 "ஏன்? நான் முதலமைச்சர் ஆக தகுதி இல்லையா? திருமாவளவன் கேள்வி!")
ராணிப்பேட்டை மாவட்டம் முத்துக்கடை பேருந்து நிலையத்தில், விடுதலை சிறுத்தைகள் கட்சியின் சார்பில் தீர்மான விளக்க பொது கூட்ட நிகழ்ச்சி கடந்த சனிக்கிழமை மாலை நடைபெற்றது. இந்த நிகழ்ச்சியில் வி.சி.க. தலைவரும் சிதம்பரம் நாடாளுமன்ற உறுப்பினருமான, தொல்.திருமாவளவன் சிறப்பு அழைப்பாளராக கலந்து கொண்டு உரையாற்றினார். முன்னதாக அவருக்கு ஜே.சி.பி. இயந்திரம் மூலமாக மலர் தூவி சிறப்பான வரவேற்பு அளிக்கப்பட்டது. அப்போது பேசிய அவர், அதிமுக பொதுச்செயலாளர் எடப்பாடி பழனிச்சாமி அவர்களுக்கு அதிகமாக கோபம் வருகிறது, எங்களை அவர் கூட்டணிக்கு அழைத்தார் என ஒருபோதும் கூறியதில்லை. ஆனால் அவர்களது சார்பில் யார் அழைத்தார்கள் என வெளிப்படையாக கூற முடியாது என தெரிவித்தார்.
இன்று பெரும்பாலான நிகழ்ச்சிகளில் விவாத பொருளாக கூட வருகிறது, துணை முதல்வர் பதவி உங்களுக்கு வேண்டாமா? என்று கேள்வி எழுகிறது. நேற்று இன்று வந்தவர்கள் எல்லாம் நானும் ரவுடிதான் என கூறிக்கொண்டு என்னையும் வாகனத்தில் ஏற்றுங்கள் என சொல்கின்றனர்! 35 ஆண்டு கால அரசியல் அனுபவம் உள்ள எனக்கு முதல்வராக தகுதி இல்லையா என கேள்வி எழுப்பினார். உடனடியாக கூட்டத்தில் இருந்த பொதுமக்கள் அனைவரும் கரகோஷங்களை எழுப்பினர். முடிவில் எவ்வளவு ஆசை காட்டினாலும் கொள்கையில் உறுதியாக இருப்பது விடுதலை சிறுத்தைகள் கட்சி எனக் கூறினார். நாங்கள் இந்துக்களை எதிராக பார்க்கவில்லை. முஸ்லீம், கிறித்துவர்களின் தேர்தலின் போது வாக்கு வங்கி போதும் என்று பாஜக மற்றும் ஆர்எஸ்எஸ் விமர்சிக்கவில்லை.
சகோதரத்துவம் வேண்டும் என்கிறாம். அனைத்து கோயில்களுக்கும் அனைவரும் வரலாம் என்று ஆர்எஸ்எஸ் கூறிவிட்டால், விசிக எதற்கு வேண்டாமே. இந்த கட்சி எப்போதே கலைக்கப்பட்டு இருக்கும். ஆனால், பாஜக மதம் அடிப்படையில் அரசியல் நடத்துகிறது. முஸ்லிம், கிறித்துவர்கள் மீது வெறுப்பு அரசியல் பரப்புகிறது. அரசாங்கத்துக்கே மதம் வேண்டும் என்று பாஜக செயல்படுகிறது. ஆனால், அம்பேத்கர் மதம் மக்களுக்கானது. அரசாங்கத்துக்கானது இல்லை என்று இந்திய அரசியல் அமைப்பு சட்டத்தை அமைத்துள்ளார். ஆனால், இந்து மதம் சமத்துவம், சகோதரத்துவத்துடன் இல்லை. ஒரு சமூகத்தில் (பார்ப்பனர்) ஆண்கள் மட்டுமே உயர்ந்தவர். அவர்களுக்கு கீழ் தான் மற்றவர்கள் வருகிறார்கள் என்கின்றனர். அந்த சமூகத்தில் பிறந்த பெண்கள் கூட கீழ்சாதியினர் தான் என்று மனு தர்மம் சொல்கிறது. ஆனால், இந்திய குடியரது இறையாண்மை உள்ள ஜனநாயக குடியரசு என்ற அரசியல் சட்டம் கருத்தப்படுகிறது.
மேலும், மறைந்த காங்கிரஸ் தலைவர் இந்திரா காந்தி இந்திய அரசியல் அமைப்பு சட்டத்தில் 1976-ல் சில திருத்தங்களை கொண்டு வந்தார். அதன்படி, இந்திய அரசியல் அமைப்பு சட்டம் , இறையான்மையுள்ள சமத்துவமுள்ள, மதச்சார்பற்ற ஜனநாயக குடியரசு என்று இணைத்து திருத்தம் செய்தார். சமத்துவமுள்ள, மதச்சார்பற்ற என்ற இரண்டு வார்த்தைகள் இந்த காலத்திலும் இந்திய அரசியல் அமைப்பு சட்டம் பொருத்தமாக அமையும் வகையில் சிறப்பாக செயல்பாட்டினை அவர் செய்துள்ளார். மேலும், எந்த காலத்திலும் தமிழகத்தில் பாஜக மற்றும் ஆர்எஸ்எஸ் தமிழகத்தில் நுழைய விடக்கூடாது. இதற்காகவே மதச்சார்பற்ற திமுக கூட்டணியில் நாம் இணைந்துள்ளோம்.
திமுகவை புதியதாக வந்தவர்கள் யாரும் (தவெக தலைவர் விஜய்) எதிர்த்து விடமுடியாது. அந்த கட்சியை எதிர்த்தவர்களாக எம்ஜிஆர், வைகோவை அவர்கள் பார்த்துவிட்டார்கள். தற்போது உள்ளவர்கள் எல்லாம் திமுகவிற்கு ஜூஜிபி போன்றவர்கள். மக்களை காப்போம், தமிழகத்தை மீட்போம் என்று முன்னாள் முதல்வர் எடப்பாடி பழனிசாமி சுற்றுப்பயணம் மேற்கொண்டு வருகிறார். அவர் பாஜகவின் கூட்டணியில் இருந்து இந்த சுற்றுப்பயணத்தை மேற்கொள்வது வேடிக்கையாக உள்ளது என்றார். மேலும், இந்தியாவில் இரண்டே அணியினர் தான். ஒன்று மதம் சார்ந்தவர்கள் மற்றொருவர் மதச்சார்பற்றவர்கள். மதச்சார்பற்றவர்கள் கொள்கையில் உறுதியாக உள்ள திமுகவுடன் கூட்டணியில் விசிக உறுதியாக உள்ளது "என்றால் இதில் கட்சியின் முக்கிய நிர்வாகிகள் மற்றும் கூட்டணி கட்சியினர் பலர் பங்கேற்றனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)