 "ஐபிஎல் தாண்டி விவசாயம் மூலம் தோனிக்கு எவ்வளவு வருமானம் தெரியுமா?")
சென்னை சூப்பர் கிங்ஸ் அணியின் கேப்டன் மகேந்திர சிங் தோனி, 'கூல் கேப்டன்' என ரசிகர்களிடையே அழைக்கப்படுகிறார். ஆனால் அவரது மற்றொரு அடையாளம் – ஒரு உழைக்கும் விவசாயி. கிரிக்கெட் விளையாட்டு, விளம்பர வருமானம் என கோடிக்கணக்கில் பணம் வந்தாலும், தோனி தனது நேரத்தை மிகுந்த விருப்பத்துடன் விவசாயத்தில் செலவிடுகிறார். இதனால் ரசிகர்கள் அவரை 'விவசாயி தோனி' என்ற பட்டப்பெயரால் அழைக்கத் தொடங்கியுள்ளனர்.
தோனியின் பண்ணை, ஜார்கண்ட் மாநிலம் ராஞ்சியில் அமைந்துள்ளது. “கைலாசபதி பண்ணை” என அழைக்கப்படும் இப்பண்ணை 43 ஏக்கர் பரப்பளவில் இயற்கை முறையில் இயங்குகிறது. இந்த பண்ணையில் ஸ்ட்ராபெரி, டிராகன் பழம், தக்காளி, ப்ரோக்கோலி, முட்டைக்கோஸ், பட்டாணி போன்ற காய்கறிகள் பயிரிடப்படுகின்றன. வாணிக ரீதியில் பெரும் வரவேற்பு உள்ள பழக்காய்கள், இயற்கை உரம் மற்றும் மருந்துகள் மட்டுமே பயன்படுத்தப்படுவதால் மார்க்கெட்டில் கூடுதல் விலையில் விற்பனையாகின்றன.
பசுக்கள் மற்றும் கோழிகள் வளர்ப்பும் இந்த பண்ணையின் முக்கிய பகுதியாகும். பசுக்களின் பாலை ராஞ்சியில் உள்ள பிரபல இனிப்பு கடைகளுக்கு விற்பனை செய்யும் தோனி, மேலும் ஒரு முக்கிய விலங்காக “கடக்நாத்” (Kadaknath) எனப்படும் கருப்பு நிற கோழிகளை வளர்த்து வருகிறார். இந்த கோழிகளின் இறைச்சி, மருத்துவ நன்மைகள் நிறைந்ததால், ஒரு கிலோ இறைச்சி ரூ.1000 வரை விற்கப்படுகிறது. இது இந்தியா மட்டுமல்லாமல் வளைகுடா நாடுகளுக்கும் ஏற்றுமதி செய்யப்படுகிறது.
தோனியின் பண்ணையில் உள்ள வசதிகளும் பிரமாண்டமானவை. நீச்சல் குளம், ஜிம், சொகுசு வீடு, கார்கள் நிறுத்தும் வசதிகள் என மொத்த அமைப்பு ரூ.100 கோடி மதிப்புடையதாகும். இந்த பண்ணையின் மூலம் தோனி ஒரு ஆண்டுக்கு ரூ.1 கோடி வரை லாபம் ஈட்டுவதாக கூறப்படுகிறது. தோனியின் மொத்த சொத்துகளின் மதிப்பு ரூ.1040 கோடி என்று மதிப்பிடப்பட்டுள்ளது. கிரிக்கெட், விளம்பரங்கள், பண்ணை, தயாரிப்பு நிறுவனங்கள், ஜெர்சி விற்பனை என பல வழிகளில் அவருக்கு வருமானம் வருகிறது. சர்வதேச கிரிக்கெட்டில் இருந்து ஓய்வு பெற்று இருந்தாலும் தோனி ஆண்டுக்கு ரூ.50 கோடிக்கு சம்பாதிக்கிறார். தோனி விவசாயத்தில் நீண்ட கால பார்வையுடன் முதலீடு செய்கிறார். "தோனி போல பிரபலமான ஒருவர் விவசாயத்தை மேம்படுத்த முன்வருவது மற்றவர்களுக்கும் உந்துதலாக இருக்கும்" என்று நாடெங்கும் விவசாயிகள் பாராட்டுகின்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)