இந்தியாவுடன் அரையிறுதி போட்டி! கடைசி நிமிடத்தில் அணியில் மாற்றம் செய்த ஆஸ்திரேலியா!

IND vs AUS Champions Trophy Semi-Final: சாம்பியன்ஸ் டிராபி அரையிறுதியில் இன்று இந்தியா மற்றும் ஆஸ்திரேலியா அணிகள் மோத உள்ள நிலையில் ஆஸ்திரேலியா அணி தங்கள் அணியில் சில மாற்றங்களை மேற்கொண்டுள்ளது.

IND vs AUS Champions Trophy Semi-Final: இந்தியா மற்றும் ஆஸ்திரேலியா அணிகளுக்கு இடையேயான சாம்பியன்ஸ் டிராபி அரை இறுதி போட்டி இன்று துபாயில் நடைபெறுகிறது. இந்த இரு அணிகளும் 2023 ஒரு நாள் உலக கோப்பை பைனலில் விளையாடியது. அந்த தொடர் முழுவதும் ஒரு போட்டியில் கூட தோல்வியடையாத இந்திய அணி பைனலில் ஆஸ்திரேலியாவிடம் தோற்று கோப்பையை இழந்தது. இதனால் இந்த முறை அரையறுதியில் ஆஸ்திரேலியாவை வெளியேற்றி இந்திய அணி பைனலுக்கு செல்லுமா என்ற எதிர்பார்ப்பு அதிகரித்துள்ளது. 2025 சாம்பியன்ஸ் டிராபி தொடரின் லீக் போட்டியிலும் இந்திய அணி ஒருமுறை கூட தோல்வியடையவில்லை.

Add Zee News as a Preferred Source

ஆஸ்திரேலிய அணியில் மாற்றம்

சாம்பியன்ஸ் டிராபி லீக் போட்டியில் ஆப்கானிஸ்தான் அணிக்கு எதிரான போட்டியின் போது ஆஸ்திரேலியா வீரர் மேட் ஷார்ட்க்கு காயம் ஏற்பட்டது. தற்போது இந்தியாவுடன் அரை இறுதியில் விளையாடவுள்ளதால் ஆஸ்திரேலியா கடைசி நிமிடத்தில் தங்கள் அணியில் சில மாற்றங்களை செய்துள்ளது. காயம் அடைந்த மேட் ஷார்ட்க்கு பதிலாக இடது கை சுழல்பந்து வீச்சாளர் கூப்பர் கோனொலி தற்போது அணியில் சேர்த்துள்ளனர். இவர் பிளேயிங் 11ல் எடுக்கப்பட்டால் இந்திய அணிக்கு பாதகமாக இருக்குமா என்ற எதிர்பார்ப்பு கிளம்பி உள்ளது.

A #ChampionsTrophy match-up for the ages awaits in Dubai

More  https://t.co/zQncODM01X pic.twitter.com/K8riIb5qS1

— ICC (@ICC) March 4, 2025

ஆஸ்திரேலியா அணியில் தொடரும் காயம்!

சாம்பியஸ் டிராபி தொடங்குவதற்கு முன்னதாக ஆஸ்திரேலியா அணியின் முக்கிய வீரர்கள் காயம் காரணமாக விலகினர். கேப்டன் பாட் கம்மின்ஸ், வேகப்பந்து வீச்சாளர் ஹேசல்வுட் விலகி நிலையில், மிட்சல் ஸ்டார்க் தனிப்பட்ட காரணங்களுக்காக விலகினார். தற்போது மற்றொரு வீரரும் விலகி இருப்பது ஆஸ்திரேலியா அணிக்கு பின்னடைவை ஏற்படுத்தி உள்ளது.

அரையிறுதியில் ஆஸ்திரேலியா

ஸ்டீவ் ஸ்மித் தலைமையில் களமிறங்கிய ஆஸ்திரேலியா அணி அரை இறுதிக்கு தகுதி பெறுமா என்ற கேள்வி இருந்தது. ஆனால் சிறப்பாக விளையாடி தற்போது இந்தியாவுடன் அரை இறுதியில் விளையட உள்ளனர். கடைசி லீக் போட்டியில் இந்திய அணி நியூஸிலாந்துடன் வெற்றி பெற்றால் ஆஸ்திரேலியாவுடன் அரை இறுதியில் விளையாடும், தோற்றால் தென் ஆப்பிரிக்காவுடன் விளையாடும் என்ற சூழல் இருந்தது. இந்தியா நியூஸிலாந்தை வெற்றி பெற்றதால் ஆஸ்திரேலியா மற்றும் இந்தியா அணிகள் இன்று அரை இறுதியில் மோதுகின்றன. நாளை தென் ஆப்பிரிக்கா மற்றும் நியூஸிலாந்து அணிகள் 2வது அரை இறுதியில் விளையாட உள்ளனர்.

ஆஸ்திரேலிய அணி: ஸ்டீவ் ஸ்மித் (கேப்டன்), சீன் அபோட், அலெக்ஸ் கேரி, பென் டுவார்ஷுயிஸ், நாதன் எல்லிஸ், ஜேக் ஃப்ரேசர்-மெக்கர்க், ஸ்பென்சர் ஜான்சன், ஆரோன் ஹார்டி, டிராவிஸ் ஹெட், ஜோஷ் இங்கிலிஸ், மார்னஸ் லாபுசாக்னே, க்ளென் மேக்ஸ்வெல், தன்வீர் சங்கா, ஆடம் ஜாம்பா, கூப்பர் கோனோலி

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!