‘இரால் வேணுமா?’: பூனைகளின் மாஸ் ரியாக்‌ஷன், சிரித்து தீர்க்கும் நெட்டிசன்கள்!!

வைரல் வீடியோ: இணைய உலகம் பல வித அற்புதங்களை தன்னுள்ளே கொண்டுள்ள ஒரு வித்தியாசமான உலகமாகும். இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.

விலங்குகளின் பல வீடியோக்கள் சமூக ஊடகங்களில் வைரலாகி வருகின்றன. இவற்றில் பல வீடியோக்கள் மிக கியூட்டாகவும் வினோதமாகவும் உள்ளன. அப்படி ஒரு வீடியோ தற்போது வெளியாகியுள்ளது. பலரது செல்லப்பிராணியாக இருக்கும் பூனை பற்றிய வீடியோ இது.

இந்த வீடியோவில் பூனையின் ரியாக்‌ஷனை பார்த்தால் யாராலும் சிரிக்காமல் இருக்க முடியாது. ஒரு வீட்டில் இரு பூனைகள் ஒன்றாக வளர்கின்றன என்பதை வீடியோவை பார்த்து தெரிந்துகொள்ள முடிகின்றது. பூனைகள் மீது அதிக ஆர்வம் கொண்ட ஒரு நபர் இரு பூனைகளை வளர்க்கிறார். 

இந்த வீடியோவை பார்த்தால், அந்த நபர் பூனைகளை மிக நன்றாக கவனித்துக்கொள்கிறார் என்பதை யூகிக்க முடிகின்றது. இரு பூனைகளும் மிக நிம்மதியான, வசதியான ஒரு வாழ்க்கையை வாழ்கின்றன என்பதை இதை பார்த்தால் புரிந்துகொள்ள முடிகின்றது. அந்த நபர் மட்டுமின்றி அவரது வீட்டில் உள்ளவர்களும் பூனைகளை நன்றாக கவனித்துக் கொள்கிறார்கள். இதற்கான ஆதாரத்தை வீடியோவில் காண முடிகின்றது. ஒரு நபர் இரு பூனைகளில் ஒரு பூனைக்கு சாப்பிட இரால் கொடுப்பதை வீடியோவில் காணலாம்.

பூனைகளின் சிரிக்க வைக்கும் வீடியோவை இங்கே காணலாம்:

இராலை பார்த்து பூனையின் வாயில் எச்சில் ஊறுகிறது. அது சொக்கிப்போனது போல், இராலின் பின்னால் அப்படியே போகிறது. பின்னர் அந்த நபர் அடுத்த பூனையிடம் இராலை எடுத்துச்செல்கிறார். ஆனால், அந்த பூனை முற்றிலும் வித்தியாசமான ரியாக்‌ஷனை அளிக்கின்றது. அந்த வாசனையால் தனக்கு குமட்டல் வருவது போல் செய்யும் அந்த பூனை, பின்னர் மீண்டும் படுத்துக்கொள்கிறது. 

இரு பூனைகளின் இந்த வித்தியாசமான ரியாக்‌ஷன் மிகவும் வேடிக்கையாக இருக்கிறது. இரால் பிடிக்காத பூனை ஒரு சைவ பூனையாக இருக்குமோ!!

இந்த வீடியோவை 'Yog' என்ற நபர் சமூக ஊடக தளமான ட்விட்டரில் பகிர்ந்துள்ளார். இந்த செய்தியை எழுதும் வரை இந்த வீடியோவுக்கு சுமார் 30 லட்சம் வியூஸ் கிடைத்துள்ளன. இந்த வீடியோவை 90 ஆயிரத்துக்கும் மேற்பட்டோர் லைக் செய்துள்ளனர். வீடியோ 13 ஆயிரம் முறை ரீட்வீட் செய்யப்பட்டுள்ளது. இணையவாசிகள் இதற்கு பல அற்புதமான கமெண்டுகளை அளித்து வருகிறார்கள்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ