Tamil Nadu Latest News: நல்ல செய்திகள் விரைவில் வரும். அரசியலுக்கு வயசு கிடையாது. கூட்டணி யாரோடு விரைவில் அறிவிக்கப்படும். 2026 சட்டமன்ற தேர்தலில் ஆட்சி மாற்றம் வரும் என பாமக நிறுவனர் ராமதாஸ் ஆருடம்.
PMK Founder Ramadoss Latest News: பாமக நிறுவனர் ராமதாஸ் மற்றும் மகன் அன்புமணிக்கு இடையிலான உரசலை சரிப்படுத்த தீவிர முயற்சிகள் மேற்கொள்ளப்படும் நிலையில், விரைவில் நல்ல செய்தி வரும் என ராமதாஸ் தெரிவித்துள்ளார். அதாவது நல்ல செய்திகள் விரைவில் வரும். அரசியலுக்கு வயசு கிடையாது. கூட்டணி யாரோடு என்பது விரைவில் அறிவிக்கப்படும் மற்றும் தமிழ்நாட்டில் 2026 சட்டமன்ற தேர்தலில் ஆட்சி மாற்றம் வரும்.. வந்தே தீரும் என பாமக நிறுவனர் ராமதாஸ் தெரிவித்துள்ளார். அதுக்குறித்து பார்ப்போம்.
தனது மூத்த சகோதரி காந்திமதியின் மகன் முகுந்தனுக்கு பதவி தந்ததை பற்றி புதுச்சேரியில் நடைபெற்ற பாமக பொதுக்குழு கூட்ட மேடையில் அன்புமணி ராமதாஸ் விமர்சித்தபோது கட்சிக்குள் நீர்பூத்த நெருப்பாக இருந்த மோதல் பகிரங்கமாக வெடித்தது.
மகனை கட்சி தலைவர் பதவியில் இருந்து நீக்குவதாக ராமதாஸ் அறிவிக்க, அது முதல் வார்த்தை மோதல்கள் தொடர்ந்து வருகின்றன. தந்தை மகன் இடையையான மோதலை சமாதானப்படுத்தும் முயற்சியில் கட்சியின் மூத்த நிர்வாகிகள் ஈடுபட்டுள்ள நிலையில், சென்னை அபிராமபுரத்தில் உள்ள இளையமகள் கவிதா இல்லத்தில் ராமதாசை முகுந்தனும் அவரது தாயாரும் சந்தித்தனர்.
இந்தநிலையில், இன்று சென்னையில் கோட்டூர்புரத்தில் செய்தியாளர்களை சந்தித்த பாமக நிறுவனர் ராமதாஸ் கூறுகையில், "முகுந்தனுக்கு மீண்டும் கட்சியில் பொறுப்பு தருவது குறித்து தற்போது எதுவும் தெரிவிக்க முடியாது என்றார். தொடர்ந்து பேசிய அவர் நாட்டை முன்னேற்றுவதற்காக உழைக்கும் பிரதமர் மோடிக்கும் அமித் ஷாவுக்கும் வாழ்த்துக்களை தெரிவித்துக் கொள்வதாக கூறினார். இப்பொழுது இருக்கிற பிரைம் மினிஸ்டர் மரியாதைக்குரிய மோடி அவர்கள் எனக்கு நெருங்கிய நண்பர். இவர் (அமித் ஷா) ஹோம் மினிஸ்டர் அவர் நான் சந்தித்ததில்லை. ஆனாலும் அவரைப் பற்றி கேள்விப்பட்டிருக்கிறேன்.
மேலும் தொடர்ந்து பேசிய அவர், நல்ல செய்திக்காக காத்திருப்பதாக கூறினார். நல்ல செய்திகள் உங்களுடைய வாழ்த்துக்களோடு விரைவில் வரும். அந்த நாளுக்காக நீங்கள் நீங்களும் நானும் காத்திருக்கலாம். விரைவில் வரும். ஆனா இங்கிருந்து வருமா? தோட்டத்தில இருந்து வருமா? என்பது தெரியாது. எனக்கும் தெரியாது. உங்களுக்கும் தெரியாது என்றார்.
நேற்று பல் மருத்துவரை சந்தித்து சிகிச்சை பெற்றேன். இன்று கண் மருத்துவரை சந்திக்க உள்ளேன். தைலாபுரம் தோட்டத்தில் வழக்கமாக வியாழக்கிழமை செய்தியாளர்களை சந்திப்பது வழக்கம். அது போல் வரும் வியாழக்கிழமை செய்தியாளர்களை சந்திக்கிறேன் என்றார்.
மேலும் வயது என்பது வெறும் எண்தான் என்றும், அரசியலுக்கு வயது ஒன்றும் தடை இல்லை என்றார். அரசியலுக்கு வயசு கிடையாதுன்னு சொல்லுவார்கள் என்றார்.
அன்புமணி தன்னை சந்தித்தபோது என்ன பேசிக்கொண்டோம் என்பது பற்றி எல்லாம் கூற முடியாது என்றும் ராமதாஸ் தெரிவித்தார்.
தந்தை மகன் இடையே சமரச முயற்சிகள் தீவிரமாகி உள்ள நிலையில், இரு தரப்பிலும் சமூக வலைத்தல பக்கங்களில் இருந்து பதிவுகளை நீக்கி வருகின்றன என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)