Tamilnadu LIVE Today : தொகுதி மறுவரையறையை எதிர்த்து போராடி வரும் திமுக எம்பிகள் மாநிலங்களவைக்குள் தமிழ்நாடு வெல்லும் தமிழ்நாடு போராடும் என்ற வாசங்கள் அடங்கிய டீசர்ட் அணிந்து சென்றனர். இது அவை மரபை மீறியதாக குற்றம்சாட்டப்பட்டுள்ள நிலையில் 10 திமுக எம்பிக்களை சஸ்பெண்ட் செய்ய மாநிலங்களவை செயலகம் பரிசீலித்து வருவதாக தகவல் வெளியான நிலையில் இன்று வழக்கம்போல் திமுக எம்பிக்கள் நாடாளுமன்ற அவை நடவடிக்கைகளில் பங்கேற்றனர். தமிழ்நாடு சட்டப்பேரவையில் அதிமுகவுக்கு அமைச்சர் தங்கம் தென்னரசு அறிவுரை கூறினார். அதிமுகவின் கணக்குகளை மிகவும் சாணக்கியத்தனத்தோடு யாரே எங்கோ உட்கார்ந்து கொண்டு போடுவதாக அவர் கூறிய நிலையில், நாங்கள் யார் கணக்குக்கும் சிக்க மாட்டோம் என அதிமுக முன்னாள் அமைச்சர் தங்கமணி பதில் அளித்தார். உடனே எழுந்து பேசிய முதலமைச்சர் ஸ்டாலின், யாருடைய கணக்கிலும் சிக்காமல் இருந்தால் வாழ்த்துகள் என கூறினார். இதனால் சட்டப்பேரவையில் சிரிப்பலை ஏற்பட்டது.
