Tamilnadu LIVE Today : தமிழ்நாடு வாக்கு வங்கிக்காக மொழிப்பிரச்சனையை கையில் எடுத்திருப்பதாகவும், வெறுப்பு பிரச்சாரம் செய்வதாகவும் உத்தரப்பிரதேச முதலமைச்சர் யோகி ஆதித்யநாத் குற்றம்சாட்டிய நிலையில், அவருக்கு தமிழ்நாடு முதலமைச்சர் மு.க.ஸ்டாலின் பதிலடி கொடுத்துள்ளார். வெறுப்பு குறித்தெல்லாம் யோகி ஆதித்யநாத் பேசுவது அரசியலின் உட்சக்கட்ட அவல நகைச்சுவை என்றும் முதலமைச்சர் மு.க.ஸ்டாலின் விமர்சித்துள்ளார். அதிமுக பொதுச்செயலாளர் எடப்பாடி பழனிசாமி டெல்லி சென்று உள்துறை அமைச்சர் அமித் ஷாவை சந்தித்து வந்த நிலையில், தமிழ்நாடு பாஜக தலைவர் அண்ணாமலை டெல்லி சென்றுள்ளார். அதிமுக - பாஜக கூட்டணி தொடர்பாக சில அறிவுரைகளை கட்சி தலைமை அவருக்கு வழங்கலாம் என கூறப்படுகிறது. ஐபிஎல் இன்றைய போட்டியில் லக்னோ மற்றும் சன்ரைசர்ஸ் அணிகள் ஹைதராபாத்தில் மோதுகின்றன. இது தவிர இன்றைய நாளின் மிக முக்கிய செய்திகளின் அப்டேட்டுகளை இங்கே தெரிந்து கொள்ளுங்கள்...
