 "ரூ.2,500 பொங்கல் பரிசு... தீபாவளிக்கு இலவச சேலை - எடப்பாடியின் தேர்தல் பிராமிஸ்")
)
Edappadi Palanisamy Election Promises: 2026ஆம் ஆண்டில் தமிழ்நாட்டில் சட்டப்பேரவை தேர்தல் (2026 Tamil Nadu Assembly Election) நடைபெற உள்ளது. தேர்தலுக்கு இன்னும் 8-9 மாதங்களே இருக்கும் நிலையில் தற்போதே தேர்தல் களம் சூடுபிடித்துவிட்டது எனலாம்.
குறிப்பாக, கடந்த ஏப்ரல் மாதமே பிராதன எதிர்க்கட்சியான அதிமுக, பாஜக உடன் மீண்டும் கூட்டணி வைப்பதாக அறிவித்தது. 2021 சட்டப்பேரவை தேர்தல் மற்றும் உள்ளாட்சி தேர்தல்களை அதிமுக பாஜக உடன் இணைந்தே சந்தித்தது. ஆனால், 2024 மக்களவை தேர்தலின் முன் இந்த கூட்டணி உடைந்தது. தொடர்ந்து பல்வேறு மட்டங்களில் பேச்சுவார்த்தை நடத்தப்பட்டு, அண்ணாமலை தமிழக பாஜக தலைவர் பதவியில் இருந்து இறங்கி நயினார் நாகேந்திரன் அந்த பதவிக்கு வந்ததும் அதிமுக - பாஜக (AIADMK BJP Alliance) உறுதிசெய்யப்பட்டது.
Edappadi Palanisamy: டெல்டாவில் இபிஎஸ்
அந்த வகையில், அதிமுக பொதுச்செயலாளரும், எதிர்க்கட்சித் தலைவருமான எடப்பாடி பழனிசாமி (Edappadi Palanisamy) 'மக்களைக் காப்போம், தமிழகத்தை மீட்போம்' என்ற பெயரில் சுற்றுப்பயணம் மேற்கொண்டு வருகிறார். நேற்று அவர் தஞ்சாவூர் மாவட்டத்தில் சுற்றுப்பயணம் மேற்கொண்டார். தஞ்சை, பாபநாசம், திருவையாறு, ஒரத்தநாடு, பட்டுக்கோட்டை உள்ளிட்ட சட்டப்பேரவை தொகுதிகளில் மக்கள் மத்தியில் உரையாற்றினார்.
அந்த வகையில், தஞ்சாவூரில் பேசிய இபிஎஸ், "டெல்டா மாவட்டத்தின் கோட்டையாக அதிமுக உள்ளது. டெல்டா மாவட்ட விவசாயிகளுக்கு ஏராளமான திட்டங்கள் அதிமுக ஆட்சியில் நிறைவேற்றப்பட்டது. திமுக ஆட்சியில்தான் மீத்தேன் , ஹைட்ரோ கார்பன் திட்டம் போட்டு ஏமாற்ற பார்த்தார்கள், விவசாய நிலத்தை பறிக்க பார்க்கிறார்கள்.
அதிமுக அரசு மத்திய அரசை தொடர்பு கொண்டு டெல்டாவை பாதுகாக்கப்பட்ட வேளாண் மண்டலமாக கொண்டு வந்தோம். வேற எந்த தொழிற்சாலையும் இனி இங்கு வராது, இதற்கு திமுக திராணி இருந்தால் பதில் சொல்ல வேண்டும். தஞ்சை மாவட்டம் வடசேரி பகுதியில் நிலக்கரி சுரங்கம் அமைக்க முயற்சி எடுத்தது, அதிமுக எதிர்ப்பால் அந்த திட்டம் கைவிடப்பட்டது.
Edappadi Palanisamy: 'திமுக குடும்ப ஆட்சிக்கு முற்றுப்புள்ளி'
விவசாயிகளுக்கு நிறைய திட்டங்கள் கொண்டு வந்தோம், மும்முனை மின்சாரம், காப்பீட்டு திட்டம், குடிமராமத்து திட்டம், தடுப்பணை என கொண்டு வரப்பட்டது. நான் ஒரு விவசாயி, ஏன் ஒரு விவசாயி நாட்டை ஆளக்கூடாதா, இது என்ன குடும்ப சொத்தா, தமிழ்நாடு திமுகவிற்கு பட்டா போட்டு உள்ளதா? யார் வேண்டுமானாலும் அதிமுகவில் பதவிக்கு வரலாம். குடும்பக் கட்சி கிடையாது, திமுக மன்னர் ஆட்சியாக உள்ளது. திமுக குடும்பத்திற்கு முற்றுப்புள்ளி வைக்கும் வகையில் வரும் 2026 தேர்தல் இருக்க வேண்டும்.
சோழ நாட்டின் பெருமைகளை ஏந்தி நிற்கும் வளமிகு தஞ்சை மாநகரை வந்தடைந்தேன்.
— Edappadi K Palaniswami-SayYEStoWomenSafety&AIADMK (@EPSTamilNadu) July 22, 2025
அஇஅதிமுக கூட்டணி குறித்து திமுக-வும், அதன் கூட்டணி கட்சிகளும் மாறி மாறி விமர்சனங்களை வைக்கின்றன.
ஆனால் உண்மை என்ன தெரியுமா? திமுக சொல்வதற்கெல்லாம் "தலையாட்டி பொம்மை"களாக இருப்பது அங்குள்ள கூட்டணி கட்சிகள்… pic.twitter.com/4xMAWfALgD
திமுகவில் உழைத்தவர்கள் ஓரம்கட்டப்பட்டுவிட்டார்கள். திமுகவில் உதயநிதி முதல் இன்பநிதி வரை சென்றுவிட்டனர். வாரிசு அரசியல் தேவையா? பாஜகவுடன் அதிமுக கூட்டணி என்று கூறுகின்றனர், ஏன் கூட்டணி வைத்தால் என்ன தப்பு? விருப்பப்பட்டு தான் கூட்டணி வைக்கிறோம். பாஜக உடன் கூட்டணி வைத்ததில் இருந்து ஸ்டாலின் அப்செட் ஆகிவிட்டார். திமுகவிற்கு பயம், தேர்தல் ஜுரம் வந்துவிட்டது.
Edappadi Palanisamy: 'மக்கள் செல்வாக்கு குறைந்துவிட்டது'
திமுகவுடன் உள்ள கூட்டணி கட்சிகள் ஜால்ரா அடிக்கின்றனர், திமுக நீட் தேர்வை ரத்து செய்வோம், என முதல் கையெழுத்து போடும் என சொன்னார்கள். ஆனால் நீட் தேர்வை ரத்து செய்வோம் என்று சொல்லி 4 வருடம் ஆகிவிட்டது, மாணவர்கள் பெற்றோர்களை ஏமாற்றி ஓட்டு பெற்றனர், இதுவரை நீட் ரத்து செய்யப்படவில்லை.
அதிக கடன் வாங்குவதில் தமிழ்நாடு என்ற பெயர்தான் திமுகவின் சாதனை, அதிமுகவின் திட்டத்தை நிறுத்தியது தான் திமுகவின் சாதனை, மக்கள் செல்வாக்கு குறைந்துவிட்டது, உறுப்பினர் குறைந்துவிட்டனர், அதனால்தான் வீடு வீடாக சென்று உறுப்பினர் சேர்க்கையில் ஈடுபடுகின்றனர், கழுதை தேய்ந்து கட்டெறும்பு ஆகிவிட்டது திமுக" என்றார்.
Edappadi Palanisamy: பொங்கல் பரிசு, தீபாவளிக்கு சேலை
ஒரத்தநாட்டில் இபிஎஸ் பேசியபோது, "அதிமுக ஆட்சிக்கு வந்தால் மீண்டும் பொங்கல் பரிசு 2,500 ரூபாய் ஆக வழங்கப்படும். அதேபோல், தீபாவளி பண்டிகைக்கு பெண்களுக்கு தரமான இலவச சேலை வழங்கப்படும்" என வாக்குறுதி அளித்தது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
