மேட்டுப்பாளையம் அருகே வீட்டு சுவர் இடிந்து விபத்து: 15 பலி!

கோவை மேட்டுப்பாளையம் அருகே இன்று அதிகாலை வீடுகள் இடிந்ததில் 15 பேர் பரிதாபமாக உயிரிழந்துள்ளனர்.

கடந்த சில நாட்களாக கோவை மாவட்டத்தில் மழை பெய்து வருகிறது. இதனால் மேட்டுப்பாளையம் அருகே உள்ள நடூர் கண்ணப்பன் லே-அவுட் பகுதியில் இன்று காலை பாறைகள் உருண்டு கீழே இருந்த வீடுகள் மீது விழுந்தன. இதில் 4 வீடுகளின் சுற்றுச்சுவர் இடிந்து விழுந்தன. 

இந்த விபத்தில், இடிபாடுகளில் சிக்கியுள்ளவர்களை மீட்கும் பணி தற்போது நடைபெற்று வருகின்றது. இந்நிலையில் குழந்தைகள், பெண்கள் உட்பட 15 பேர் சடலமாக மீட்கப்பட்டுள்ளனர். மேலும் மீட்புப் பணிகள் நடைபெறும் இடத்துக்கு மேட்டுப்பாளையம் சட்டமன்ற உறுப்பினர், தாசில்தார், கமிஷ்னர் உள்ளிட்ட அதிகாரிகள் வந்துள்ளனர்.