 "குட் நியூஸ்! அங்கன்வாடி ஊழியர்கள் சம்பளம், ஓய்வூதியம் மற்றும் இதர சலுகைகள் - முழு விவரம்")
)
Anganwadi salary Tamil Nadu ; தமிழ்நாடு முழுவதும் அண்மையில் காலியாக இருந்த அங்கன்வாடி ஊழியர் பணியிடங்களுக்கு விண்ணப்பம் பெறப்பட்டது. ஊராட்சி, நகராட்சி வாரியாக காலிப்பணியிடங்கள் அறிவிப்பு வெளியிடப்பட்டு, தகுதியானவர்கள் விண்ணப்பிக்குமாறு அறிவிக்கப்பட்டிருந்தது. ஏராளமானோர் இதற்கு விண்ணப்பித்தனர். இந்த சூழலில் அங்கன்வாடி பணியாளர்களுகான ஊதியம், பென்சன் உள்ளிட்ட விவரங்களை இங்கே தெரிந்து கொள்ளுங்கள்.
அங்கன்வாடி பணியாளர்களுக்கான ஊதியம்
ஒவ்வொரு சத்துணவு மையத்திற்கும் ஒரு அமைப்பாளர், ஒரு சமையலர் மற்றும் ஒரு சமையல் உதவியாளர் என மூன்று பணியிடங்கள் உள்ளன. சத்துணவுப் பணியாளர்கள் "பகுதி நேர நிரந்தரப் பணியாளர்கள்" என வகைப்படுத்தப்பட்டுள்ளனர். அவர்களுக்கு வழங்கப்படும் சிறப்பு கால முறை ஊதியம் இங்கே பார்க்கலாம்.
1. சத்துணவு அமைப்பாளர் - ரூ.7.700 - 24,200. மத்திய அரசின் பங்கு - ரூ.600
2. சமையலர் - ரூ. 4,100-12,500. மத்திய அரசின் பங்கு - ரூ.600
3. சமையல் உதவியாளர் - ரூ.3000-9,000. மத்திய அரசின் பங்கு - ரூ.600
பண்டிகை முன்பணம்
ஒவ்வொரு வருடமும் சத்துணவுப் பணியாளர்களுக்கு பண்டிகை முன்பணமாக ரூ.10,000 வழங்கப்பட்டு வருகிறது. இத்தொகை 10 சம
தவணைகளில் அவர்களுடைய மாத ஊதியத்திலிருந்து பிடித்தம் செய்யப்படும்.
பொங்கல் முன்பணம்
சத்துணவுப் பணியாளர்களுக்கு ஒவ்வொரு ஆண்டிலும் ஜனவரி மாதத்தில் பொங்கல் ஊக்கத்தொகையாக ரூ. 1,000 வழங்கப்படுகிறது.
மலைப் படி மற்றும் குளிர்காலப் படி
மலைப்பகுதிகளில் உள்ள சத்துணவு மையங்களில் பணியாற்றி வரும் சத்துணவுப் பணியாளர்களுக்கு மலைப் படி மற்றும் குளிர்காலப் படி வழங்கப்படுகிறது. வருடம் முழுவதும் மலைப் படியாக அடிப்படை ஊதியத்தில் 20 சதவிகிதமும், குளிர்காலப் படியாக அடிப்படை ஊதியத்தில் 5 சதவிகிதமும் வருடத்தில் 4 மாதங்களுக்கு மட்டும் வழங்கப்படுகிறது.
தற்செயல் விடுப்பு
சத்துணவுப் பணியாளர் அனைவருக்கும் வருடத்திற்கு 12 நாட்கள் தற்செயல் விடுப்பு வழங்கப்படுகிறது.
மகப்பேறு விடுப்பு
மே 2015 முதல் திருமணமான பெண் சத்துணவுப் பணியாளர்களுக்கு 180 நாட்கள் ஊதியத்துடன் கூடிய மகப்பேறு விடுப்பு அனுமதிக்கப்பட்டுள்ளது.
கருணை அடிப்படையிலான பணி நியமனம்
பணியிடையே காலமாகும் சத்துணவு பணியாளர்களது குடும்பத்திலுள்ள தகுதியுடைய பெண் வாரிசுதாரர்களுக்கு அந்தந்த மாவட்ட ஆட்சியரே கருணை அடிப்படையிலான நியமனங்கள் செய்திட பணி அதிகாரம் அளிக்கப்பட்டுள்ளது. விதித்தளர்வு தேவைப்படும் இனங்களுக்கு மட்டும் விண்ணப்பங்கள் அரசிற்கு பரிந்துரை செய்து அரசாணைகள் வெளியிடப்பட்டு வருகிறது.
புதிய மருத்துவக் காப்பீட்டுத் திட்டம்
புதிய சுகாதார காப்பீட்டுத் திட்டத்தின் கீழ் நான்கு தொகுப்பாண்டுகளில் ரூ.5.00 லட்சம் வரை சிறப்பு மருத்துவ சிகிச்சைக்கு அனுமதிக்கப்படுகிறது.
குடும்ப நல நிதி
பணியிடையே காலமான சத்துணவுப் பணியாளர்களின் குடும்பத்திற்கு குடும்ப நல நிதியாக ரூ.5,00,000/- வழங்கப்படுகிறது.
சத்துணவு அமைப்பாளர்களுக்கு வழங்கப்படும் கூடுதல் படி
29.12.2024 வரை சத்துணவு அமைப்பாளர்கள் கூடுதலாக சத்துணவு மையங்களை கண்காணிக்க அவர்களுக்கு நாளொன்றுக்கு ரூ. 20 கூடுதல் பொறுப்புப்படியாக வழங்கப்பட்டு வந்தது. இத்தொகை 30.12.2024 முதல் ரூ.33 ஆக உயர்த்தி வழங்கப்பட்டு வருகிறது. ஒரு மாதம் முழுவதுமாக கூடுதல் பணிபுரிந்து இருந்தால், கூடுதல் பொறுப்புப்படியாக ரூ.1000/- வழங்கப்படும்.
ஓய்வூதியப் பலன்கள்
சமையலர் மற்றும் சமையல் உதவியாளர் ஓய்வு பெறும் வயது 58-ல் இருந்து 60 ஆக உயர்த்தப்பட்டுள்ளது. சத்துணவு பணியாளர்கள் ஓய்வு பெறும்பொழுது ஒட்டு மொத்தத் தொகை வழங்கப்படுகிறது. சத்துணவு அமைப்பாளருக்கு ரூ.1,00,000/-ம் சமையலர் மற்றும் சமையல் உதவியாளருக்கு ரூ.50,000/-ம் 01.10.2017 முதல் வழங்கப்படுகிறது. சிறப்பு ஓய்வூதியமாக ரூ.2000/- மாதம்தோறும் வழங்கப்படுகிறது. மருத்துவ காரணங்களினால் சத்துணவுப் பணியாளர்கள் தன் விருப்ப ஓய்வில் செல்ல அனுமதிக்கப்படுகின்றனர்.
பொது வருங்கால வைப்பு நிதி
சத்துணவுப் பணியாளர்களை 01.08.2015 முதல் பொது வருங்கால வைப்புநிதி திட்டத்தின் கீழ் கொண்டுவரப்பட்டு மாதச் சந்தாவாக அவர்களது அடிப்படை ஊதியத்தில் 12 சதவிகிதம் பிடித்தம் செய்யப்படுகிறது.
சிறப்பு சேம நல நிதி
மாதம் ஒன்றுக்கு ரூ.70 வீதம் சத்துணவுப் பணியாளர்களது ஊதியத்திலிருந்து பிடித்தம் செய்து அவர்கள் ஓய்வு பெறும் போது பிடித்தம் செய்யப்படும் தொகை மற்றும் அத்தொகைக்கு பொது வருங்கால வைப்பு நிதி கணக்கின் கீழ் வழங்கப்படும் வட்டியும் கணக்கிட்டு அரசின் பங்களிப்பாக ரூ.10,000/- சேர்த்து சிறப்பு சேம நல நிதியாக வழங்கப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
