Tamilnadu LIVE Today : தமிழ்நாட்டில் அடுத்தாண்டு வர இருக்கும் சட்டப்பேரவை தேர்தலில் அதிமுக - பாஜக கூட்டணி அமைத்து போட்டியிடுகிறது. சென்னை வந்த அமித் ஷாவை சந்தத்து கூட்டணி அதிமுக பொதுச்செயலாளர் எடப்பாடி பழனிசாமி உறுதி செய்தார். இதனைத் தொடர்ந்து எடப்பாடி பழனிசாமி வீட்டுக்கு நேரடியாக சென்று இரவு விருந்தில் அமித் ஷா பங்கேற்றார். அதிமுக கூட்டணி குறித்து பிரதமர் நரேந்திர மோடி மகிழ்ச்சி தெரிவித்துள்ளார். தமிழ்நாட்டை இந்தக் கூட்டணி வளர்ச்சிப் பாதைக்கு அழைத்துச் செல்லும் என்று கூறியுள்ளார். அதிமுக, பாஜகவுடன் கூட்டணி அமைத்து தமிழ்நாட்டு மக்களுக்கு துரோகம் செய்திருப்பதாக நாடாளுமன்ற உறுப்பினர் கனிமொழி கடுமையாக விமர்சித்துள்ளார். அழுத்தம் காரணமாகவே அதிமுக, பாஜகவுடன் கூட்டணி அமைத்திருப்பதாக திருமாவளவன் கூறியுள்ளார்,
இதனிடையே தமிழ்நாடு பாஜக தலைவராக நயினார் நாகேந்திரன் தேர்வு செய்யப்பட்டுள்ளார். இதுவரை தமிழ்நாட்டு பாஜக தலைவராக இருந்த அண்ணாமலை பாஜகவின் மத்திய பொறுப்புக்கு மாற்றப்படுவார் என மத்திய உள்துறை அமைச்சர் அமித்ஷா தெரிவித்துள்ளார். சென்னை சேப்பாக்கத்தில் நடைபெற்ற ஐபிஎல் போட்டியில் கொல்கத்தா அணிக்கு எதிரான போட்டியில் சென்னை சூப்பர் கிங்ஸ் அணி தோல்வியை தழுவியது. இந்த தொடரில் இதுவரை 5 தோல்விகளை சந்தித்திருப்பதால் எதிர்வரும் 7 போட்டிகளில் 6ல் வென்றால் மட்டுமே பிளே ஆப் சுற்றுக்கு சிஎஸ்கே தகுதி பெறமுடியும். இதுதவிர இன்றைய நாளின் முக்கிய அப்டேட்டுகளை இங்கே தெரிந்து கொள்ளுங்கள்
