வரும் ஜூன் மாதம் தொடங்க உள்ளதாக கூறப்படுகிறது. மேலும், இயக்குநர் விக்னேஷ் ராஜா போர் தொழில் படத்தை இயக்கியவர் என்பது குறிப்பிடத்தக்கது.
இந்நிலையில், இப்படத்தின் புதிய அப்டேட் ஒன்று வெளியாகி உள்ளது. அதாவது நடிகர் அர்ஜுன் இப்படத்தில் முக்கிய கதாபாத்திரத்தில் நடிக்க இருப்பதாகவும், மலையாள நடிகர் ஜெயராம் இப்படத்தில் வில்லனாக நடிக்க இருப்பதாகவும் தகவல்கள் வெளியாகி இருக்கிறது.
