 "திமுகவுடன் கூட்டணி? பிரேமலதா விஜயகாந்த் முக்கிய அறிவிப்பு!")
கோவில் நகரமான காஞ்சிபுரத்திலுள்ள காஞ்சி ஸ்ரீ காமாட்சி அம்மன் கோயிலில் ஆடி மாதம் மூன்றாம் வெள்ளிக்கிழமை ஒட்டி நடந்த சிறப்பு வழிபாட்டில் தேமுதிக பொதுச் செயலாளர் பிரேமலதா விஜயகாந்த், தனது மகன்கள் சண்முக பாண்டியன், விஜய பிரபாகரன் ஆகியோருடன் சாமி தரிசனம் செய்தார். இதனை தொடர்ந்து செய்தியாளர்களை சந்தித்த பிரேமலதா விஜயகாந்த், அரசியல் நாகரிகம் கருதியே முதல்வரின் உடல் நலம் குறித்து நேரில் சென்று சந்தித்ததாகவும், கடந்த காலங்களில் விஜயகாந்திற்கு உடல்நிலை சரியில்லாத நேரத்தில் நேரில் வந்து நலம் விசாரித்தார். பொதுவாகவே அரசியலுக்கு அப்பாற்பட்டு நாகரிகம் கருதி ஒருவரை ஒருவர் சந்தித்து நலம் விசாரிப்பது சிறந்தது, அரசியலுக்கு அப்பாற்பட்டு நாகரீகம் கருதியே ஸ்டாலின் உடன் சந்திப்பு ஏற்பட்டது.
வெவ்வேறு கட்சியினர் சந்தித்தாலே கூட்டணி என நினைப்பது நமது கலாச்சாரமாக மாறிவிட்டது என தெரிவித்தார். மேலும் தமிழகத்தில் முதல்வரின் பெயரை வைத்து மக்கள் நல திட்டங்கள் செயல்படுத்தப்படுவதற்கு தடை விதித்த நிலையில் அது குறித்து கேட்டபோது, பொதுவாகவே மக்கள் வரிப்பணத்தில் செயல்படும் திட்டங்களுக்கு தனிநபர் பெயர் வைப்பது வரவேற்பு கூடியது அல்ல எனவும் கடந்த காலங்களில் அதிமுகவும், அதை தொடர்ந்து திமுகவும் இதை செய்து வருகிறது என அவர் தெரிவித்தார். மேலும் தமிழகத்தில் சிறுமி பாலியல் வன்கொடுமை, கொலை, கொள்ளை அதிகரித்து வருகிறது, இதனால் சட்ட ஒழுங்கு கேள்விக்குறியாக உள்ளது. மக்கள் நல கூட்டணி மக்கள் ஏற்காத கூட்டணி என்று மக்களே தீர்மானித்து விட்டனர், ஜனவரி 9ல் கடலூரில் நடக்கும் தேமுதிக மாநாடு பிறகே கூட்டணி குறித்து அறிவிக்கப்படும் என பிரேமலதா விஜயகாந்த் செய்தியாளர்களிடம் தெரிவித்தார்.
ஓ பன்னீர் செல்வம் சந்திப்பு!
முன்னதாக ஓ பன்னீர் செல்வம் முதல்வரை சந்தித்து இருந்தார். அப்போது பேசிய அவர், முதலமைச்சர் அவர்களே சிறிது நாட்கள் மருத்துவமனையில் சிகிச்சை பெற்று பூரண குணமடைந்து வந்திருக்கிறார். அவர்களை நலம் விசாரிக்க மரியாதை நிமித்தமாக தான் நான் சந்தித்தேன். அவரது சகோதரர் முக முத்து அவர்களின் இறப்புக்கு இரங்கல் தெரிவிக்கும் வகையிலும் அவரை சந்தித்தேன். அரசியல் ரீதியாக எந்தவித பேச்சுவார்த்தை நடத்தவில்லை. அரசியலில் நண்பர்களும் இல்லை எதிரிகளும் இல்லை என்பது தான் கடந்த கால வரலாறு எதிர்காலத்தில் தேவையானவாறு இது வேணும்னாலும் நடக்கலாம், ஜனநாயகத்தில் நடைமுறையில் தான் உள்ளது.
எனக்கு என்ன ஒரு சுயமரியாதை இருக்கிறது. அரசியலில் நான் அம்மாவுடன் 25 ஆண்டு காலம் நேரடி பார்வையில் பணியாற்றி இருக்கிறேன். அரசியல் ரீதியாக கட்சி ரீதியாக அனைத்தும் எனக்கு தெரியும், இன்றைய கால சூழ்நிலையில் ஒரு வருத்தம் இருக்கிறது. மக்களவையில் நீதி பற்றி ஒரு கேள்வி எழுக்கும் பொழுது மும்மொழிக் கொள்கை தமிழக அரசு ஏற்கவில்லை. அதனால் தான் நிதியை நிறுத்தி வைத்தோம் என்று சொல்லுகின்ற ஒரு சூழல் இன்று இருக்கின்ற கல்வி அமைச்சருக்கு இருக்கிறது. இது ஜனநாயக நாட்டில் ஏற்றுக்கொள்ளப்படுவது அல்ல என்பதே எனது கருத்து, இன்றைக்கு இருக்கின்ற கட்சிகளிலே மத்திய அரசாக இருந்தாலும் மாநில அரசாங்கம் ஜனநாயக கடமையை செய்யாமல் மக்களை பாதிக்கக்கூடிய எந்த விஷயமாக இருந்தாலும் அதை குறித்து நான் தொடர்ச்சியாக அறிக்கைகள் வெளியிட்டு வருகிறேன் என்றார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)