 "இந்தியாவிடம் படுதோல்வி: சூப்பர் 4 சுற்றுக்கு பாகிஸ்தான் தகுதி பெறுமா?")
)
ஆசியக் கோப்பை 2025 தொடரில் நேற்று ஞாயிற்றுகிழமை நடைபெற்ற மிகவும் எதிர்பார்க்கப்பட்ட போட்டியில், இந்திய அணி பாகிஸ்தானை 7 விக்கெட்டுகள் வித்தியாசத்தில் எளிதாக வீழ்த்தி வெற்றி பெற்றது. இந்த தோல்வியின் காரணமாக பாகிஸ்தான் அணி, சூப்பர் 4 சுற்றுக்கான தகுதி வாய்ப்பை சற்று இழந்துள்ளது. இந்திய அணி ஏற்கனவே 2 வெற்றிகளுடன் சூப்பர் 4 சுற்றுக்கு தகுதி பெற்றுவிட்ட நிலையில், பாகிஸ்தான் தனது அடுத்த சுற்று கனவை நனவாக்க கட்டாய வெற்றியை நோக்கி பயணிக்க வேண்டியுள்ளது.
India notch up an effortless win
— AsianCricketCouncil (@ACCMedia1) September 14, 2025
The contingent offered little to nothing with ball & bat, dominating all three facets of the game to record a thumping win over their arch rivals.#INDvPAK #DPWorldAsiaCup2025 #ACC pic.twitter.com/LUWFZAJ0tm
பாகிஸ்தான் அணியின் சூப்பர் 4 சுற்று கனவு அவர்களின் கையில் தான் உள்ளது. பாகிஸ்தான் தனது கடைசி லீக் போட்டியில், ஐக்கிய அரபு அமீரகம் அணியை செப்டம்பர் 17 அன்று நடைபெறும் போட்டியில் கண்டிப்பாக வீழ்த்த வேண்டும். இந்த போட்டியில் வெற்றி பெற்றால், பாகிஸ்தான் அணி 4 புள்ளிகளுடன், குரூப் A பிரிவில் இருந்து இரண்டாவது அணியாக சூப்பர் 4 சுற்றுக்கு எளிதாக தகுதி பெற்றுவிடும். வேறு எந்த போட்டியின் அணியையும் அவர்கள் சார்ந்திருக்க தேவையில்லை. ஒருவேளை, செப்டம்பர் 17 அன்று நடைபெறும் போட்டியில், பாகிஸ்தான் அணி ஐக்கிய அரபு அமீரகத்திடம் தோல்வியை சந்தித்தால், அவர்களது சூப்பர் 4 வாய்ப்பு மற்ற அணிகளின் முடிவுகளை சார்ந்திருக்கும்.
பாகிஸ்தான் ஐக்கிய அரபு அமீரகத்திடம் தோற்று, அதே சமயம் ஐக்கிய அரபு அமீரகம் ஓமனுக்கு எதிராக செப்டம்பர் 15 இன்று நடைபெறும் போட்டியில் வெற்றி பெற்றால், ஐக்கிய அரபு அமீரகம் அணி 4 புள்ளிகளுடன் சூப்பர் 4 சுற்றுக்கு தகுதி பெறும். பாகிஸ்தான் 2 புள்ளிகளுடன் தொடரிலிருந்து வெளியேறும். இந்நிலையில் பாகிஸ்தான் அணியின் சூப்பர் 4 கனவு, வரும் புதன்கிழமை செப்டம்பர் 17 அன்று நடைபெறும் போட்டியில் அடங்கியுள்ளது. அந்த போட்டியில் பெரும் வெற்றி, அனைத்து கேள்விகளுக்கும் முற்றுப்புள்ளி வைத்து, சூப்பர் 4 சுற்றில் மீண்டும் இந்தியா-பாகிஸ்தான் போட்டிக்கான வாய்ப்பை உருவாக்கும். ஒருவேளை பாகிஸ்தான் தோல்வியை சந்தித்தால், அவர்கள் தொடரிலிருந்து வெளியேறவும் வாய்ப்புள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
