 "ராமதாஸை சந்திக்க குருமூர்த்தியை அனுப்பியது பாஜகவா? நயினார் நாகேந்திரன் சொன்னது என்ன?")
Tamil Nadu Latest News Updates: வரும் ஜூன் 8ஆம் தேதி அன்று மத்திய உள்துறை அமைச்சர் அமித்ஷா மதுரை ஒத்தக்கடையில் நடைபெறும் மாநில நிர்வாகிகள் சந்திப்பு கூட்டத்தில் பங்கேற்க இருக்கிறார். இதை முன்னிட்டு, அதற்கான முகூர்த்தக்கால் உள்ளிட்ட முன்னேற்பாடு பணிகள் பாஜக மாநில தலைவர் நயினார் நாகேந்திரன் மேற்பார்வையில் இன்று (ஜூன் 6) நடைபெற்றன.
Nainar Nagendran: அமித்ஷா வருகை
இதன் பின்னர் நயினார் நாகேந்திரன் செய்தியாளர்களை சந்தித்தார். அப்போது அமித்ஷா வருகை குறித்து பேசிய அவர், "அமித்ஷா நாளை (ஜூன் 7) இரவு மதுரை வருகிறார். நாளை மறுநாள் (ஜூன் 8) மீனாட்சியம்மன் கோவிலுக்கு சென்று விட்டு மாலையில் நிர்வாகிகள் கூட்டத்தில் பங்கேற்கிறார்" என்றார்.
Nainar Nagendran: குருமூர்த்தியை பாஜக அனுப்பியதா?
தொடர்ந்து, அமித்ஷாவை சந்திக்கிறாரா அன்புமணி என்ற கேள்விக்கு, "அமித்ஷா - அன்புமணி சந்திப்பு குறித்து இதுவரை திட்டம் இல்லை" என்றார். மேலும், ராமதாஸ் - அன்புமணி சமரச பேச்சுவாரத்தைக்கு குருமூர்த்தியை பாஜக அனுப்பியதா என செய்தியாளர்கள் கேட்க, "சமரசம் என்ற வார்த்தையில் எங்களுக்கு நம்பிக்கை உண்டு. குருமூர்த்தி நாட்டில் நல்ல விஷயங்கள் நடக்க வேண்டும் என முயல்கிறார். அவர் ஒரு நலவிரும்பி" என்றார்.
Nainar Nagendran: 'திமுகவுக்கு ஷா என்றால் பயம்'
தொடர்ந்து, அதிமுக - பாஜக கூட்டணியில் பாமக, தேமுதிகவின் நிலை என்ன? என்ற கேள்விக்கு, "பாமக எங்கள் கூட்டணியில் இணையும். தேமுதிகவும் எங்கள் கூட்டணியில் இணையும் என நம்பிக்கை உண்டு" என பதில் அளித்தார். அமித்ஷாவால் தமிழ்நாட்டை ஒன்றும் செய்ய முடியாது என முதல்வரின் விமர்சனம் குறித்த கேள்விக்கு, "திமுகவுக்கு "ஷா" என்றால் பயம். அமித்ஷா தான் மகாராஷ்டிராவில் ஆட்சியை கொண்டு வந்தவர்" என நயினார் நாகேந்திரன் பதிலளித்தார்.
Nainar Nagendran: தேமுதிக, பாமக நிலவரம் என்ன?
திமுகவின் பொதுக்குழு கூட்டமும் மதுரையில் கடந்த வாரம் நடைபெற்ற நிலையில், தற்போது மத்திய அமைச்சர் அமித்ஷாவின் மதுரை வருகை மேலும் முக்கியத்துவம் பெற்றிருக்கிறது. 2026 தமிழ்நாடு சட்டப்பேரவை தேர்தலுக்கு இன்னும் 8 மாதங்களே இருக்கும் சூழலில் ஆளும் திமுக மட்டுமின்றி, முக்கிய எதிர்க்கட்சிகளான அதிமுகவும், பாஜகவும் கூட தேர்தல் பணியை முடுக்கிவிட தொடங்கி உள்ளன.
அந்த வகையில், மத்திய அமைச்சர் அமித்ஷா மதுரையில் நடைபெறும் மாநில நிர்வாகிகள் சந்திப்பு கூட்டத்தில் பங்கேற்று, 2026 சட்டப்பேரவை தேர்தல் பணிகள் குறித்தும், கூட்டணி குறித்தும், வியூகம் குறித்தும் கட்சி நிர்வாகிகளிடம் அமித்ஷா ஆலோசனை மேற்கொள்வார் என தெரிகிறது.
அதிமுக - பாஜக கூட்டணியில் தற்போது எந்தெந்த கட்சிகள் நீடிக்கின்றன என்பதை தெளிவடையவில்லை. பாமகவில் ராமதாஸ் - அன்புமணி பிரச்னோ போய்கொண்டிருக்க, தேமுதிகவோ தனது கூட்டணி முடிவை அடுத்தாண்டு ஜன.9ஆம் தேதி கடலூரில் நடைபெறும் மாநாட்டில்தான் அறிவிக்கும் என தெரிவித்திருப்பது குறிப்பிடத்தக்கது. ஓபிஎஸ், டிடிவி தினகரன் உள்ளிட்டோரின் முடிவுகளும் இன்னும் உறுதியாரவில்லை.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)