ஐபிஎல் 2022ன் இறுதிப்போட்டி இன்று நடக்கவிருக்கிறது. இப்போட்டியில் குஜராத் டைட்டன்ஸ் அணியும், ராஜஸ்தான் ராயல்ஸ் அணியும் மோதுகின்றன. முதல் குவாலிஃபையரில் தோல்வியடைந்த ராஜஸ்தான் அணி இரண்டாவது குவாலிஃபையரில் ஆர்சிபியை வீழ்த்தி இறுதிப்போட்டிக்குள் நுழைந்துள்ளது.


COMMERCIAL BREAK
SCROLL TO CONTINUE READING

ராஜஸ்தான் ராயல்ஸ் அணி இறுதிப்போட்டி வந்ததுக்கு பெரும் பங்கு பட்லருக்கு இருக்கிறது. ஒவ்வொரு போட்டியிலும் அவர் பேட்டிங்கிலும், ஃபீல்டிங்கிலும் கலக்கினார். ஆர்சிபிக்கு எதிரான போட்டியில்கூட 59 பந்துகளில் சதம் அடித்து மிரட்டினார். பட்லரை விரைவில் வெளியேற்றினால் மட்டுமே எதிரணி வெற்றி பெற முடியும் என்ற நிலை இருக்கிறது. அவர் இதுவரை 16 போட்டிகளில் விளையாடி 4 சதங்கள் உள்பட் 824 ரன்களை அடித்து அசுர ஃபார்மில் உள்ளார்.



இந்நிலையில் பட்லரை இரண்டாவது கணவராக ஏற்றுக்கொண்டுவிட்டேன் என ராஜஸ்தான் ராயல்ஸ் அணியின் சக வீரர் வான் டெர் டுசெனின் மனைவி லாரா கூறியுள்ளார்.


ஐபிஎல் போட்டியில் ஒரு வீரர் சிக்ஸ் அடித்தாலோ இல்லை ஏதேனும் சாதனை செய்தாலோ அந்த வீரரின் மனைவி கேமராவில் காட்டப்படுவது வழக்கம். அந்தவகையில் பட்லர் இந்த சீசனில் சிக்ஸ் அடித்தாலோ சதம் அடித்தாலோ தவறாமல் ஒரு பெண் கேமராவில் காட்டப்பட்டார்.



அவர் பட்லரின் மனைவி என்றே பலரும் நினைத்தனர். ஆனால் அவர் வான் டெர் டுசெனின் மனைவி லாரா ஆவார். எனவே இந்த விவகாரம் குறித்து டுசெனின் மனைவி லாரா கிண்டலாக கூறும்போது, “நான் ஜோஸின் மனைவி என்று மக்கள் தவறாக நினைத்துவிட்டார்கள். பட்லர் சிக்சர் அடிக்கும்போது சில முறை கேமராவில் நான் காட்டப்பட்டதால் மக்கள் அவ்வாறு நினைத்திருக்கின்றனர்.


மேலும் படிக்க | ஃபார்ம் அவுட்டான கோலி - வெளுத்து வாங்கிய சேவாக்


பட்லரின் மனைவி பெயர் லூசி. நான் அவரை பார்த்ததுகூட இல்லை.என் கணவர் வான் டெர் டுசென் சில காரணங்களால் போட்டிகளில் விளையாடவில்லை. அதனால் அவருக்கு பதில் பட்லருக்கு உற்சாகம் அளித்துவருகிறேன். இந்த சீசனில் நான் பட்லரை இரண்டாவது கணவராக தத்தெடுத்துவிட்டேன்” என கூறினார். அவரது இந்தப் பேச்சு தற்போது வைரலாகிவருகிறது.


மேலும் படிக்க | IPL 2022 Final: ஐபிஎல் இறுதிப்போட்டியை மழை பாதிக்குமா? வானிலை முன்னறிவிப்பு


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR