 "ஸ்டாலினை நேசிக்கும் தலைவர்கள்.. எடப்பாடியை நிராகரிக்க என்ன காரணம்? வெளியான அதிர்ச்சி தகவல்")
Tamil Nadu Political Latest News: 2026 ஆம் ஆண்டிற்கான சட்டபேரவைத் தேர்தலானது இன்னும் ஏழு மாத கால இடைவேளையில் நடைபெற இருக்கிறது. இந்த சூழலில் திமுக கூட்டணி மற்றும் அதிமுக கூட்டணி என அனைத்து கட்சிகளும் தங்களுடைய கலப்பணிகளை தீவிரப்படுத்தி உள்ளனர். திராவிட முன்னேற்றக் கழகம் (திமுக) மற்றும் அனைத்திந்திய அண்ணா திராவிட முன்னேற்றக் கழகம் (அதிமுக) தங்களது கூட்டணிகளை வலுப்படுத்தும் மற்றும் மறுசீரமைக்கும் பணிகளில் ஈடுபட்டுள்ளன.
திமுக கூட்டணியை பொறுத்த வரை, திமுக, இந்திய தேசிய காங்கிரஸ் (INC), விடுதலைச் சிறுத்தைகள் கட்சி (VCK), இந்தியப் பொதுவுடைமை மார்க்சிஸ்ட் கட்சி (CPI(M)), இந்தியப் பொதுவுடைமைக் கட்சி (CPI), மறுமலர்ச்சி திராவிட முன்னேற்றக் கழகம் (MDMK), இந்திய யூனியன் முஸ்லிம் லீக் (IUML), கொங்குநாடு மக்கள் தேசிய கட்சி (KMDK), மனிதநேய மக்கள் கட்சி (MMK) மற்றும் தமிழக வாழ்வுரிமைக் கட்சி (TVK) என மொத்தம் பத்து கட்சிகள் இடம் பெற்றுள்ளன. மேலும் கமல்ஹாசனின் மக்கள் நீதி மய்யம் (MNM) கட்சியும் திமுக கூட்டணிக்கு ஆதரவு தெரிவித்திருப்பது குறிப்பிடத்தக்கது.
மறுபுறம் அதிமுக கூட்டணியை பொறுத்த வரை, அதிமுக, தேசிய முற்போக்கு திராவிட கழகம் (DMDK), புதிய தமிழகம் (PT), சோஷியல் டெமாக்ரடிக் பார்ட்டி ஆஃப் இந்தியா (SDPI) ஆகிய கட்சிகள் இடம் பெற்றிருந்தன.
ஆனால் தற்போதைய நிலவரப்படி, அதிமுக கூட்டணியில் தேமுதிக அதிருப்தியில் இருப்பதாகத் தகவல்கள் வெளியாகியுள்ளன. மேலும் அதிமுகவுடனாக கூட்டணி குறித்து கேட்டால், தேர்தலுக்கு இன்னும் காலம் இருக்கிறது. எனவே நிதானமாக முடிவு செய்து, கூட்டணி குறித்து அறிவிக்கப்படும் என தேமுதிக தெரிவித்து வருகிறது.
பாமக-வை பொறுத்தவரை, ராமதாஸ் மற்றும் அன்புமணி இடையே அதிகாரப் போட்டி நிலவி வருவதால், கட்சி இரண்டாக உடையும் நிலையில் இருக்கிறது. ராமதாஸ் தலைமையில் ஒரு அணியும், அன்புமணி தலைமையில் ஒரு அணியும் என இரண்டு அணிகள் ஏற்பட்டால், ராமதாஸ் அணி திமுக பக்கமும், அன்புமணி அணி அதிமுக பக்கம் போவதற்கான வாய்ப்பு இருப்பதாகத் கூறப்படுகிறது.
அதேபோல் பாஜக-வை பொறுத்த வரை அதிமுக கூட்டணியிலிருந்து வெளியேறியிருந்தாலும், தற்போது மீண்டும் இணைந்து சட்டசபை தேர்தலை சந்திக்க கூட்டணி அமைத்துள்ளது.
இந்தநிலையில், தேர்தல் நெருங்கி வருவதால், தங்கள் கூட்டணியை வலுப்படுத்த திமுகவை விட அதிமுக போராடி வருகிறது. திமுக தன்னுடைய 2021 சட்டமன்ற தேர்தலில் தொடர்ந்த கூட்டணியுடன் மேலும் இரண்டு மூன்று கட்சிகளை கூட்டணியில் சேர்ப்பதற்கான முயற்சியில் ஈடுபட்டு உள்ளது. அதேநேரம் திமுகவின் பலம் வாய்ந்த கூட்டணியை உடைத்து தங்களுடைய பக்கம் இழுக்க அதிமுக முயற்சித்து வருகிறது.
இந்தநிலையில், தோழமை கட்சி தலைவர்கள் எடப்பாடியை நிராகரிக்கிறார்கள் என்ற தகவலும் வெளியாகி வருகிறது. அதற்கான காரணம், முன்பு ஆளுங்கட்சி தலைவராக இருந்த போதும், தற்போது எதிர்கட்சி தலைவராக இருக்கும் எடப்பாடி பழனிச்சாமி சிறிய கட்சிகளாக இருக்கக்கூடிய தோழமை கட்சிகளுக்கு முறையான அழைப்புகள் விடுப்பதில்லை எனவும், அவர்களுக்கான குறைந்தபட்ச மரியாதையை கூட எடப்பாடியார் தரப்பிலிருந்து வழங்கப்படுவதில்லை என்ற குற்றச்சாட்டானது வலுவாக எழுந்திருக்கிறது.
முதலமைச்சராக இருக்கும் போது எடப்பாடி பழனிச்சாமி, கம்யூனிஸ்ட் கட்சியை கடுமையாக விமர்சித்து பேசினார். இன்னும் கொஞ்ச காலத்தில் தமிழகத்தில் கம்யூனிஸ்ட் கட்சி ஒன்று இருக்கவே இருக்காது எனக் கூறியிருந்தார். ஆனால் தற்போது எதிர்கட்சி தலைவராக இருக்கும்போது, கம்யூனிஸ்ட் கட்சிகள் திமுக-வில் இருந்து வெளியேறி அதிமுகவில் சேர வேண்டும் என அழைப்பு விடுத்து வருகிறார்.
அதேபோல தான் விடுதலை சிறுத்தைகள் கட்சி தலைவராக இருக்கக்கூடிய தொல். திருமாவளவனை ஏகபோகமாக விமர்சித்திருந்தார் எடப்பாடி பழனிசாமி. ஆனால் தற்போது விசிக, திமுக கூட்டணியில் இருந்து வெளியே வரணும் எனக் கூறிவருகிறார். அதுவும் நடக்கவில்லை.
அதிமுக கூட்டணியில் அங்கம் வகித்த தேமுதிக, எடப்பாடி பழனிசாமி மீது அதிருப்பதியில் உள்ளனர். அதற்கு காரணம் என்னவென்றால், தேமுதிகவுக்கு மாநிலங்களவை சீட் தருகிறோம் என எடப்பாடி பழனிசாமி உறுதி அளித்திருந்தார். ஆனால் தேமுதிகவுக்கு மாநிலங்களவை சீட் ஒதுக்கப்படவில்லை. மேலும் நான் (எடப்பாடி பழனிச்சாமி) உங்களுக்கு (தேமுதிக) எழுத்து பூர்வமாகவோ, அதிகார பூர்வமாகவோ எந்த உத்தரவாதமும் தரவில்லை என ஏளனமாக பேசினார்.
எடப்பாடி பழனிச்சாமியை முதல்வராக்கிய சசிகலாவை என்ன நிலைமையில் வைத்திருக்கிறார் என்பது அனைவருக்கும் தெரியும். மறுபுறம் ஓ.பன்னீர்செல்வம் தனித்து செயல்பட்டு வருகிறார். மேலும் NDA கூட்டணியில் இருந்து விலகி உள்ளார்.
இதற்கிடையில் அதிமுக கூட்டணியில் சேர, இதுவரை யாரும் கிரின் சிக்னல் காட்டாததால், நாம் தமிழர் கட்சி மற்றும் நடிகர் விஜய்யின் தமிழக வெற்றிக் கழகம் (TVK) கட்சிகளுக்கு எடப்பாடி அழைப்பு விடுத்துள்ளார். ஆனால் இதுவரைக்கும் எந்த ஒரு தோழமை கட்சிகளும் எடப்பாடி அவர்களை மரியாதை நிமித்தமாக சந்தித்து பேசவில்லை.
இதுவரை எடப்பாடி எதிர்பார்த்த திருமாவளவன், வைகோ, பிரேமலதா விஜயகாந்த், சீமான், விஜய் என யாருமே எடப்பாடி பழனிச்சாமிக்கு ஆதரவுகரம் நீட்டவில்லை என்பது வெட்டவெளிச்சமாக தெரிகிறது.
இந்தநிலையில், அதிமுக தனது கூட்டணியை உறுதிப்படுத்தவும், புதிய கூட்டாளிகளை ஈர்க்கவும் தீவிர முயற்சிகளை மேற்கொள்ள வேண்டிய நிலையில் உள்ளது. 2026 சட்டமன்ற தேர்தலில் எடப்பாடி பழனிச்சாமி தலைமையிலான அதிமுக கூட்டணியில் எந்தெந்த கட்சிகள் இணையப் போகிறது? யார் எடப்பாடி பழனிசாமிக்கு ஆதரவு அளிக்கிறார்கள் என்பதை பொறுத்திருந்து பார்க்கலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)