Tamil Nadu 10th, 12th Result 2025 Date : தமிழ்நாட்டில் 10,12 ஆம் வகுப்பு பொதுத்தேர்வு முடிவுகள் வெளியாகும் தேதிகள் குறித்த முக்கிய அப்டேட் வெளியாகியுள்ளது.
)
Tamil Nadu 10th, 12th Result 2025 Date : தமிழ்நாட்டில் 10 ஆம் வகுப்பு பொதுத்தேர்வு மற்றும் 12 ஆம் வகுப்பு பொதுத்தேர்வுகள் முடிவடைந்து மாணவ, மாணவிகள் தேர்வு முடிவுகளுக்காக காத்திருக்கின்றனர். இந்த சூழலில் 10 ஆம் வகுப்பு பொதுத்தேர்வு (SSLC Exam Results 2025, 10th Exam Results 2025) முடிவுகள் வெளியாகும் தேதி குறித்தும், 12 ஆம் வகுப்பு பொதுத்தேர்வு (12th Exam Results 2025) குறித்தும் முக்கிய அப்டேட் வெளியாகியுள்ளது. மாணவர்கள் எதிர்பார்க்கும் பொதுத்தேர்வு முடிவுகள் மே முதல் மற்றும் இரண்டாம் வாரத்தில் வெளியாகும் என எதிர்பார்க்கப்படும் நிலையில், தமிழ்நாடு 10, 12 ஆம் வகுப்பு பொதுத்தேர்வு முடிவுகள் வெளியாகும் குறிப்பிட்ட தேதி குறித்த தகவல்களை இங்கே தெரிந்து கொள்ளுங்கள்.
பொதுத்தேர்வு நிறைவு
தமிழ்நாட்டில் முதன் முதலில் 12 ஆம் வகுப்பு பொதுத்தேர்வு நடந்தது. மார்ச் மார்ச் 3 முதல் 25 வரை 12 ஆம் வகுப்புக்கான பொதுத்தேர்வுகள் நடைபெற்று முடிந்தது. அதன்பிறகு மார்ச் 5 முதல் 27 வரை பதினொன்றாம் வகுப்பு தேர்வுகள் நடந்தது. பத்தாம் வகுப்பு தேர்வுகள் மார்ச் 28 முதல் ஏப்ரல் 15 வரை நடந்தன. இதில் லட்சக்கணக்கான மாணவ, மாணவிகள் தேர்வு எழுதி பெரும் ஆவலுடன் முடிவுகளுக்காக காத்திருக்கின்றனர்.
கடந்த ஆண்டு ரிசல்ட் வெளியான தேதி
திமுக அரசு பொறுப்பேற்றது முதல் பள்ளிக்கல்வித்துறை 10 மற்றும் 12 ஆம் வகுப்பு பொதுத்தேர்வு முடிவுகள் வெளியாகும் தேதிகளை முன்கூட்டியே அறிவிக்கும் வழக்கத்தை கடைபிடித்து வருகிறது. குறிப்பிட்ட தேதியை சொல்லவில்லை என்றாலும் மே முதல் வாரம், இரண்டாம் வாரத்தில் தேர்வு முடிவுகள் வெளியாகும் என தமிழ்நாடு அரசு மற்றும் பள்ளிக்கல்வித்துறை சார்பில் தெரிவிக்கப்பட்டு வருகிறது. அந்தவகையில் கடந்த ஆண்டு12 ஆம் வகுப்பு முடிவுகள் மே 6 ஆம் தேதி வெளியானது. 10 ஆம் வகுப்பு முடிவுகள் மே 10 ஆம் தேதியும் வெளியானது. அதேபோல் இந்த ஆண்டும் வெளியாகும் என எதிர்பார்க்கப்பட்டது.
10, 12 ஆம் வகுப்பு தேர்வு முடிவுகள் வெளியாகும் தேதி
ஏற்கனவே 10, 12 ஆம் வகுப்பு பொதுத்தேர்வு விடைத்தாள்கள் திருத்தும் பணிகள் நிறைவடைந்த நிலையில், ரிசல்ட் அறிவிப்பதற்கான நடைமுறைகள் வேகமாக நடந்து வருகிறது. இந்த ஆண்டு 12 ஆம் வகுப்பு பொதுத்தேர்வு முடிவுகள் மே 9ஆம் தேதி வெளியாக வாய்ப்புள்ளது. 10 மற்றும் 11ஆம் வகுப்பு மாணவர்களுக்கான பொதுத்தேர்வு முடிவுகள் மே 19ஆம் தேதி வெளியாகும் என பள்ளிக் கல்வித்துறை வட்டாரங்கள் தெரிவிக்கின்றன.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
