காக்கைக்கு கையில் வடை தரும் டீக்கடைக்காரர்! வைரலாகும் வீடியோ!

நாமக்கல் மாவட்டம் ராசிபுரம் பட்டணம் சாலையில் டீக்கடை நடத்தி வருபவர் சுப்பிரமணி. இவர் கடந்த 10 ஆண்டுகளுக்கும் மேலாக அப்பகுதியில் டீக்கடை நடத்தி வருகிறார். தினமும் கடைகளில் பலகாரம் மற்றும் டீ உள்ளிட்ட பொருட்களை வைத்து விற்பனை செய்து வருகிறார். கடையில் போடப்படும் பலகாரத்தை முதலில் காக்கைக்கு வைத்த பிறகுதான் விற்பனை செய்யவே தொடங்குவாராம். இந்த நிலையில் அவரது கடைக்கு தினம் தோறும் வாடிக்கையாக ஒரு காக்கை வருவதாக கூறப்படுகிறது. 

மேலும் பலகாரத்தை கீழேயோ அல்லது கடையின் மேல் கூரையிலே வைத்தான் காகம் உண்பது இல்லை அவரது கையாலே கொடுத்தால் மட்டுமே காகம் சாப்பிடுவதாக டீக்கடை உரிமையாளர் சுப்பிரமணி கூறுகிறார். இந்த நிலையில்  காக்கைக்கு பலகாரத்தை தனது கைகளால் கொடுத்து காகம் உண்ணும் காட்சி சமூக வலைதளங்களில் தற்போது வைரலாக பரவி வருகிறது.