 "டிஎன்பிஎஸ்சி குரூப் 4 தேர்வுக்கு விண்ணப்பித்துள்ளீர்களா? உங்களுக்கான முக்கிய தகவல்")
)
TNPSC Group 4 Exam Important Update : தமிழ்நாடு அரசுப் பணியாளர் தேர்வாணையத்தின் தொகுதி 4 தேர்வு வாயிலாகக் கிராம நிர்வாக அலுவலர்கள், இளநிலை உதவியாளர்கள், இளநிலை நிர்வாகிகள், இளநிலை வருவாய் ஆய்வாளர், இளநிலை உதவியாளர் மற்றும் தட்டச்சர், ஸ்டெனோ தட்டச்சர் (கிரேடு 3), தனிப்பட்ட எழுத்தர், உதவியாளர், கள உதவியாளர், வனக் காவலர் மற்றும் வனக் கண்காணிப்பாளர் போன்ற 3935 காலிப் பணியிடங்களுக்கான கொள்குறி வகை எழுத்துத் தேர்வு வரும் ஜூலை 13 ஆம் தேதி நடைபெறும் என TNPSC (தமிழ்நாடு அரசுப் பணியாளர் தேர்வாணையம்) அறிவித்துள்ளது.
இந்த தேர்வுக்கு லட்சக்கணக்கானோர் விண்ணப்பித்து இரவு பகலாக படித்து தயாராகி வருகின்றனர். மேலும், TNPSC குருப் 4 தேர்விற்கு விண்ணப்பித்து தயாராகிவரும் இளைஞர்கள் பயனடையும் வகையில் தமிழக அரசின் வேலைவாய்ப்பு மற்றும் பயிற்சித்துறையின் கீழ் ஒவ்வொரு மாவட்டத்திலும் உள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் வாயிலாக மாநில அளவில் இலவச மாதிரித்தேர்வுகளும் நடத்தப்பட்டு வருகின்றன. ஏற்கனவே இரண்டு கட்ட தேர்வுகள் நடந்து முடிந்திருக்கிறது.
இன்னும் ஒரு மாதிரி தேர்வு நடத்தப்பட இருக்கிறது. டிஎன்பிஎஸ்சி குருப் 4 தேர்வுக்கு படித்துக் கொண்டிருப்பவர்கள், மாதிரி தேர்வு எழுத வேண்டும் என நினைப்பவர்கள் உங்கள் மாவட்ட வேலைவாய்ப்பு மற்றும் பயிற்சித்துறை அலுவலகத்தை தொடர்பு கொள்ளவும். அங்கிருக்கும் அரசு ஊழியர்கள் இந்த தேர்வில் கலந்து கொள்ள வழிகாட்டுவார்கள். டிஎன்பிஎஸ்சி குரூப் 4 தேர்வுக்கு முன்பு இந்த மாதிரி தேர்வில் கலந்து கொண்டால் தேர்வில் வெற்றி பெற பெரும் உதவியாக இருக்கும்.
இந்நிலையில், மயிலாடுதுறை மாவட்டத்தில் தியாகி ஜி. நாராயணசாமி நகராட்சி அரசு ஆண்கள் மேல்நிலைப்பள்ளியில் 05. 07. 2025 ஆம் தேதி சனிக்கிழமை காலை 9.30 மணி முதல் மதியம் 12.30 மணிவரை அசல் OMR தாளில் மாதிரித்தேர் நடத்தப்படவுள்ளது. கலந்துகொள்ள விருப்பமுள்ளவர்கள் பாஸ்போர்ட் அளவுப் புகைப்படம், TNPSC Gr4 தேர்வின் விண்ணப்ப படிவம், கைபேசி ஆகியவற்றுடன் காலை 9 மணிக்குள் தேர்வு மையத்திற்கு வந்துசேர வேண்டும்.
எனவே மேற்கண்ட TNPSC Group 4 தேர்விற்கு விண்ணப்பித்துள்ள மயிலாடுதுறை மாவட்டத்தைச் சேர்ந்தவர்கள் இந்த மாதிரி தேர்வில் கலந்துகொண்டு பயனடையலாம். இந்த தேர்வில் கலந்து கொள்வதற்கு முன்பு உங்களுக்கு தேவையான தகவலை 04364299790 என்ற அலுவலக தொலைபேசி எண்ணையோ, studycircledeomayil@gmail.com என்ற மின்னஞ்சல் முகவரியையோ தொடர்பு கொள்ளவும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
