 "Karur Stampede: கரூரில் தொடரும் மரணம்... பலி எண்ணிக்கை 40 ஆக உயர்வு")
Karur Stampede Death Count: கரூரில் நேற்று நடைபெற்ற விஜய்யின் பிரச்சாரக் கூட்டத்தின் போது ஏற்பட்ட கூட்ட நெரிசலில் சிக்கி சிகிச்சை பெற்று வந்த கவின் (34) என்பவர் சிகிச்சை பலனின்றி உயிரிழந்துள்ளார். இதனால் பலி எண்ணிக்கை 40 ஆக உயர்ந்துள்ளது.
Karur Stampede: அதிகரித்த உயிரிழப்பு
கரூரில் தமிழக வெற்றிக் கழகத்தின் தலைவர் விஜய் நேற்று மக்கள் சந்திப்பு நிகழ்வை நடத்தினார். இந்த பிரச்சார நிகழ்வில் அளவுக்கு அதிகமான கூட்டம் வந்ததை தொடர்ந்து அங்கு கடும் கூட்டநெரிசல் ஏற்பட்டுள்ளது. கூட்டநெரிசலில் சிக்கி நூற்றுக்கணக்கானோர் உடனடியாக மருத்துவமனைக்கு கொண்டுச் செல்லப்பட்டனர். பலரும் அரசு மருத்துவமனையில் அனுமதிக்கப்பட்ட நிலையில், தனியார் மருத்துவமனையிலும் பலர் அனுமதிக்கப்பட்டனர்.
அந்த வகையில், பாதிக்கப்பட்டவர்களுக்கு ஆறுதல் கூறும் வகையில் முதலமைச்சர் ஸ்டாலின் இன்று அதிகாலை கரூர் வந்தார். தொடர்ந்து உயிரிழந்தவர்களின் உடலுக்கு அஞ்சலி செலுத்திய அவர், பாதிக்கப்பட்டு மருத்துவமனையில் சிகிச்சையில் இருந்த ஒவ்வொருவரிடமும் ஆறுதல் கூறினார். மேலும் 39 பேர் உயிரிழந்திருப்பதாகவும், அதில் 13 பேர் ஆண்கள், 17 பேர் பெண்கள், 4 ஆண் குழந்தைகள், 5 பெண் குழந்தைகள் என அடக்கம் என முதல்வர் தெரிவித்தார்.
Karur Stampede: உடல்கள் ஒப்படைக்கப்பட்டன
மேலும், 26 ஆண்கள், 25 பெண்கள் என 51 பேர் தீவிர சிகிச்சை பிரிவில் இருப்பதாகவும் தெரிவிக்கப்பட்டது. இந்நிலையில், சிகிச்சையில் இருந்து வந்த கவின் என்பவர் தற்போது உயிரிழந்திருப்பதாக தெரிவிக்கப்பட்டுள்ளது. இதன்மூலம் பலி எண்ணிக்கை 40 ஆக உயர்ந்துள்ளது. மேலும் உயிரிழந்த அனைவரின் உடலும் அடையாளம் காணப்பட்டு உடற்கூராய்வு பரிசோதனை நடத்தப்பட்டுள்ளது. இதுவரை அனைத்து உடல்களும் அவர்களின் குடும்பத்தினரிடம் ஒப்படைக்கப்பட்டது. கவினின் உடற்கூராய்வு தற்போது நடைபெற்று வருகிறது.
Karur Stampede: நிவாரணம் அறிவிப்பு
இதுவரை உயிரிழந்தவர்களின் குடும்பத்தினருக்கும், காயமடைந்து சிகிச்சையில் இருப்பவர்களுக்கும் மத்திய, மாநில மற்றும் தவெக தரப்பில் இருந்து நிவாரணம் அறிவிக்கப்பட்டுள்ளது. தமிழ்நாடு அரசு சார்பில் உயிரிழந்தவர்களின் குடும்பத்தினருக்கு ரூ.10 லட்சம் மற்றும் சிகிச்சையில் இருப்போருக்கு ரூ.1 லட்சம் அறிவிக்கப்பட்டுள்ளது. மத்திய அரசு சார்பில் உயிரிழந்தவர்களின் குடும்பத்தினருக்கு ரூ.2 லட்சம் மற்றும் சிகிச்சையில் இருப்போருக்கு ரூ.50 ஆயிரம் அறிவிக்கப்பட்டுள்ளது. தவெக சார்பில் சார்பில் உயிரிழந்தவர்களின் குடும்பத்தினருக்கு ரூ.20 லட்சம் மற்றும் சிகிச்சையில் இருப்போருக்கு ரூ.2 லட்சம் அறிவிக்கப்பட்டுள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)