 "திக்குமுக்காடிய திருச்சி; 7 மணிநேர காத்திருப்பு - பிரச்சாரத்தில் விஜய் பேசியது என்ன?")
TVK Vijay Trichy Campaign: தமிழக வெற்றிக் கழகத்தின் தலைவர் விஜய், தமிழ்நாடு முழுக்க சுற்றுப்பயணம் மேற்கொள்ள உள்ளார். அவரது இந்த அரசியல் பிரச்சார் சுற்றுப்பயணத்தை இன்று திருச்சியில் இருந்து தொடங்குகிறார். இன்று திருச்சியில் மட்டுமின்றி அரியலூர், பெரம்பலூர் மாவட்டங்களுக்கும் பிரச்சாரம் மேற்கொள்ள இருக்கிறார்.
அந்த வகையில், இன்று காலை சென்னையில் இருந்து விமானம் மூலம் திருச்சி வந்தடைந்த விஜய், திருச்சி மரக்கடை பகுதியில் காலை 10:30 மணிக்கு பேச வருவார் என எதிர்பார்க்கப்பட்டது. பிரச்சாரத்திற்கு அப்போதுதான் அனுமதி வழங்கப்பட்டிருந்த நிலையில், மாலை 3 மணிக்குதான் விஜய் அங்கு வந்தடைந்தார். 7 கிலோமீட்டர் தூரத்தை அவர் 5 மணிநேரம் கடக்க வேண்டியதாயிற்று.
அந்தளவிற்கு வழிநெடுகிறலும் தவெக தொண்டர்கள், பொதுமக்கள் விஜய்யை காண குவிந்ததால் கடும் போக்குவரத்து நெரிசல் ஏற்பட்டது. பெரும் மக்கள் கூட்டம் காரணமாக திட்டமிட்டப்படி பிரச்சாரம் நடைபெறவில்லை. சுமார் 7 மணிநேரம் மக்கள் விஜய் பேச்சுக்கு காத்திருக்க வேண்டிய சூழல் ஏற்பட்டது.
பல்லாயிரக்கணக்கான தொண்டர்கள் மத்தியில் உரையாற்றிய விஜய், "அந்த காலத்துல, போருக்கு போறத்துக்கு முன்னாடி, போர்ல ஜெயிக்குறதுக்காக குலதெய்வ கோயிலுக்கு போய் சாமியை கும்பிட்டுதான் போவாங்கலாம். அந்த மாதிரி தேர்தலுக்கு போறதுக்கு முன்னாடி நம்ம மக்களை பார்த்துட்டு போலாம்னு வந்திருக்கேன்.
ஒரு சில மண்ணை தொட்டா ரொம்ப நல்லது. ஒரு சில நல்ல காரியங்களை இந்த இடத்துல இருந்து தொடங்குனா நல்லதுனு பெரியவங்க சொல்லுவாங்க இல்லையா? அது மாதிரி திருச்சில தொடங்குனா திருப்புமுனையா அமையும். அதுக்கு உதாரணமா அண்ணா அவர்கள் 1956ல தேர்தல்ல நிக்கனும்னு நினைச்சது திருச்சிலதான். எம்ஜிஆர் 1974ல முதல் மாநாடு நடத்துனது திருச்சிதான்.
அது மாதிரி திருச்சிக்கு நிறைய வரலாறு இருக்கு. பெரியார் வாழ்ந்த இடம். மலைக்கோட்டை இருக்கும் இடம். மதசார்பின்மைக்கும், மத நல்லிணக்கத்துக்கும் பெயர் போன இடம். கொள்கை உள்ள மண் இது. அது மட்டுமில்லாம, உங்களை பார்க்கும்போது மனசுக்குள்ள ஒரு பரவசம், ஒரு எமோஷன்.
2021 சட்டமன்றத் தேர்தல்ல திமுக 505 தேர்தல் வாக்குறுதிகளை கொடுத்துச்சி. அதுல எத்தனை விஷயங்களை நிறைவேற்றியிருக்காங்க? டீசல் விலை ரூ.3 குறைப்பு, மாதாந்திர மின்சாரக் கட்டணம் கணக்கீடு, மாணவர்களின் கல்விக்கடன் ரத்து, அரசு வேலையில் பெண்களுக்கு 40% இடஒதுக்கீடு, பழைய ஓய்வூதிய திட்டம், 2 லட்சம் அரசு காலிப்பணியிடங்கள் நிரப்புவது. இவை எல்லாம் என்ன ஆனது?. நம்ம கேள்வி கேட்டுக்கிட்டே இருக்க வேண்டியதுதான். திமுகவினரிடமிருந்து எந்தப் பதிலும் வரப்போவதில்லை. திருச்சி மக்களுடைய சத்தம் கேட்கிறதா முதல்வர் அவர்களே?
திமுகவைச் சேர்ந்தவருக்கு சொந்தமான மருத்துவமனையில் கிட்னி திருட்டு நடைபெற்றுள்ளது. பேருந்தில் பெண்களை இலவசமாக அனுமதித்துவிட்டு ‘ஓசி ஓசி’ எனச் சொல்லிக்காட்டுகிறார்கள். அனைத்து மகளிருக்கும் ரூ.1,000 கொடுப்பது இல்லை. ஆனால், கொடுத்த சிலருக்கும் சொல்லிக் காட்டுகிறார்கள். ஆனால், கல்வி, மின்சாரம், மருத்துவம் போன்ற அடிப்படை தேவைகளை த.வெ.க செய்துகொடுக்கும். பெண்கள் பாதுகாப்பிலும் சட்டப் பிரச்னைகளிலும் No Compromise. நடைமுறைக்கு எது சாத்தியமோ அதையே நாங்கள் சொல்வோம்" என்றார்.
மேலும், விஜய் பேசிக்கொண்டிருந்தபோதே, பிரச்சார இடத்தில் வைக்கப்பட்டிருந்த ஸ்பீக்கர்களில் கோளாறு ஏற்பட்டது. இதனால் விஜய் பேசியது சுற்றியிருந்த மக்களுக்கு பெரிதாக கேட்கவில்லை. கேட்கல, கேட்கல... என மக்கள் விஜய்யை நோக்கி குரல் எழுப்பினர். தொடர்ந்து அதிக தூரத்திற்கு பேசுவது கேட்கவில்லை என்பதாலும், தொழில்நுட்ப கோளாறு காரணமாகவும் விரைவாகவே விஜய் தனது பேச்சை முடித்துக்கொண்டார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)