ஐபிஎல் 2025ல் சன்ரைசர்ஸ் ஹைதராபாத் அணி ஏன் தடுமாறுகிறது.. என்ன காரணம்?

2025 ஐபிஎல் தொடர் கடந்த மார்ச் 22ஆம் தேதி தொடங்கி விறுவிறுப்பாக நடைபெற்று வருகிறது. இத்தொடரில் மிகவும் எதிர்பார்க்கப்பட்ட அணியில் சன்ரைசர்ஸ் அணியும் ஒன்று. பிளே ஆஃப் சுற்றுக்கு தகுதி பெறும் பலரின் கணிப்பில் கூட சன்ரைசர்ஸ் ஹைதராபாத் அணி இருந்தது. ஆனால் அந்த அணி படுமோசமாக விளையாடி புள்ளிப்பட்டியலில் கடைசி இடத்தில் உள்ளது. அப்படி சன்ரைசர்ஸ் ஹைதராபாத் அணியின் தடுமாற்றத்திற்கு என்ன தான் காரணம்? அது குறித்து இந்த தொகுப்பில் பார்க்கலாம். 

சன்ரைசர்ஸ் ஹைதராபாத் அணியை கேப்டன்ஸிக்கு பெயர்போன ஆஸ்திரேலிய வீரர் பேட் கம்மின்ஸ் தான் வழிநடத்துகிறார். இவர் ஆஸ்திரேலிய அணிக்கு பல கோப்பைகளை பெற்றுக்கொடுத்துள்ளார். இச்சுழலில் இவர் கடந்த ஆண்டு ஐபிஎல் தொடரில் ஹைதராபாத் அணியால் ரூ. 20 கோடிக்கு வாங்கப்பட்டு அந்த அணிக்கு கேப்டனாகவும் நியமிக்கப்பட்டார். அந்த ஆண்டு ஹைதராபாத் அணியை இறுதி போட்டி வரை அழைத்தும் சென்றார். 

இந்த நிலையில், கடந்த டிசம்பர் மாதம் நடந்த மெகா ஏலத்தில் மொத்தமாக அணிகள் மாறின. ஹைதராபாத் அணியில் இருந்த வீரர்களும் வேறு அணிக்கு சென்றனர். பேட் கம்மின்ஸ், டிரவிஸ் ஹெட், அபிஷேக் சர்மா, கிளசென் ஆகியோரை ஹைதராபாத் அணி தக்கவைத்துக்கொண்டது. முக்கிய பந்து வீச்சாளர்களான நடராஜன், புவனேஷ்வர் குமார் ஆகியோர் வேறு அணிக்கு சென்றனர். அதற்கு பதிலாக முகமது ஷமி, சிமர்ஜித் சிங் ஆகியோரை வாங்கினர். நல்ல பலமான அணியுடனே இந்த ஐபிஎல் தொடரிலும் நுழைந்தனர். ஆனால் கடுமையாக சொதப்பி வருகின்றனர். 

மேலும் படிங்க: சிஎஸ்கேவிலும், பஞ்சாப் அணியிலும் விளையாடிய இந்த 11 வீரர்கள் - யார் யார் பாருங்க?

பலமான பேட்டிங் வரிசை, ஆனால் சொதப்பல்

ஹைதராபாத் அணியின் தொடக்க வீரர்களாக கடந்த ஆண்டை போலவே டிரவிஸ் ஹெட் மற்றும் அபிஷேக் சர்மா களம் இறங்குகின்றனர். இவர்களது பேட்டிங் கடந்த ஆண்டு பெரிய தாக்கத்தை ஏற்படுத்தியது. இப்படியான ஒரு தொடக்கத்தை ஐபிஎல் வரலாற்றில் எவரும் பார்த்தது இல்லை. அந்த அளவிற்கு இவர்களது ஆதிக்கம் இருந்தது. உதாரணத்திற்கு கடந்த ஆண்டு லக்னோ அணிக்கு எதிரான போட்டியில் 160க்கும் மேலான இலக்கை இவர்களது பார்ட்னர்ஷிபே எட்டியது. அதாவது விக்கெட்டை இலக்காமல் இவர்களே 9 ஓவர்களில் அந்த இலக்கை எட்டினர். ஆனால் இந்த ஆண்டு அதற்கு மாறாக நடக்கிறது. இவர்களது பார்ட்னர்ஷிப் பெரிதாக இந்த சீசனில் ஜொலிக்கவில்லை. அனைத்து பந்துகளையும் ஃபவுண்டரிகளுக்கு அனுப்ப நினைப்பதே இதற்கு காரணம். இது அந்த அணிக்கு முதல் அடி.  

மிடில் ஆர்டரில் அவசரம் 

மிடில் ஆர்டரில் நிதீஷ் ரெட்டி, கிளசென், கமிந்து மென்டிஸ் ஆகியோர் இருக்கின்றனர். இவர்கள் மூவருமே சிறந்த பேட்ஸ்மேன்கள். ஆனால் தொடக்க வீரர்கள் ஆட்டமிழந்தால், இவர்கள் சற்று பொருமை காத்து ரன்களை சேர்க்க வேண்டும். 200க்கு மேற்பட்ட ரன்களை அசால்டாக அடிக்கும் இந்த அணி தற்போதெல்லாம் 180 ரன்கள் அடிக்கவே கஷ்டப்படுகிறது. அதற்கு தொடக்க வீரர்கள் ஒரு காரணம் என்றால், மிடில் ஆர்டர் பேட்ஸ்மேன்களும் ஒரு காரணம். ஒரு அணிக்கு எந்த அளவிற்கு மிடில் ஆர்டர் பலமாக இருக்கிறதோ அந்த அணியால் எளிதாக பெரிய ஸ்கோர்களை செட் செய்வதோ அல்லது பெரிய இலக்கை துரத்துவதோ முடியும். இந்த இரண்டாவது அடி. 

பந்து வீச்சு 

பந்து வீச்சில் 6 முதல் 7 பேரை பயன்படுத்துகிறார் பேட் கம்மின்ஸ். முக்கிய பந்து வீச்சாளரான ஷமி, சிமர்ஜித் சிங், உனத்கட், அன்சாரி போன்றோர்களுக்கு முழுமையாக 4 ஓவர்களை கொடுத்தாலே கட்டுப்படுத்த முடியும். ஆனால், முயற்சி செய்ய வேண்டும் என்று அபிஷேக் சர்மா, கமிந்து மெண்டீஸ் ஆகியோருக்கு பந்து வீச கொடுக்கிறார். அவர்களது ஓவரில் 15, 20 ரன்கள் செல்கிறது. மொத்தமாக 7 பேர் பந்து வீசுகின்றனர். முன்னணி பந்து வீச்சாளர்களுக்கு முழுமையாக ஓவர்கள் கிடைப்பதில்லை. இது மற்றொரு காரணம் ஆகும். மேலும், பேட் கம்மின்ஸ் தொடர் தோல்விகளுக்கு பிறகும் நாங்கள் அதிரடியாகதான் பேட்டிங் செய்வோம் என கூறுகிறார். அவரது மனநிலைமையை சற்று மாற்றினால் வெற்றிகளை பெற முடியும். பெரிய ஸ்கோர்களை அடித்துதான் இலக்கை எதிர்கொள்ள வேண்டும் என மனநிலைமையுடன் இருக்கிறார். 

எனவே, இது போன்ற பெரிய  தவறுகளை அவர்கள் திருத்திக்கொள்ள வேண்டும். அவர்களை இதை சரி செய்யும் பட்சத்தில், வரும் போட்டிகளில் வெல்வதற்கு வாய்ப்புகள் உள்ளன. பேட் கம்மின்ஸ் தலைமையிலான சன்ரைசர்ஸ் ஹைதராபாத் அணி அடுத்த போட்டியில், ஸ்ரேயாஸ் ஐயர் தலைமையிலான பஞ்சாப் கிங்ஸ் அணியை எதிர்கொள்கிறது. 

மேலும் படிங்க: சிஎஸ்கேவின் சோலியை முடிக்க... பஞ்சாப் களமிறக்கும் முக்கிய வீரர் - பிளேயிங் XI மாற்றம்!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ