 "பாஜகவின் சதி திட்டங்களுக்கு திமுக தடையாக உள்ளது - முதல்வர் முக ஸ்டாலின்!")
ஒன்றியத்தில் ஆட்சியில் இருக்ககூடிய பாஜக சதி திட்டங்களுக்கு முதன்மை தடையாக இருப்பது தமிழகமும் திமுகவும் தான் என்பதால், பல்வேறு வடிவங்களில் திமிகவிற்கு எதிரிகளை உருவாக்குவார்கள், நாடகங்களை நடத்துவார்கள் என ஈரோடு கிழக்குத்தொகுதி இடைத்தேர்தல் வெற்றிக்காக உழைத்த திமுக நிர்வாகிகளுக்கு நன்றி அறிவிப்பு கூட்டத்தில் தமிழக முதல்வர் மு.க.ஸ்டாலின் காணொளி காட்சி மூலம் பேசினார். ஈரோடு கிழக்கு சட்டமன்ற தொகுதியில் திமுக வேட்பாளராக வி.சி.சந்திரகுமார் வெற்றி பெற்ற பணியாற்றிய திமுக பூத் ஏஜென்ட்கள், பூத் லெவல் கமிட்டி மற்றும் திமுக நிர்வாகிகளுக்கு திமுக தலைவரும், தமிழக முதல்வருமான மு.க.ஸ்டாலின் காணொளி காட்சி மூலமாக நன்றி தெரிவித்தல் கூட்டம் ஈரோட்டில் நடைபெற்றது. தமிழக வீட்டுவசதித்துறை அமைச்சர் சு. முத்துசாமி தலைமையில் நடைபெற்றிந்த கூட்டத்தில் 5 ஆயிரத்திற்கும் மேற்பட்ட திமுகவினர் கலந்து கொண்டனர்.
நன்றி அறிவப்பு கூட்டத்தில் பேசிய கிழக்கு சட்டமன்ற உறுப்பினர் வி.சி.சந்திரகுமார், 2016 ல் திமுகவில் இணைந்த பிறகு நம்பிக்கை அளித்து வாய்ப்பு அளித்ததாகவும், வெற்றிக்காக ஒட்டுமொத்த கழகம் வேலை செய்து வெற்றி பெற வைத்துள்ளதாகவும் தெரிவித்த சந்திரகுமார். திமுகவில் இணைந்த பிறகு நையாண்டி பேசியவர்களுக்கு பதிலடியாக நான் இருக்கிறேன் என கூறி போட்டியிட வாய்ப்பு அளித்து, அதன் மூலம் 1 லட்சத்து 15 ஆயிரம் வாக்கு வித்தியாசத்தில் வெற்றி பெற வைத்தற்கு என் சந்த்ததியே கடமைப்பட்டுள்ளதாக தெரிவித்தார்.
முதல்வர் மு.க.ஸ்டாலின் பேச்சு
தொடர்ந்து பேசிய தமிழக முதல்வர் மு.க.ஸ்டாலின், தேர்தல் பொறுத்தவரை திமுக வரலாறு காணாத வெற்றியும், மிக மோசமான தோல்வியையும் சந்தித்து இருப்பதாகவும், பெற்ற வெற்றியால் தலைக்கனம் கொண்டதும் இல்லை என்றும், அடைந்த தோல்விகளால் சோர்வடைந்து முடங்கியதும் இல்லை என்றும் ஒவ்வொரு முறையும் எழுச்சி பெற்று முன்பைவிட வீரியமாக கழகம் செயல்பட உங்களை போன்ற உடன்பிறப்புகள் தான் என்றார்.
திமுக தலைவராக நான் பொறுப்பு ஏற்ற முதல் 2018ம் ஆண்டு உள்ளாட்சி தேர்தல் தொடங்கி ஈரோடு கிழக்கு இடைத்தேர்தல் வரை தொடர் வெற்றி பெற்று வந்து வருவதாகவும் தெரிவித்த மு.க.ஸ்டாலின், தேர்தல் பணி என்பது கடுமையான களப்பணி என்றும் ஒவ்வொரு நாளும் ஒவ்வொரு நிமிடமும் பொதுமக்களை சந்திக்க வேண்டும், பொதுமக்கள் மத்தியில் கொள்கைகள், சாதனை திட்டம் எடுத்து கூறி நன்மதிப்பை பெற்று வாக்குகளாக மாற்ற வேண்டும் என்றும், தேர்தல் நாள் முடிந்து வெற்றி சான்றிதழ் பெறும் வரை உணவு தண்ணீர் குடும்ப, தூக்கம் எதையும் மறந்து விட்டு வுழிப்போடு பணியாற்ற வேண்டும் அப்படி பனியாற்றி வெற்றி பெற்று தந்த உங்களை திமுக தலைவராகவும் தலைமை தொண்டனாக உண்மையில் பெருமைபடுகிறேன் என்றார்.
தந்தை பெரியார் பிறந்த மண்ணில் திமுகவிற்கு மாபெரும் வெற்றி தேடி தந்து, தமிழ் மண்ணில் பிற்போக்கு தனம் வெறுப்பை பேசும் மக்கள் விரோத சக்திகளுக்கும், அவற்றின் கைப்பாவைக்கும் இடம் இல்லை என்று நிருபித்து உள்ளதாகவும், இதற்காக பாடுபட்ட அனைவருக்கும் நன்றி என்றார். திமுக ஆட்சியின் நான்கு ஆண்டு முடிவில் ஈரோடு கிழக்குத்தொகுதி இடைத்தேர்தல் வந்ததால் இந்த தேர்தல் நமது ஆட்சி மீது மக்கள் அளித்த தீர்ப்பாக கருதும் தேர்தலாக பார்க்கப்பட்டதாகவும் இதற்காக நன்றி சொல்ல தான் இந்த நிகழ்ச்சி என்றார்.
இன்னும் ஒரு ஆண்டில் சட்டமன்றத் பொதுத்தேர்தலை சந்திக்க போக உள்ளதாகவும், பொதுத் தேர்தலில் நமது எதிர்கட்சிகள் வெற்றியை பறிக்க எவ்வளவோ நம்மை தரம் தாழ்ந்து பேசுவார்கள் என்றும் ஒன்றியத்தில் ஆட்சியில் இருக்ககூடிய பாஜக சதி திட்டங்களுக்கு முதன்மை தடையாக இருப்பது தமிழகமும் திமுகவும் தான் என்பதால் பல்வேறு வடிவங்களில் எதிரிகளை உருவாக்குவார்கள், நாடகங்களை நடத்துவார்கள். இந்த மாதிரியான நாடகத்தை திமுக 75 ஆண்டுகளுக்கு முன்பு இருந்து பார்த்துக் வந்தவர்கள் தான் நாம் என்பதால் எங்கே எந்த திட்டம் போட்டாலும் முறியடிக்கும் வலிமை நம்மிடம் உள்ளது. அந்த வலிமை தான் நீங்கள் என்றும் உங்கள் போன்று உழைக்கும் கோடிக்கணக்கான உடன்பிறப்புகள் மற்றும் நம் மீது நம்பிக்கை வைத்து வாக்களிக்கும் தமிழ்நாட்டு மக்கள், என்னை பொறுத்தவரை கொள்கை, உழைப்பு, சாதனை நம்புகிறேன் அதற்கு நேர்மையாகவும் தடம் மாறாமல் இருப்பதால் மக்கள் நம்முடன் இருக்கிறார்கள். அந்த மக்களை காக்க தமிழ்நாட்டை தொடர்ந்து முன்னேற்ற 2026ம் ஆண்டு களம் காண்போம் உங்கள் உழைப்பு கொடுங்கள் வரலாற்று காணாத வெற்றியை பெறுவோம் என்றார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)