தமிழ்நாடு பட்ஜெட் 2025: மாணவர்களுக்கு 1000 ரூபாய் - வருகிறது நல்ல செய்தி

1 /8

முதலமைச்சர் ஸ்டாலின் (MK Stalin) தலைமையிலான திமுக ஆட்சிப் பொறுப்பேற்று சுமார் 4 ஆண்டுகள் நிறைவடைய உள்ள நிலையில், பல்வேறு புதிய திட்டங்கள் கொண்டுவரப்பட்டுள்ளது.

2 /8

குடும்பத் தலைவிகளுக்கு பயனளிக்கும் வகையில் மாதந்தோறும் ரூ.1000 வங்கிக் கணக்கின் மூலம் வழங்கும் கலைஞர் மகளிர் உரிமைத் தொகை (Kalaignar Magalir Urimai Thogai Thittam) பலத்த வரவேற்பை பெற்றுள்ளது.

3 /8

அதுமட்டுமின்றி, ஒன்றாம் மற்றும் 5ஆம் வகுப்பு பள்ளி மாணவர்களுக்கான முதலமைச்சரின் காலை உணவுத்திட்டம் (Mudhalvar Morning Breakfast Scheme) கனடா நாட்டில் கொண்டுவரப்பட்டுள்ளது என்றும் இங்கிலாந்தில் வரும் ஏப்ரல் மாதம் முதல் அமலுக்கு வருகிறது என்றும் தமிழ்நாடு அரசு தெரிவித்துள்ளது.

4 /8

மேலும், அரசுப் பள்ளியில் பயின்று தற்போது உயர்கல்வி பயிலும் மாணவிகளுக்கு ஊக்கத்தொகையாக மாதந்தோறும் ரூ.1000 வழங்கும் புதுமைப்பெண் திட்டமும் (Pudhumaipenn Scheme) நல்ல வரவேற்பை பெற்றிருக்கிறது. இதன்பின் உயர்கல்வியில் மாணவிகள் ஆர்வம் காட்டுவதாகவும் தமிழ்நாடு அரசு (Tamil Nadu Government) தெரிவித்திருந்தது.

5 /8

இந்த புதுமைப்பெண் திட்டம் முதலில் அரசு பள்ளிகளுக்கு பயின்றவர்களுக்கு மட்டுமே வழங்கப்பட்ட இந்த திட்டம், அரசு உதவிப்பெறும் பள்ளிகளில் பயின்றவர்களுக்கும் நீட்டிக்கப்பட்டது. இதேபோல், மாணவர்களுக்கு தமிழ் புதல்வன் திட்டம் (Tamil Pudhalvan Scheme) கொண்டுவரப்பட்டது.

6 /8

தமிழ் புதல்வன் திட்டத்தில் அரசு பள்ளி மற்றும் அரசு உதவிபெறும் பள்ளிகளில் தமிழ் மொழியில் பயின்ற மாணவர்களுக்கு மாதந்தோறும் ரூ.1000 வழங்கப்படுகிறது. இந்நிலையில், இத்திட்டத்தை விரிவாக்கம் செய்ய தமிழ்நாடு அரசு முடிவெடுத்திருப்பதாக தகவல்கள் வெளியாகி உள்ளன.

7 /8

அதாவது, புதுமைப்பெண் திட்டத்தை போல அரசு உதவிப் பெறும் பள்ளிகளில் பயின்று உயர்கல்வியில் படிக்கும் அனைத்து மாணவர்களுக்கும் தமிழ் புதல்வன் திட்டத்தை விரிவாக்கம் செய்து, வரும் தமிழக பட்ஜெட்டில் (Tamil  Nadu Budget 2025) அறிவிப்பு வெளியாகலாம் என எதிர்பார்க்கப்படுகிறது.

8 /8

ஆசிரியர்கள், அரசு ஊழியர்கள் பெரிதும் எதிர்பார்க்கும் பழைய ஓய்வூதிய திட்டம் (Old Pension Scheme) குறித்த அறிவிப்பும் தமிழக பட்ஜெட்டில் வெளியாகலாம் என தகவல்கள் வெளியாகி உள்ளன.