 "நாட்டில் அதிக குற்றம் நடக்கும் மாநிலங்கள் லிஸ்ட்... எந்த இடத்தில் தமிழ்நாடு?")
Highest crime rate states in india: இந்தியாவில் 28 மாநிலங்கள்மற்றும் 8 யுனியன் பிரதேசங்கள் உள்ளன். இதில் ஒவ்வொரு மாநிலங்களும் தங்களுக்கென உரித்தான மொழி மற்றும் கலாச்சாரத்தை கொண்டுள்ளன. மக்கள் தொகையை எடுத்துக்கொண்டால் உலக அளவிலேயே நம் நாடு இரண்டாவது இடத்தில் உள்ளது. சுமார் 140 கோடி மக்களுக்கு மேல் இந்தியாவில் உள்ளனர். அதிக மக்கள் தொகையை கொண்டிருக்கும்போது அதில் அதிக சவால்களும் நிறைந்திருக்கின்றன. இப்படி அதிக மக்கள் தொகை கொண்ட நாடுகளில் மக்களை வழிநடத்தும் அரசு என்னதான் பாதுகாப்பை உறுதி செய்தாலும், சில நேரங்களில் கையை மீறிய குற்றங்கள் நடந்துகொண்டுதான் இருக்கிறது. இந்த நிலையில், இந்தியாவில் குற்றங்கள் அதிகம் நடக்கும் டாப் 10 மாநிலங்கள் எவை என்பது குறித்து தான் இங்கு பார்க்கப்போகிறோம்.
டாப் 10 மாநிலங்கள்
இந்த பட்டியலின் முதல் இடத்தில் உத்தரபிரதேச மாநிலம் உள்ளது. இம்மாநிலத்தின் குற்ற விகிதம் 7.4ஆக உள்ளது. மதம் சம்பந்தப்பட்ட மோதல், கொலை, திருட்டு உள்ளிட்ட குற்ற சம்பவங்கள் இங்கு அதிகம் நடக்கின்றன. 20 கோடிக்கு மேல் இங்கு மக்கள் தொகை உள்ளதால், இம்மாநிலம் முதல் இடத்தில் இருக்கலாம்.
பட்டியலின் இரண்டாவது இடத்தில் அருணாச்சல பிரதேசம் உள்ளது. குற்ற விகிதம் 5.8 ஆக உள்ளது. இம்மாநிலத்தில் 13 லட்சத்திற்கும் மேற்பட்ட மக்களே வசிக்கின்றனர். இருப்பினும் அதிக குற்றம் நடக்கும் மாநில பட்டியலில் அருணாச்சல பிரதேசம் 2வது இடத்தில் உள்ளது.
இதனைத்தொடர்ந்து 3வது இடத்தில் ஜார்கண்ட் மாநிலம் உள்ளது. இங்கு குற்ற விகிதம் 5.3 ஆக உள்ளது. இம்மாநிலத்தில் 4 கோடிக்கு மேற்பட்ட மக்கள் வசிக்கின்றனர்.
இந்த பட்டியலின் 4வது இடத்தில் மேகாலயா உள்ளது. குற்ற விகிதம் 5.1 ஆக உள்ளது. இம்மாநிலத்தில் பழங்குடியினர் வசிக்கும் பகுதிகளில் அதிக குற்ற சம்பவங்கள் நடைபெறுவதாக கூறப்படுகிறது.
5வது இடத்தில் இந்தியாவின் தலைநகர் டெல்லி உள்ளது. இங்கு குற்ற விகிதம் 5 ஆக உள்ளது. இதையடுத்து 6வது இடத்தில் அசாம் மாநிலம் உள்ளது. 3 கோடிக்கு மேல் வசிக்கும் இம்மாநிலத்தின் குற்ற விகிதம் 4.4 ஆக உள்ளது.
தமிழ்நாட்டிற்கு எத்தனையாவது இடம்?
இதையடுத்து 7வது இடத்தில் சத்தீஸ்கரும் 8வது இடத்தில் ஹரியானா மாநிலமும் உள்ளன. இம்மாநிலங்களின் குற்ற விகிதம் முறையே 4 மற்றும் 3.8ஆக உள்ளது. சத்தீஸ்கரின் மாவோயிஸ்ட் கிளர்ச்சி, மோசமான நீதித்துறை செயல்பாடு உள்ளிட்டவை நிறைந்த மாநிலமாக உள்ளது.
இறுதியாக 9வது இடத்தில் ஓடிசாவும் 10வது இடத்தில் ஆந்திர பிரதச மாநிலமும் உள்ளன. குற்ற விகிதம் முறையே 3.8 மற்றும் 3.6 ஆக உள்ளது. அதிக குற்றம் நடக்கும் மாநில பாட்டியலை பொறுத்தவரையில் தமிழ்நாடு 14வது இடத்தில் உள்ளது என்பது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)