 "10 ஆம் வகுப்பு, 11 ஆம் வகுப்பு துணைத் தேர்வு ஹால்டிக்கெட் வெளியானது - டவுன்லோடு செய்வது எப்படி?")
TN July 2025 Supplementary Exam: Download SSLC, HSE Hall Ticket : மார்ச் / ஏப்ரல் - 2025 பத்தாம் வகுப்பு மேல்நிலை முதலாமாண்டு / இரண்டாமாண்டு பொதுத்தேர்வுகளில் தேர்ச்சி பெறாத வருகைப்புரியாத மாணாக்கர்களின் நலன் கருதி, அம்மாணாக்கர்கள் இக்கல்வியாண்டிலேயே உயர்கல்வி பெறுவதற்காக துணைத்தேர்வுகள் நடத்தப்படுகின்றன. மேல்நிலை இரண்டாமாண்டிற்கான (+2) துணைத்தேர்வுகள் 25. 06. 2025 அன்று தொடங்கி 02. 07. 2025 வரை 208 தேர்வு மையங்களில் நடைபெறவுள்ளது. இத்தேர்விற்கு 60,471 மாணாக்கர்கள் விண்ணப்பித்துள்ளனர். மேல்நிலை முதலாமாண்டிற்கான (1) துணைத்தேர்வுகள் 04,07,2025 அன்று தொடங்கி11. 07. 2025 வரை 221 தேர்வு மையங்களில் நடைபெறவுள்ளது. இத்தேர்விற்கு 68,321 மாணாக்கர்கள் விண்ணப்பித்துள்ளனர். பத்தாம் வகுப்பிற்கான (SSLC) துணைத்தேர்வுகள் 04.072025 அன்று தொடங்கி 10.07.2025 வரை 200 தேர்வு மையங்களில் நடைபெறவுள்ளது. இத்தேர்விற்கு 82405 மாணாக்கர்கள் விண்ணப்பித்துள்ளனர்.
நடைபெறவுள்ள ஜூலை 2025, பத்தாம் வகுப்பு மற்றும் மேல்நிலை முதலாம் ஆண்டு துணைத் தேர்வெழுத, விண்ணப்பித்தத் தேர்வர்கள் (தட்கல் உட்பட) தங்களது தேர்வுக் கூட நுழைவுச் சீட்டுகளை 25.06.2025 (புதன் கிழமை) பிற்பகல் முதல் www.dge.tn.gov.in என்ற இணையதளத்தின் மூலம் பதிவிறக்கம் செய்து கொள்ளலாம்.
தனித்தேர்வர்கள், www.dge.tn.gov.h என்ற இணையதளத்திற்குச் சென்று "HALL TICKET" என்ற வாசகத்தினை 'Cick செய்தால் தோன்றும் பக்கத்தில் உள்ள "SSLC &
HSE FIRST YEAR SUPPLEMENTARY EXAM, JULY 2025 - HALL TICKET DOWNLOAD" என்ற வாசகத்தினை 'Click'செய்து தோன்றும் பக்கத்தில் தங்களது விண்ணப்ப எண் (Application Number) அல்லது நிரந்தர பதிவெண் (Permanent Register No.) மற்றும் பிறந்த தேதியினைப் (Date of Birth) பதிவு செய்து, அவர்களுடைய தேர்வுக் கூட நுழைவுச் சீட்டைப் பதிவிறக்கம் செய்து கொள்ளலாம்.
மேல்நிலை முதலாமாண்டு செய்முறைத் தேர்வுக்கான தேதி குறித்த விவரங்களை தனித்தேர்வர்கள் தமக்கு ஒதுக்கீடு செய்யப்பட்டுள்ள தேர்வு மையத்தின் முதன்மைக் கண்காணிப்பாளரை அணுகி அறிந்து கொள்ள வேண்டும். உரிய தேர்வுக்கூட நுழைவுச் சீட்டின்றி எந்த ஒரு தேர்வரும் தேர்வெழுத அனுமதிக்கப்படமாட்டார்கள்.
பத்தாம் வகுப்பு அறிவியல் பாட செய்முறைத் தேர்விற்கு விண்ணப்பித்துள்ள தனித் தேர்வர்கள் 26.06.2025 (வியாழக்கிழமை) முதல் 28.06.2025 (சனிக்கிழமை) வரையிலான நாட்களில் அறிவியல் பாட செய்முறைப் பயிற்சி வகுப்புகள் நடைபெற்ற பள்ளிகளிலேயே செய்முறைத்தேர்வு நடைபெறவுள்ளது.
மேலும், இத்தேர்வர்கள் தேர்வுக்கு முன்கூட்டியே செய்முறைத் தேர்வு நடத்தப்படவுள்ள பள்ளிகளின் விவரங்களை, சம்பந்தப்பட்ட மாவட்டக் கல்வி அலுவலர்களை நேரில் அணுகி பெற்றுக் கொள்ளுமாறு கண்டிப்பாக அறிவுறுத்தப்படுகிறார்கள். உரிய தேர்வுக் கூட அனுமதிச் சீட்டின்றி எந்த ஒரு தேர்வரும் தேர்வெழுத அனுமதிக்கப்படமாட்டார்கள்.
ஜூலை 2025, பத்தாம் வகுப்பு மற்றும் மேல்நிலை முதலாம் ஆண்டு துணைத் தேர்விற்கான தேர்வுக்கால அட்டவணையினை (TIME TABLE) www.dge.tn.gov.in என்ற இணையதளத்தில் அறிந்து கொள்ளலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)