 "ரேஷன் கார்டில் பிரச்சனை இருக்கா? கரூர் மக்களுக்கு முக்கிய செய்தி")
Ration Card : தமிழ்நாடு முழுவதும் அனைத்து அரசு திட்டங்களுக்கும் மிக முக்கிய ஆவணமாக இருப்பது ரேஷன் கார்டு. இதில் பெயர், பிறந்த தேதி, குடும்ப உறுப்பினர்கள் பெயர் எல்லாம் சரியாக இருந்தால் எந்த அரசு திட்டங்களுக்கும் விண்ணப்பிக்கலாம். ஒருவேளை பெயர் மாற்றம் உள்ளிட்ட ஏதேனும் தகவல்கள் சரி செய்ய வேண்டி இருந்தால் மாதந்தோறும் ஒவ்வொரு மாவட்டத்திலும் நடக்கும் ரேஷன் கார்டு சிறப்பு குறைதீர் முகாமில் கலந்து கொண்டு அதனை தீர்த்துக் கொள்ளலாம். அந்தவகையில், கரூர் மாவட மக்களுக்கு இது தொடர்பான முக்கிய அறிவிப்பு வெளியாகியுள்ளது.
கரூர் மாவட்டத்தில் பொது விநியோகத்திட்டத்தின் மக்கள் குறைதீர் நாள் கூட்டம் 12.07.2025 ஆம் தேதி நடக்க உள்ளது. இந்த முகாமில், குடும்ப அட்டைகளில் பெயர் சேர்த்தல், பெயர் நீக்கல், பெயர் திருத்தம், புதிய குடும்ப அட்டை கோருதல், கைபேசி எண் பதிவு மற்றும் பொது விநியோக கடைகளின் செயல்பாடுகள் மற்றும் அத்தியாவசிய பொருட்களின் தரம் குறித்த புகார்கள் தெரிவிக்கலாம். மேலும், தனியார் சந்தையில் விற்கப்படும் பொருட்கள் மற்றும் சேவை குறைபாடுகள் குறித்த புகார்களை நுகர்வோர் பாதுகாப்புச்சட்டம் 2013-இன் படி மேற்கொள்ள பொது விநியோகத்திட்டத்தின் சேவைகளை அனைத்து தரப்பு மக்களுக்கும் வழங்க குறை நிவர்த்தி செய்து கொள்ளலாம்.
இந்தக் கூட்டம் காலை 10.00 மணி முதல் 1.00 மணி வரை கரூர், அரவக்குறிச்சி, மண்மங்கலம், புகளூர், குளித்தலை, கிருஷ்ணராயபுரம் மற்றும் கடவூர் வட்ட வழங்கல் அலுவலகங்களில் சம்பந்தப்பட்ட வட்ட வழங்கல் அலுவலர் தலைமையில் நடைபெற உள்ளது. எனவே, பொதுமக்கள் மேற்படி குறைதீர்க்கும் நாள் கூட்டத்தில் கலந்து கொண்டு பொது விநியோகத்திட்டம் மற்றும் நுகர்வோர் பாதுகாப்புச்சட்டம் -2013 தொடர்பான தங்களது குறைகளுக்கு தீர்வு செய்து கொள்ளுமாறு கேட்டுக் கொள்ளப்பட்டுள்ளது.
அதேநேரத்தில், நேரடியாக செல்ல முடியாதவர்கள் டிஎன்பிடிஎஸ் தளத்தில் ஆன்லைன் முறையிலும் விண்ணப்பிக்கலாம். டிஎன்பிடிஎஸ் (TNPDS) தளத்துக்கு சென்றால் மின்னணு அட்டை தொடர்பான சேவைகள் என்ற ஆப்சன் இருக்கும். அதில் உறுப்பினரை சேர்க்க, முகவரி மாற்றம் செய்ய, குடும்பத் தலைவர் மாற்றம் செய்ய, குடும்ப உறுப்பினர் நீக்க ஆகிய ஆப்சன்கள் இருக்கும். அதில் உங்களுக்கு தேவையான ஒன்றை கிளிக் செய்தால், ரேஷன் கார்டுடன் இணைக்கப்பட்ட மொபைல் எண் கேட்கும். அதனை உள்ளிட்டால் ஓடிபி வரும். மொபைலுக்கு வந்த ஒடிபிஐ உள்ளிட்டு லாகின் செய்தீர்கள் என்றால் உங்களுக்கான சேவை மாற்றத்தை அங்கே செய்து கொள்ளலாம்.
குறைதீர் நாள் கூட்டத்தில் விண்ணப்பிக்கும்போது அதிகாரிகளை நேரில் சந்திக்கக்கூடிய வாய்ப்பு உள்ளது என்பதால் தீர்வு உடனடியாக கிடைக்கும். ஆன்லைன் என்றால் ஒரு சில வாரங்கள் ஆகலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)