 "'மனசு விட்டு பேச விரும்பறேன்' தொண்டர்களுக்கு விஜய் அன்பு கட்டளை - என்ன தெரியுமா?")
Tamilaga Vetri Kazhagam: தமிழக வெற்றிக் கழக தலைவர் விஜய் (TVK Vijay) இன்று அவரது அதிகாரப்பூர்வ X தளத்தில் தனது இளம் தொண்டர்களுக்கு நீண்ட பதிவை ஒன்றை கடிதம் பாணியில் எழுதியிருக்கிறார். அந்த பதிவை, 'என் நெஞ்சில் குடியிருக்கும் என் உயிரினும் மேலான தோழர், தோழியர் அனைவருக்கும் வணக்கம்' என தொடங்கியிருந்தார்.
TVK Vijay: 'லவ் யூ கோவை & கொங்கு தங்கம்ஸ்'
மேலும் அந்த பதிவில் விஜய், "மூன்று தினங்களுக்கு முன், கோயம்புத்தூரில் நடைபெற்ற தமிழக வெற்றிக் கழகத்தின் வாக்குச் சாவடி முகவர்களின் கருத்தரங்கில் கலந்துகொள்ள வந்த என்னை உங்கள் அளவு கடந்த அன்பால் நனைய வைத்தீர்கள்! ஐ லவ் யூ கோவை & கொங்கு தங்கம்ஸ்.
நம் மீது இத்துணை அன்பைக் காட்டும் உங்களுக்கும் மக்களுக்கும், உண்மையான மக்களாட்சியையும் உண்மையான ஜனநாயக அதிகாரத்தையும் மீட்டுத் தருவதுதான் நாம் காட்டும் அன்புக் காணிக்கையாக இருக்கும். 2026 சட்டமன்றத் தேர்தல் வெற்றியால் இதை நிச்சயம் நிறைவேற்றிக் காட்டுவோம்" என கோவையில் அவரை சிறப்பாக வரவேற்ற தொண்டர்களுக்கு நன்றி தெரிவித்துள்ளார்.
TVK Vijay: இளம் தோழர்களுக்கு அன்பு கட்டளை
மேலும் தொடர்ந்த அவர், "இந்த மகிழ்ச்சியான தருணத்தில் தமிழகமெங்கும் உள்ள நம்முடைய இளம் தோழர்களுக்கு என்னுடைய அன்பு வேண்டுகோள்கள் சில உண்டு. அவை அன்புக் கட்டளைகளாகவும் இருக்கும் என்பதிலும் சந்தேகம் இல்லை" என சிறுவர்கள், இளம் ரசிகர்களை குறிப்பிட்டு பேசியுள்ளார்.
"நம்முடைய இளைய தோழர்கள், நமது வாகனங்களை இரு சக்கர வாகனங்களில் தலைக் கவசமின்றி வேகமாகப் பின்தொடருவது, பாதுகாப்புக் குழுவினரை மீறி வாகனத்தின் மீது ஏறுவது, குதிப்பது போன்ற செயல்களில் ஈடுபட்டது எனக்கு மிகவும் கவலையை அளித்தன.
TVK Vijay: 'மனசு விட்டு பர்சனலா பேச விரும்பறேன்'
அதனால இப்ப கொஞ்சம் உங்ககிட்ட மனசு விட்டு பர்சனலா பேச விரும்பறேன்… நம்ம பயணத்தப்ப ஆம்புலன்ஸ் வந்ததும் அதுக்கு வழிய சரிபண்ணிவிட்ட உங்க செயல பாராட்டியே ஆகணும்… அதுதான் நீங்க… இப்டில்லாம் செய்ற நீங்க, அன்பின் காரணமா செய்ற சிலதையும் சொல்லி ஆகணும்… உங்களோட அன்ப புரிஞ்சுக்கறேன் ஃப்ரெண்ட்ஸ்… அதுக்கு நான் தலைவணங்கவும் செய்யறேன்…
ஆனா எப்பவுமே நம்மளோட அன்பை வெளிப்படுத்துற விதம், அதீதமாகவே இருந்தாலும் அது மத்தவங்களுக்கு முன்னுதாரணமாத்தான் இருக்கணும்… எல்லாத்துக்கும் மேல உங்களோட பாதுகாப்புதான் எனக்கு ரொம்ப முக்கியம்… நீங்கதான் எனக்கு precious… இவ்ளோ அன்போட இருக்கிற நீங்க எனக்குக் கிடைச்சதுக்கு நான் என்ன தவம் செஞ்சேன்னு எனக்குத் தெரியல…
TVK Vijay: 'கட்டளையாக கூட எடுத்துக்கொள்ளுங்கள்'
உங்கள நான் கை கூப்பித் தலைவணங்கிக் கேட்டுக்கிறதெல்லாம் ஒண்ணே ஒண்ணுதான்… உங்க அன்ப நான் மதிக்கறேன்… இனி எப்பவும் மதிப்பேன்… அதேபோல நீங்களும் என்மேல அன்போட இருக்கறது உண்மைன்னா எப்பவும் இதுபோல இனி நீங்க செய்யவே கூடாது…
நான் இங்கே சொல்லி இருக்கற மாதிரி, இத நீங்க கட்டளையாகவோ கண்டிப்பாகவோ கூட எடுத்துக்கங்க…தப்பே இல்ல… நம்ம அரசியல்ல கடமை, கண்ணியம், கட்டுப்பாட்டோட கண்டிப்பும் சுய ஒழுக்கமும் 100% சமரசமற்றதாத்தான் இருக்கணும் ஃப்ரெண்ட்ஸ்… அதுதான் நம்ம அரசியலுக்கும் நல்லதுன்னு உங்களுக்கே தெரியும்...
இனி அடுத்தடுத்து நம்ம மக்கள சந்திக்கிற நிகழ்ச்சிகளெல்லாம் இருக்கறதால நான் சொல்றத நீங்க இனிமே ஸ்ட்ரிக்ட்டா ஃபாலோ செய்வீங்கன்னு நம்பறேன்… செய்வீங்க… செய்றீங்க… ஓகே?... Thank u friends… Love you all…" என ஜனரஞ்சகமாக அவரது இளைய தொண்டர்களை குறிப்பிட்டு பதிவிட்டுள்ளார்.
TVK Vijay: கோவையில் நடந்த சேட்டைகள்
கோவையில் விஜய் செய்த ரோட்ஷோவின் போது தொண்டர் ஒருவர் மரத்தில் ஏறி அதில் இருந்து விஜய்யின் வாகனத்தின் மீது குதித்தார். இது பலராலும் கடுமையாக கண்டிக்கப்பட்டது. மேலும், தவெக நிகழ்ச்சி நடந்த மைதானத்திற்கு வெளியே, "எங்க தளபதிய பாக்கணும்" என்று பவுண்சர்களிடம் சண்டை போட்ட சிறுவர்களின் வீடியோக்களும், தடைகளை உடைத்து அரங்கத்திற்குள் சென்று வீடியோக்களும் இணையத்தில் வைரலானது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)