IPL 2025, CSK Playing XI Changes: சென்னை சூப்பர் கிங்ஸ் அணி (Chennai Super Kings) தொடர்ச்சியாக தோல்விகளை சந்தித்து தற்போது 9வது இடத்தில் உள்ளது. மும்பையை மட்டுமே அதுவும் சேப்பாக்கத்தில் வைத்துதான் சிஎஸ்கே வீழ்த்தியிருக்கிறது. தொடர்ச்சியாக நான்கு தோல்விகளை சந்தித்திருப்பதால் சிஎஸ்கே மீதும் எக்கச்சக்க விமர்சனங்கள் முன்வைக்கப்பட்டுள்ளன.
MS Dhoni: தோனியின் முன் இருக்கும் சவால்கள்
இந்த சூழலில், சிஎஸ்கே அணியில் மிகப்பெரிய மாற்றம் நிகழ்ந்துள்ளது. கேப்டன் ருதுராஜ் கெய்க்வாட் முழுங்கையில் ஏற்பட்ட எலும்பு முறிவு காயம் காரணமாக ஐபிஎல் தொடரில் இருந்து விலகி உள்ளார். இதனால் சிஎஸ்கேவின் டாப் ஆர்டர் பேட்டிங் மேலும் பலவீனமடைந்திருக்கிறது. ருத்ராஜ் கெய்க்வாட்டை ஈடுசெய்ய தற்போதைய அணியில் யாருமே இல்லை எனலாம்.
இது ஒருபுறம் இருக்க, கேப்டன்ஸி மீண்டும் தோனியின் கைகளுக்கு போயுள்ளது. இது தோனி ரசிகர்களுக்கு மகிழ்ச்சியான செய்தியாக இருந்தாலும் அவரின் கைகளில், சீசனின் நடுவே மிகப்பெரிய பொறுப்பு ஒப்படைக்கப்பட்டுள்ளது. தோனியின் முன் எக்கச்சக்க சவால்களும் இருக்கின்றன. இனி வரும் போட்டிகளில் குறைந்தபட்சம் 7 போட்டிகளில் வெற்றி பெற்றாக வேண்டும். அந்த வகையில், தோனி கேப்டன்ஸியின் கீழ் ருதுராஜ் கெய்க்வாட் இல்லாமல் சிஎஸ்கேவின் பிளேயிங் லெவன் எப்படி இருக்கும் என்பதை இங்கு காணலாம்.
நம்பர் 3 யார்...?
ருதுராஜ் கெய்க்வாட் விலகியிருப்பதால் கொல்கத்தா அணிக்கு எதிரான நாளைய போட்டியில் நம்பர் 3 வீரர் யார் என்பதுதான் பெரிய கேள்வியாக இருக்கிறது. தூபேவை கூட நம்பர் 3இல் விளையாட வைக்கலாம். தற்போதைக்கு ராகுல் திரிபாதியை தோனி களமிறக்குவாரா அல்லது வன்ஷ் பேடி, ஷேக் ரஷீத் போன்ற இளம் பேட்டர் ஒருவரை அணிக்குள் கொண்டுவருவாரா என்பது பெரிய கேள்வியாக உள்ளது.
மிடில் ஆர்டரும் பிரச்னை
தற்போதைய சூழலில் டெவான் கான்வே, ரச்சின் ரவீந்திரா, நூர் அமகது, பதிரானா உள்ளிட்ட வெளிநாட்டு வீரர்களே விளையாடுவார்கள் என்ற தெரிகிறது. எனவே சாம் கரன் அல்லது ஓவர்டனை சேர்க்க முடியாது. எனவே மிடில் ஆர்டர் பலவீனத்தை போக்கவும் வேறு வீரர்களை தோனி கொண்டுவர வாய்ப்புள்ளது. அஸ்வினை கூட நீக்கிவிட்டு தீபக் ஹூடா மீண்டும் உள்ளே கொண்டுவரப்படலாம். அன்ஷூல் கம்போஜ் அணிக்குள் வரவும் வாய்ப்புள்ளது.
சிஎஸ்கேவின் பிளேயிங் லெவன்
டெவான் கான்வே, ரச்சின் ரவீந்திரா, ஷிவம் தூபே, ராகுல் திரிபாதி/வன்ஷ் பேடி, விஜய் சங்கர், ஷேக் ரஷீத்/ தீபக் ஹூடா, தோனி, ஜடேஜா, நூர் அமகது, கலீல் அகமது, முகேஷ் சௌத்ரி/அன்ஷூல் கம்போஜ். இம்பாக்ட் வீரர்: மதீஷா பதிரானா
மேலும் படிக்க | உலகின் பணக்கார கிரிக்கெட் லீக்கில் தோனி செய்த மகத்தான சாதனை..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sudharsan G
I’m Sudharsan G, Sub Editor at Zee Tamil News, with over five years of experience in Tamil content writing. I cover Tamil Nadu, national, and international news, along with sports stories that connect with readers. A follower of cricket, cinema, and politics, I bring depth and perspective to every piece. I also have on-screen camera experience, which helps me present news stories in a more engaging and impactful way. Outside work, I enjoy modern Tamil literature and discovering new voices in contemporary writing.
...Read More
