 "ஹனிமூன் கொலை: இறப்பதற்கு முன் ராஜா ரகுவன்ஷி செய்த ரீல்ஸ்..எவ்ளோ சந்தோஷமா இருக்காரு..")
Raja Raghuvanshi Reels Before Murder : இந்தூரை சேர்ந்த தொழிலதிபர் ராஜா ரகுவன்ஷி, தேனிலவுக்காக மேகாலயா சென்றிருந்த போது கொலை செய்யப்பட்டிருக்கிறார். இந்த வழக்கு விசாரணையில் பல திடுக்கிடும் தகவல்கள் அடுத்தடுத்து வெளியாகி வருகிறது. இந்த நிலையில், அவர் உயிரிழப்பதற்கு முன்பாக தனது சகோதரியுடன் செய்த ரீல்ஸ், தற்போது இணையத்தில் வைரலாகி வருகிறது.
ஹனிமூன் கொலை:
மத்திய பிரதேசத்தில் இருக்கும் இந்தூரை சேர்ந்த தொழிலதிபர், ராஜா ரகுவன்ஷி. இவர், சோனம் என்பவரை கடந்த மே மாதம் 11ஆம் தேதி திருமணம் செய்திருக்கிறார். கல்யாணம் முடிந்தவுடன் ராஜாவும் சோனமும் மே 20ஆம் தேதி ஹனிமூனுக்காக மேகாலயாவுக்கு சென்றனர். இருவரும் மே 23ஆம் தேதி ஒரு விடுதியில் தங்குவதற்காக சென்றிருக்கின்ரனர். ஆனால், அதன் பிறகு அவர்கள் எங்கு சென்றார்கள், என்ன ஆனார்கள் என்பது குறித்த தகவல் எதுவுமே தெரியவில்லை.
இந்த நிலையில், கடந்த ஜூன் 2ஆம் தேதி ராஜாவின் உடல் அழுகிய நிலையில் கண்டெடுக்கப்பட்டது. அவர் கழுத்து அருபட்ட நிலையில் இறந்து கிடந்தார். இந்த கொலைக்கு காரணம் என்ன என்பது குறித்து போலீஸார் “ஆப்ரேஷன் ஹனிமூன்” என்கிற பெயரில் விசாரணைனடத்தினர். ஜூன் 9ஆம் தேதி, சோனம் உ.பி காசிபூர் போலீசாரிடம் சரணடைந்தார்.
மனைவி கைது!
சோனம், ஹனிமூன் சென்ற இடத்தில் தனது காதலனுடன் சேர்ந்து கணவரை தீர்த்துக்கட்டியதாக கூறியிருக்கிறார். இந்த வழக்கில் மூவர் கைது செய்யப்பட்டனர். இதையடுத்து, அவரது காதலனும் கைது செய்யப்பட்டிருக்கிறார். ஆனால், சோனமின் குடும்பத்தாரும், சோனம் காதலர் குடும்பத்தாரும் தங்கள் பிள்ளைகள் அப்படிப்பட்டவர்கள் இல்லை என்று கூறி வருகின்றனர்.
இந்த வழக்கு, இந்தியர்களிடையே பரபரப்பை ஏற்படுத்தியிருக்கும் நிலையில் ராஜா தனது திருமணத்தின் போது சகோதரியுடன் செய்த ரீல்ஸ் தற்போது வைரலாகி வருகிறது.
மரணத்திற்கு முன்பு எடுத்த ரீல்ஸ்..
ராஜா ரகுவன்ஷியின் சகோதரி, இன்ஸ்டாகிராமில் லட்சக்கணக்கில் ஃபாலோவர்ஸ்களை கொண்டவராக இருக்கிறார். இவர், தனது சகோதரர் திருமணத்திற்கு முன்பு அவருடன் வெவ்வேறு உடைகளில் செய்த வீடியோக்கள், பின்பு இறுதியில் திருமணத்தில் அந்த வீடியோ முடிவது போல எடிட்டிங் செய்யப்பட்டுள்ளது. இந்த வீடியோவில், தனக்கு என்ன நிகழப்போகிறது என்பதை தெரியாமல் ராஜா மகிழ்ச்சியாக சிரித்துக்கொண்டு இருக்கிறார். இதை பார்க்கவே மனதிற்கு வேதனையாக உள்ளதாக நெட்டிசன்கள் பலர் கூறி வருகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)