Tamil Nadu Assembly 2025: தமிழ்நாடு பட்ஜெட் கூட்டத்தொடர் இன்று தொடங்கியது. அந்த வகையில், இந்த சட்டப்பேரவை கூட்டத்தொடர் எத்தனை நாள்களுக்கு நடக்கிறது என்பதை இங்கு காணலாம்.
Tamil Nadu Budget Assembly Session 2025: தமிழ்நாடு பட்ஜெட் கூட்டத்தொடர் இன்று தொடங்கியது. இந்நிலையில், பட்ஜெட் தாக்கலுக்கு பின்னர் சபாநாயகர் அப்பாவு (TN Speaker Appavu) தலைமையில் கூடிய அலுவல் ஆய்வு குழு கூட்டத்தில், இந்த கூட்டத்தொடர் எத்தனை நாள்கள் நடைபெறும் என்பது குறித்து முடிவு செய்யப்பட்டது.
TN Budget 2025: 2025-26 நிதியாண்டுக்கான தமிழ்நாடு பட்ஜெட்டை நிதி அமைச்சர் தங்கம் தென்னரசு (Thangam Thennarasu) இன்று (மார்ச் 14) சட்டப்பேரவையில் தாக்கல் செய்தார்.
TN Agriculture Budget 2025: தொடர்ந்து, நாளைய தினம் (மார்ச் 15) வேளாண் பட்ஜெட், வேளாண் துறை அமைச்சர் எம்.ஆர்.கே பன்னீர்செல்வத்தால் தாக்கல் செய்யப்படும்.
TN Budget Assembly Session: அதே நேரத்தில், வரும் திங்கட்கிழமை (மார்ச் 17) முதல் வெள்ளிக்கிழமை (மார்ச் 21) வரை பட்ஜெட் மீதான விவாதம் நடைபெறும் என அறிவிக்கப்பட்டுள்ளது.
பட்ஜெட் மீதான விவாதம் நிறைவடைந்த பின்னர், மார்ச் 24ஆம் தேதி முதல் துறை ரீதியான மானிய கோரிக்கை விவாதம் தொடங்கும் என தெரிவிக்கப்பட்டுள்ளது.
மார்ச் 24 அன்று நீர்வளத்துறை, மார்ச் 25 அன்று நகராட்சி நிர்வாகம், மார்ச் 26 அன்று ஊரக வளர்ச்சித்துறை என அடுத்தடுத்து அனைத்து துறைகள் ரீதியான மானிய கோரிக்கை விவாதம் நடைபெற இருக்கிறது.
மேலும், வரும் ஏப்.30ஆம் தேதி சட்டப்பேரவை கூட்டத்தொடர் நடைபெறும் எனவும் அலுவல் ஆய்வுக்குழு கூட்டத்திற்கு பின்னர் அறிவிக்கப்பட்டுள்ளது.
முதலமைச்சர் ஸ்டாலின் (MK Stalin) தலைமையிலான திமுக அரசின் கடைசி முழு பட்ஜெட் என்பதால் இதன் மீது பல்வேறு எதிர்பார்ப்புகள் இருந்தன. இன்றைய பட்ஜெட் தாக்கலில் பல்வேறு புதிய அறிவிப்புகளும் வெளியாகி உள்ளன.
மேலும், ஆண்டுதோறும் 100 நாள்கள் சட்டப்பேரவை கூட்டப்படும் என திமுக தேர்தல் வாக்குறுதியில் தெரிவித்திருந்த நிலையில், இதுகுறித்து எதிர்க்கட்சிகள் கேள்வி எழுப்பி வந்தன. இந்நிலையில், இந்த கூட்டத்தொடரை சுமார் 45 நாள்களுக்கு நடத்த திட்டமிட்டுள்ளது குறிப்பிடத்தக்கது.
