Tamil Nadu News Updates: அதிமுக - பாஜக கூட்டணிக்குள் தவெக வருவதற்கான வாய்ப்புகளும் நகர்வுகளும் நகர்ந்து கொண்டே தான் இருக்கிறது என அதிமுக முன்னாள் அமைச்சர் ராஜேந்திர பாலாஜி தெரிவித்துள்ளார்.
)
Tamil Nadu Latest News Updates: புதுக்கோட்டையில் நிகழ்ச்சி ஒன்றில் இன்று (ஜூன் 27) கலந்து கொள்ள வந்த முன்னாள் அமைச்சர் ராஜேந்திர பாலாஜி செய்தியாளர்களைச் சந்தித்தார். அப்போது பேசிய அவர், "தேசிய ஜனநாயக கூட்டணியில் எடப்பாடி பழனிச்சாமி தான் தமிழகத்தை பொறுத்த வரை முடிவெடுப்பார்.
கூட்டணியில் யாரை சேர்ப்பது எவ்வளவு தொகுதி பகிர்ந்து அளிப்பது என்பது குறித்து எடப்பாடி பழனிசாமி தான் முடிவு செய்வார். அதிமுகவில் இருந்து ஒருவர் தான் முதலமைச்சர் என்று அமித்ஷா கூறியுள்ளது உண்மை" என்றார். மேலும் நடிகர் விஜய்யின் தவெக உடன் கூட்டணி வாய்ப்புகள் உள்ளதா என்ற கேள்விக்கும் பதிலளித்தார்.
AIADMK TVK: அதிமுக கூட்டணியில் தவெக...?
அதற்கு அவர், "தமிழக வெற்றிக் கழகம் அதிமுக கூட்டணியில் வருவதற்கான சூழ்நிலை உள்ளது, தேர்தல் நேரத்தில் தான் அது தெரியும். தமிழக வெற்றி கழகம் அதிமுக - பாஜக கூட்டணிக்குள் வருவதற்கான வாய்ப்புகளும் நகர்வுகளும் நகர்ந்து கொண்டே தான் இருக்கிறது. எங்களது அணியில் விஜய் இணைவதற்கு வாய்ப்பு உள்ளது, வாய்ப்பு இல்லை என்று கூற முடியாது" என்றார்.
AIADMK BJP Alliance: கூட்டணியில் பாதிப்பில்லை
மேலும், முருகன் மாநாட்டில் அண்ணா குறித்த சர்ச்சை வீடியோவால் கூட்டணியில் விரிசலா என்ற கேள்விக்கு, "முருகன் மாநாட்டால் அதிமுக - பாஜக கூட்டணிக்கு எந்த விதமான பாதிப்பும் ஏற்படாது. திமுக எவ்வளவு குட்டையை குழப்பினாலும், சூழ்ச்சி செய்தாலும், 2026ஆம் ஆண்டு தேசிய ஜனநாயக கூட்டணி சார்பில் எடப்பாடி பழனிசாமிதான் முதலமைச்சராக பதவி ஏற்பார்" என்றார்.
AIADMK Amit Shah: அமித்ஷா பேச்சுக்கு விளக்கம்
அதிமுக முதலமைச்சர் என்று அமித்ஷா கூறியுள்ளார், ஆனால் முதலமைச்சர் எடப்பாடி பழனிச்சாமி என்று கூறவில்லையே என்ற கருத்துக்கு பதில் அளித்த அவர், "அதிமுக தான் முதலமைச்சர் என்று அவர் கூறிவிட்டார். எனவே அதிமுகவில் எடப்பாடி தான் முதலமைச்சர் இதை சொல்லி தெரிய வேண்டியது இல்லை. திமுக இந்த கூட்டணியை உடைப்பதற்கும் அனைத்து சித்து விளையாட்டுகளையும் செய்து வருகிறது, அந்த சித்து விளையாட்டுகள் எடுபடாது. திமுக கூட்டணிக்குள்ளையே பல்வேறு புகைச்சல்கள் உருவாகியுள்ளது.
அதிமுக ஒன்று சேர்வது அவர்கள் கையில்தான் உள்ளது என்று அமித்ஷா கூறியுள்ளார் என்ற கேள்விக்கு பதில் அளித்த அவர், "இதுகுறித்து எடப்பாடி பழனிச்சாமி தான் முடிவு எடுக்க வேண்டும். ஆனால் திமுகவை எதிர்க்கின்ற அனைத்து கட்சிகளும் ஒன்றிணைய வேண்டும் என்பதுதான் தேசிய ஜனநாயக கூட்டணியின் நோக்கமாக உள்ளது. தேர்தல் நடைபெறுவதற்கு இன்னும் பத்து மாதங்கள் உள்ளது. அதற்குள்ளாக யாரும் பதற்றப்பட வேண்டாம், சரியான நேரத்தில் சரியான முடிவை எடப்பாடி எடுப்பார்.
AIADMK News: ராமதாஸ் தக்க முடிவெடுப்பார்
மேலும் தொடர்ந்து பேசிய அவர், "பாட்டாளி மக்கள் கட்சி நிறுவனத் தலைவர் ராமதாஸ் மிகப்பெரிய போராளி. அரசியல்வாதி அவருக்கு எப்போது என்ன முடிவு எடுக்க வேண்டும் என்பது தெரியும். எந்த கூட்டணி வெற்றி பெற போகிறது, எந்த ஆட்சி அமைக்கப் போகிறது என்பது குறித்து அவருக்கு தெரியும். அவர் தகுந்த நேரத்தில் அவரது முடிவை அறிவிப்பார். அண்ணாவை ஒரு நொடி கூட விமர்சனம் செய்ய நான் அனுமதிக்க மாட்டேன் என்று எடப்பாடி பழனிச்சாமி கூறிவிட்டார். பாஜக - அதிமுக கூட்டணி அருமையாக அமைந்துள்ளது. இதில் கல்லை போட்டு கூட்டணியை பிளவு செய்வதற்கு திமுக உள்ளிட்ட ஒரு சிலர் சூழ்ச்சி செய்கின்றனர், அவர்கள் செய்யும் சூழ்ச்சி எடுபடாது" என்றார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
