உங்களிடம் ரேஷன் கார்டு இருக்கிறதா? நீங்களும் ரூ.2000 பெறலாம்! எப்படி தெரியுமா?

தமிழக அரசு பல்வேறு நலத்திட்ட உதவிகளை செயல்படுத்தி வருகிறது. மகளிர் உரிமைத்தொகை தொடங்கி, முதியோர் உதவித்தொகை வரை பல்வேறு நிதி சார்ந்த திட்டங்கள் செயல்பாட்டில் உள்ளன. உங்களுடன் ஸ்டாலின் திட்டங்களின் கீழ் நடைபெறும் முகாம்களில் தமிழக அரசின் திட்டங்களுக்கு விண்ணப்பித்து உடனடியாக பயன்பெற முடியும். மேலும் இன்று நலம் காக்கும் ஸ்டாலின் திட்டமும் தொடங்கப்பட்டுள்ளது. இதன் மூலம் மக்கள் தங்கள் வீடுகளுக்கு அருகில் நடைபெறும் முகாம்களுக்கு சென்று தேவையான சிகிச்சைகளை இலவசமாக பெற்றுக்கொள்ள முடியும்.

மேலும் படிக்க | பெண்களுக்கு ரூ.20 லட்சம் கடன், உடனே விண்ணப்பிக்கவும் - தமிழ்நாடு அரசின் குட் நியூஸ்

அன்பு கரங்கள்

தமிழ்நாடு அரசு, சமூக பாதுகாப்பின் மற்றுமொரு முக்கிய படியாக, அன்பு கரங்கள் என்ற புதிய நிதி ஆதரவு திட்டத்தை தமிழகத்தில் அறிமுகப்படுத்தியுள்ளது. இந்த திட்டத்தின் கீழ், மிகவும் எளிய நிலையில் உள்ள மற்றும் பெற்றோரின் ஆதரவை இழந்த குழந்தைகளுக்கு, அவர்களின் கல்வி மற்றும் நலனை உறுதி செய்வதற்காக மாதந்தோறும் ரூ.2,000 உதவித்தொகை வழங்கப்படும். "உங்களுடன் ஸ்டாலின்" முகாம்கள் மூலமாகவும் இந்த திட்டத்திற்கு விண்ணப்பிக்கலாம் என்று தற்போது அறிவிக்கப்பட்டுள்ளது, இது அரசின் சேவைகளை மக்களின் இருப்பிடத்திற்கே கொண்டு செல்லும் முயற்சியை வலுப்படுத்துகிறது.

திட்டத்தின் முக்கிய நோக்கம்

பெற்றோரை இழந்து உறவினர்களின் அரவணைப்பில் வளரும் குழந்தைகள், வறுமை காரணமாக கல்வியை இடையில் நிறுத்திவிட கூடாது என்பதே இந்த திட்டத்தின் முக்கிய நோக்கமாகும். 18 வயது வரை இந்த மாதாந்திர உதவித்தொகை வழங்கப்படுவதன் மூலம், குழந்தைகள் தங்கள் பள்ளி படிப்பைத் தடைகளின்றி தொடர முடியும். மேலும், பள்ளி படிப்பை முடித்த பிறகு, அவர்களின் கல்லூரி கல்வி மற்றும் உரிய திறன் மேம்பாட்டுப் பயிற்சிகளுக்கும் அரசு உரிய நடவடிக்கைகளை மேற்கொள்ளும் என அறிவிக்கப்பட்டுள்ளது.

யாரெல்லாம் தகுதியானவர்கள்?

• ஆதரவற்ற குழந்தைகள்: தாய் மற்றும் தந்தை என இருவரையும் இழந்த குழந்தைகள்.
• கைவிடப்பட்ட குழந்தைகள்: பெற்றோரில் ஒருவர் இறந்து, மற்றொரு பெற்றோர் குழந்தையைக் கைவிட்டு சென்ற நிலையில் உள்ள குழந்தைகள்.
• சிறப்பு ஆதரவு தேவைப்படும் குழந்தைகள்: பெற்றோரில் ஒருவர் இறந்து, மற்றொரு பெற்றோர் கடுமையான உடல் அல்லது மனநல பாதிப்புடன்இருந்தால்.
• பெற்றோரில் ஒருவர் இறந்து, மற்றொரு பெற்றோர் சிறை தண்டனை அனுபவித்து வந்தால்.
• பெற்றோரில் ஒருவர் இறந்து, மற்றொரு பெற்றோர் உயிருக்கு ஆபத்தான நோய்களுடன் வாழ்ந்து வந்தால்.

விண்ணப்பிப்பது எப்படி?

தகுதியுள்ள குழந்தைகள், இந்த திட்டத்தில் சேர அவரவர் பகுதிகளில் நடைபெறும் "உங்களுடன் ஸ்டாலின்" சிறப்பு முகாம்களில் நேரடியாக விண்ணப்பிக்கலாம். மாற்றாக, மாவட்ட ஆட்சியர் அல்லது மாவட்ட குழந்தைகள் பாதுகாப்பு அலுவலரிடமும் விண்ணப்பங்களைச் சமர்ப்பிக்கலாம். விண்ணப்பத்துடன் கீழ்க்காணும் ஆவணங்களின் நகல்களை இணைக்க வேண்டும்.

• குடும்ப அட்டையின் நகல்
• குழந்தையின் ஆதார் அட்டை நகல்
• குழந்தையின் வயதுச் சான்று (பிறப்புச் சான்றிதழ் / பள்ளி மாற்றுச் சான்றிதழ்)
• குழந்தையின் வங்கிக் கணக்குப் புத்தகத்தின் முதல் பக்க நகல்

இந்த "அன்பு கரங்கள்" திட்டம், தமிழக அரசின் பல்வேறு சமூக நலத்திட்டங்களான மகளிர் உரிமைத்தொகை, முதியோர் ஓய்வூதியம் போன்றவற்றுடன் இணைந்து, சமூகத்தின் மிகவும் நலிவடைந்த பிரிவினருக்கு ஒரு விரிவான பாதுகாப்பு வலையை உருவாக்குவதை நோக்கமாகக் கொண்டுள்ளது.

மேலும் படிக்க | vinayaka chaturthi : இந்த வகை விநாயகர் சிலைகளுக்கு அனுமதியில்லை - தமிழ்நாடு அரசின் முக்கிய உத்தரவு

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ