 "தவெக மாநாட்டில் புதுப்பாடல் வெளியீடு..! சினிமா பாட்ட விட சூப்பரா இருக்கே..")
Unga Vijay Naa Varen TVK Song : தமிழக வெற்றிக்கழகம் கட்சியின் இரண்டாவது மாநில மாநாடு, மதுரை பாரபத்தியில் நடந்திருக்கிறது. பெருமளவில் நடந்த இந்த விழாவில் லட்சக்கணக்கான தவெக தொண்டர்கள் கலந்து கொண்டனர். இதில், பாடல் ஒன்றும் வெளியிடப்பட்டுள்ளது.
உங்கள் விஜய், நான் வரேன்-பாடல்
தவெக மதுரை மாநில மாநாட்டில், “உங்கள் விஜய் நான் வரேன்” என்கிற பாடல் வெளியிடப்பட்டுள்ளது. இதில், வரிகள் அனைத்தும் விஜய்க்காகவும், மக்களுக்காகவும் எழுதப்பட்டுள்ளது.
இந்த பாடலில், பெரியாரின் பேரன், தமிழ்நாடே ஆடிப்போகும் போன்ற வரிகள் இடம் பெற்றுள்ளன. இதை கேட்டவர்கள், இந்த பாடல் சினிமா பாடலை விட சூப்பராக இருப்பதாக கமெண்ட் செய்து வருகின்றனர்.
விஜய் பேச்சு:
வழக்கம் போல, “என் நெஞ்சில் குடியிருக்கும்” என்று ஆரம்பித்த விஜய், சிங்கக்கதையை கூறினார். பின்னர், மீண்டும் கொள்கை எதிரி பாஜக என்றும், அரசியல் எதிரி திமுக என்றும் அறிவித்தார். அதே போல, எப்போதும் “சினிமாக்காரன்” என்று தன்னை கூறுவதாகவும், நல்ல தலைவர்களை தோற்கடித்தது சினிமாக்காரன் கிடையாது, ஒரு அரசியல்வாதி என்றும் கூறினார். அவர்களால்தான் இந்த பிம்பமானது ஏற்படுத்தப்பட்டிருப்பதாகவும் கூறினார். கூடவே ஒரு ராஜா தளபதியை தேர்ந்தெடுத்த கதையையும் கூறினார். 10 பேரிடம் விதை நெல்லை கொடுத்து வளர்க்க சொல்லி அனுப்பிய அவர், வளராத பயிரை கொண்டு வந்த ஒருவரை மட்டும் தேர்ந்தெடுத்து தளபதியாக்கியதாக கூறினார்.
இங்கு நீங்கள்தான் மன்னன், நீங்கள் தேர்ந்தெடுக்கப்போகும் தளபதி யார்? என்றும் வீர உரை நிகழ்த்தினார். இதையடுத்து தொண்டர்கள் அனைவரும் TVK என்று முழக்கமிட்டபடி இருந்தனர்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)