ஸ்ரீகிருஷ்ண பகவானின் அன்புக்காதலி ராதாராணி பிறந்தது அஷ்டமி நாளன்றுதான். ஸ்ரீ கிருஷ்ணர் பிறந்த கோகுலாஷ்டமிக்குப் பின் வரும்15வது நாளில் வரும் அஷ்டமி தினத்தில் பிறந்தவர் ராதா
ஸ்ரீ கிருஷ்ணரை நினைக்கும்போதே, பக்தர்களின் மனதில் ராதையும் தோன்றுவார். கிருஷ்ண பக்தர்கள், ஒருவரை ஒருவர் சந்திக்கும்போது , ‘ராதே கிருஷ்ணா’ என்ற கூறிக்கொள்வது வழக்கம் ஆகும்
உத்தரப் பிரதேசம் மதுராவில் இருக்கும் பிரம்மஸரன் என்ற மலை அடிவாரத்திலுள்ள பர்ஸானா என்ற கிராமத்தில் ஆவணி மாத வளர்பிறை அஷ்டமி தினத்தில் ராதாராணி பிறந்தார்
பர்ஸானாவில் பிறந்த ராதை, கண்ணனின் மனம் கவர்ந்தவரானது எப்படி? தெரிந்துக் கொள்வோம்...
ராதையின் தாய் கீர்த்திதாவும், கண்ணனின் அன்னை யசோதையும் தோழிகள். கண்ணனுக்கு மூத்தவளான ராதை பிறந்த போது கண் பார்வை இல்லை
தோழியின் குழந்தையை யசோதை பார்க்கச் சென்றபோது, குழந்தை கண்ணன் ராதையை பார்த்ததும், கண் மலர்ந்து ராதை முதலில் பார்த்தது கண்ணனைத் தான். ராதைக்கு கண் தந்தவர் கண்ணன்...
கோபியர்கள் அனைவருக்கும் கண்ணன் என்றால் கரும்பு என்றால், கண்ணனுக்கு மட்டும் ராதையே உள்ளம் கவர் காதலி என உலகம் அறிய பிரலமானவர். ஸ்ரீ கிருஷ்ணரின் சக்தி ரூபம் என்பதும் மக்களின் நம்பிக்கை ஆகும்
நாம சங்கீர்த்தனத்தில் ராதே கிருஷ்ணா என்பது மிகவும் விசேஷமானது. அதனால்தான் பாகவதர்கள் தங்களுக்குள் 'ராதே கிருஷ்ணா' என்று சொல்லிக்கொள்கிறார்கள்.
பாரம்பரிய நம்பிக்கைகள், தொன்றுதொட்டு தொடரும் நம்பிக்கைகள், பழக்கவழக்கங்களின் அடிப்படையில் எழுதப்பட்ட இந்தக் கட்டுரையின் உள்ளடகத்திற்கு ஜீ மீடியா பொறுப்பேற்காது