Tamil Nadu Scholarship : தமிழ்நாடு அரசு மூன்றாம் வகுப்பு முதல் 6 ஆம் வகுப்பு வரையிலான பெண் குழந்தைகளுக்கான கல்வி உதவித் தொகை அறிவிப்பு வெளியிட்டுள்ளது. முழு விவரம்
Tamil Nadu Government Scholarship : தமிழ்நாடு அரசு வெளியிட்டிருக்கும் 3 ஆம் வகுப்பு முதல் 6ஆம் வகுப்பு வரையிலான பெண் குழந்தைகளுக்கான கல்வி உதவித் தொகையை பெறுவது எப்படி? என்பதை தெரிந்து கொள்ளுங்கள்.
தமிழ்நாடு அரசு கல்விக்காக பல சிறப்பு திட்டங்களை செயல்படுத்தி வருகிறது. புதுமைப் பெண் திட்டம் தொடங்கப்பட்டு கல்லூரி மாணவிகளுக்கு மாதந்தோறும் ஆயிரம் ரூபாய் வழங்கப்பட்டு வருகிறது.
அந்தவகையில் மூன்றாம் வகுப்பு முதல் 6 ஆம் வகுப்பு வரை படிக்கும் மாணவிகளுக்கும் கல்வி உதவித் தொகை தமிழ்நாடு அரசால் வழங்கப்படுகிறது. இது தொடர்பாக ஒவ்வொரு மாவட்ட ஆட்சியரும் அறிவிப்பு வெளியிட்டு, மாணவிகள் உதவித் தொகை பெற விண்ணப்பிக்குமாறு அறிவுறுத்தப்படுவார்கள்.
இப்போது தஞ்சாவூர் மாவட்ட ஆட்சியர் 3 ஆம் வகுப்பு முதல் 6ஆம் வகுப்பு வரை படிக்கும் மாணவிகள் கல்வி உதவித் தொகைக்கு விண்ணப்பிக்குமாறு அறிவிப்பு வெளியிட்டுள்ளார்.
இது தொடர்பாக அவர் வெளியிட்டிருக்கும் அறிவிப்பில், தஞ்சாவூர் மாவட்டத்தில் உள்ள கிராமப்புறங்கள் மற்றும் ஊராட்சி பகுதிகளில் அமைந்துள்ள அரசு மற்றும் அரசு உதவிப்பெறும் பள்ளிகளில் பெண்கல்வி ஊக்கத்தொகை வழங்கும் திட்டத்தின் கீழ் உதவித் தொகை பெற்றுக் கொள்ளலாம்.
பெற்றோரது ஆண்டு வருமானம் ரூ.1,00,000/-ற்குள் இருக்ககும் 3 ஆம் வகுப்பு முதல் 6 ஆம் வகுப்பு வரை பயிலும் மிகவும் பிற்படுத்தப்பட்டோர் மற்றும் சீர்மரபினர் (MBC/DNC) இன மாணவிகளுக்கான பெண்கல்வி ஊக்கத்தொகை வழங்கும் திட்டம் 2024-25 ஆம் கல்வியாண்டின் கீழ் உதவித் தொகை விடுவிக்கப்பட்டுள்ளது.
மாவட்டத்தில் இருக்கும் 985 கிராமப்புற மற்றும் ஊராட்சி பகுதிகளில் உள்ள பள்ளி தலைமையாசிரியர்களிடமிருந்து 7964 மாணவிகளுக்கு ஊக்கத்தொகை வழங்கிடும் பொருட்டு கேட்பு பட்டியல்கள் தொடர்புடைய மாவட்ட மற்றும் வட்டார கல்வி அலுவலர்கள் மூலம் பெறப்பட்டது.
அம்மாணவிகளுக்கான கல்வி ஊக்கத்தொகை கூடுதல் ரூ.49,03,000/- னை சம்பந்தப்பட்ட பள்ளி தலைமையாசிரியர்களின் வங்கி கணக்கில் செலுத்தப்பட்டுள்ளது. அத்தொகை தலைமையாசிரியர்கள் மூலம் தொடர்புடைய மாணவியர் பெற்றோர்களின் வங்கி கணக்கில் செலுத்தப்படும் என மாவட்ட ஆட்சித்தலைவர் தெரிவித்துள்ளார்.
