 "சிவகங்கை அஜித்குமார் மரணம்.. நீதி கேட்கும் தவெக போராட்டத்திற்கு காவல்துறை அனுமதி!")
சிவகங்கை மாவட்டம் திருப்புவனம் அருகே உள்ள மடப்புரம் கோயில் காவலாளி அஜித்குமார் திருடியதாக கூறி, தனிப்படை போலீசார் விசாரணைக்காக அழைத்து சென்றனர். அந்த விசாரணையில் போலீசாரால் அஜித்குமார் அடித்துக் கொல்லப்பட்டார். இந்த விவகாரத்தில் திமுக அரசுக்கு பலரும் கண்டனம் தெரிவித்திருந்தனர். அந்த வகையில் அஜித்குமாரின் மரணத்திற்கு கண்டனம் தெரிக்கும் வகையிலும் வழக்கை சிறப்பு புலனாய்வுக் குழுவின் விசாரணைக்கு மாற்ற கோரியும் தமிழக வெற்றிக் கழகம் சார்பில் போராட்டம் நடத்தப்படும் என தெரிவிக்கப்பட்டிருந்தது.
இந்த போராட்டத்திற்கு தவெகவினர் காவல்துறையினரிடம் அனுமதி கேட்டபோது இரண்டு முறை மறுக்கப்பட்டது. இதையடுத்து சென்னையில் போராட்டம் நடத்துவதற்கு காவல்துறையினரை அனுமதி அளிக்க கோரி சென்னை உயர்நீதிமன்றத்தில் தமிழக வெற்றிக் கழகம் தரப்பில் மனு அளிக்கப்பட்டது. இந்த நிலையில், மனுவை பரிசீலித்த சென்னை உயர்நீதிமன்றம் தமிழக வெற்றிக் கழக போராட்டத்திற்கு அனுமதி அளித்து உத்தரவிட்டது.
இந்த உத்தரவை அடுத்து, காவல்துறையும், தமிழக வெற்றிக் கழகத்தினரின் போராட்டத்திற்கு அனுமதி வழங்கி உள்ளது. சென்னை சிவானந்தா சாலையில் போராட்டத்தை நடத்திக் கொள்ளலாம் என தெரிவிக்கப்பட்டுள்ளது. முன்னதாக நடிகரும் தமிழக வெற்றிக் கழக தலைவருமான விஜய், அஜித்குமாரின் வீட்டிற்கு சென்றார். அங்கு அஜித்குமாரின் தாயார் மற்றும் சகோதரரை சந்தித்து ஆறுதல் தெரிவித்தார். மேலும், அனைத்து உதவிகளும் செய்வதாக கூறி, ரூ. 2 லட்சம் நிவாரணம் அளித்தார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)