பிரபஞ்சத்தில் உள்ள அனைத்து நேர்மறையான சக்திகளும் ஒன்றுகூடும் காலம் நவராத்திரி. இரவு பகல் பாராமல் எக்கணமும் சக்திமயமாய் ஒளிர்கிறார் அன்னை ஆதிபராசக்தி
தீமைகளை அழித்திட, உலகை காத்திட ஆக்கப்பூர்வமான சக்திகள் எல்லாம் ஒன்றிணைந்து, அழிவுசக்திகளை அழிக்கும் காலம் நவராத்திரி காலம்
நன்மைக்கும் தீமைக்கும் இடையிலான போர் முடிவுக்கு வந்த நாள் சரஸ்வதி பூஜை மற்றும் ஆயுத பூஜையாக இந்துக்கள் அனுசரிக்கின்றனர்
புராணங்களின்படி, தீய அசுரர்களை உலகிலுள்ள சக்தி ஆயுதங்களால் அன்னை துர்கை வெற்றி கொண்ட நாள் துர்கா அஷ்டமி
எடுத்த காரியம் முடித்த அன்னை, ஏந்திய அனைத்து ஆயுதங்களையும் கைவிட்டார். அன்னையால் கையாளப்பட்ட அந்த ஆயுதங்களுக்கு பூஜை செய்து, தீமைகளை ஒழித்ததற்கு நன்றி கூறுவதற்காக ஆயுத பூஜை அனுசரிக்கப்படுகிறது
நவராத்திரியின் 9 நாட்களில் இறுதி மூன்று நாட்கள் அன்னை சரஸ்வதிக்கு உரியது. அதில் இறுதி நாளான நவமியன்று, சரஸ்வதியை பூஜிக்கிறோம்
அசுரர்கள் இருந்த காலத்தில் போர் ஆயுதங்கள் மூலம் தீமைகளை அழித்தார் அன்னை. இன்றைய காலத்தில், அறியாமை என்ற தீமையை விலக்கும் கல்வியை, கல்விக்கு அன்னையான சரஸ்வதியை பூஜிக்கிறோம்.
பாரம்பரிய நம்பிக்கைகள், தொன்றுதொட்டு தொடரும் நம்பிக்கைகள், பழக்கவழக்கங்களின் அடிப்படையில் எழுதப்பட்ட இந்தக் கட்டுரையின் உள்ளடகத்திற்கு ஜீ மீடியா பொறுப்பேற்காது