Tamilnadu LIVE Today : சென்னை இரண்டு நாள் பயணமாக வந்திருக்கும் மத்திய உள்துறை அமைச்சர் அமித்ஷா, இன்று தமிழக பாஜக தலைவர்களுடன் ஆலோசனை நடத்துகிறார். குறிப்பாக புதிய பாஜக தலைவராக நயினார் நாகேந்திரன் தேர்வு செய்யப்பட வேண்டும் என்பதை அறிவுறுத்தும் அவர், வரும் சட்டமன்ற தேர்தலில் பாஜக கூட்டணியில் இடம்பெறும் கட்சிகள் குறித்து ஆலோசனை நடத்துகிறார். முக்கியமாக அதிமுக உள்ளிட்ட கட்சி பிரதிநிதிகளை சந்தித்து பேசவும் திட்டமிட்டிருக்கிறார். இந்த சூழலில் பாமக உட்கட்சி பிரச்சனை வெடித்துள்ளது. அன்புமணி ராமதாஸ் பாஜக கூட்டணியை விரும்பும் நிலையில், மருத்துவர் ராமதாஸ் திமுக கூட்டணிக்கு செல்ல விரும்கிறார். இதனால் தமிழ்நாடு அரசியலில் பாமகவின் அடுத்தடுத்த நகர்வுகள் உன்னிப்பாக கவனிக்க வைத்துள்ளது.
தமிழ்நாடு வனத்துறை அமைச்சராக இருக்கும் பொன்முடி, திமுக கட்சி நிகழ்ச்சியில் பேசும்போது மிகவும் ஆபாசமாக அருவறுக்கதக்க வகையில் பேசியுள்ளார். இதனை திமுக மகளிர் அணி தலைவியும், தூத்துக்குடி மக்களவை உறுப்பினருமான கனிமொழி கடுமையாக கண்டித்த நிலையில், அவரை துணைப் பொதுச்செயலாளர் பதவியில் இருந்து நீக்கியுள்ளார் திமுக தலைவர் மு.க.ஸ்டாலின். ஐபிஎல் தொடரில் சென்னை சூப்பர் கிங்ஸ் அணியின் கேப்டன் பொறுப்பை எம்எஸ் தோனி மீண்டும் ஏற்றுள்ளார். காயம் காரணமாக கேப்டன் ருதுராஜ் கெய்க்வாட் ஐபிஎல் தொடரில் இருந்து விலகியதால் தோனியிடம் மீண்டும் கேப்டன்சி வந்துள்ளது. இதுதவிர இன்றைய நாளின் முக்கிய செய்திகளின் அப்டேட்டுகளை இங்கே தெரிந்து கொள்ளுங்கள்....
