 "ஆட்டம் காட்டப்போகும் மழை! சென்னையில் இன்று முதல் சம்பவம்.. வெதர்மேன் கொடுத்த அலர்ட்")
Tamil Nadu Weatherman Pradeep John On Chennai Rains: தமிழகத்தில் வடகிழக்கு பருவமழை அக்டோபர் மாதத்தில் தொடங்கியது. பருவமழை தொடங்கியதில் இருந்தே, தமிழகம் முழுவதும் பரவலாக மழை பெய்து வந்தது. ஆனால், அக்டோபர் மாதத்தில் பெரிய அளவில் மழை பொழிவு என்பது இல்லை. ஆனால், கடந்த ஒரு வாரமாக தமிழகத்தில் லேசான மழை பெய்து வருகிறது. குறிப்பாக, டெல்டா மாவட்டங்கள், தென் மாவட்டங்களில் மழை பெய்து வருகிறது.
சென்னையில் இன்று (நவம்பர் 17) காலை முதல் சாரல் மழை பெய்து வருகிறது. இந்த நிலையில், சென்னை வானிலை குறித்து தமிழ்நாடு வெதர்மேன் பிரதீப் ஜான் முக்கிய தகவலை பகிர்ந்துள்ளார். இதுகுறித்து வெதர்மேன் பிரதீப் ஜான் தனது எக்ஸ் தளத்தில் கூறுகையில், "நவம்பர் 17,18ஆம் தேதிகளில் டெல்டா பெல்ட்டில் (நாகை மற்றும் மயிலாடுதுறை) நல்ல மழை பெய்யும். சென்னை, காஞ்சிபுரம், செங்கல்பட்டு, திருவள்ளூர் ஆகிய மாவட்டங்களில் பகலில் திடீர் மழை பெய்யும். ஆனால் இன்றிரவு முதல் நவம்பர் 18ஆம் தேதி காலை வரை மிதமான மழை பெய்யும்.
டெல்டா பெல்ட்டில் (நாகை மற்றும் மயிலாடுதுறையில்) நேற்று இரவு முதல் இன்று காலை வரை நல்ல மழை பதிவாகியுள்ளது. பெரும்பாலான மழை கடலுக்கு மிக அருகில் உள்ள இடங்களில் பெய்யும் என்பதால் எந்த பயமும் இல்லை. அடுத்த 2-3 நாட்களுக்கு டெல்டாவில் நேற்றுடன் ஒப்பிடும்போது இனிமேல் கனமழை பெய்யாது. மழை பெய்யும். ஆனால் சமாளிக்கக்கூடிய மழை பெய்யும்.
ஞாயிற்றுக்கிழமை இரவு முதல் இன்று காலை வரை மழை பெய்யும் என்று எதிர்பார்க்கப்படவில்லை. வரும் நாட்களில் பகல் நேரங்களில் சில இடங்களில் மழை பெய்யும். இன்றிரவு முதல் நாளை காலை வரை மழை பெய்யும். சென்னையைப் பொறுத்தவரை மிதமானது முதல் கனமழை வரை பெய்யும். ஆனால், அது ஆபத்தானதாக இருக்காது.
புயல் இருக்கும். ஆனால் அதற்கு முன் நகரத்தில் மிதமான மழை பெய்ய வாய்ப்பு உள்ளது. வரும் நாட்களில் புயல் குறித்து மேலும் தெளிவு கிடைக்கும். இன்றும் நாளையும் உள்மாவட்டங்களில் மழை பெய்யும். கொமொரின் கடலில் குறைந்த காற்றழுத்த தாழ்வு நிலை நிலவுகிறது. ராமநாதபுரம் பகுதிகள் கடலுக்கு அருகில் மற்றும் கன்னியாகுமரி மாவட்டங்கள் சிறந்த இடத்தில் அமைந்துள்ளன. இதனால், தூத்துக்குடி மற்றும் நெல்லையிலும் அடுத்த 2 நாட்களில் நல்ல மழை பெய்யும்” என தெரிவித்தார்.
சென்னை வானிலை மையம் அறிவிப்பின்படி, இன்று (நவம்பர் 17) சென்னை, செங்கல்பட்டு, திருவள்ளூர், காஞ்சிபுரம், மயிலாடுதுறை, திருவாரூர், நாகப்பட்டினம் ஆகிய மாவட்டங்களில் கனமழை முதல் மிக கனமழையும் பெய்யக் கூடும். அரியலூர், கடலூர், விழுப்புரம், தஞ்சாவூர், புதுக்கோட்டை, ராமநாதபுரம், தூத்துக்குடி, திருநெல்வேலி, கன்னியாகுமரி ஆகிய மாவட்டங்களில் கனமழை பெய்ய வாய்ப்புள்ளது.
மேலும், நாளை (நவம்பர் 18) கன்னியாகுமரி, நெல்லை, தூத்துக்குடி, ராமநாதபுரம், சிவகங்கை, தென்காசி, தேனி, விருதுநகர் ஆகிய மாவட்டங்களில் கனமழை பெய்யக் கூடும் என தெரிவிக்கப்பட்டுள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)